Ijemiisi 2:14 - IWE ỌNỊNỊ

¹⁴ Ẹwụ nịnị ẹyịnyara amị, ọza ọ̀ọ ka ọnị ọ́ọ sị ayị tụra Ohomorihi, dị ọ̀ yị sị vị ebira mẹ nị, ọgụ ịsị ẹ yà ịnị anị? Wéé ro ka Ohomorihi vaa dọ ọ há agụvị ka ộ sị ayị tụra Ohomorihi kẹnẹ?

Ijemiisi 2:14 ပူးပေါင်းရင်းမြစ်များ

Ijeremaya 7:8

Ẹnẹyịmavara kà, wee re, wa raa dọ ịrẹyị evene wụ nịnị tụ ịnị osusu.

Imatiwu 5:20

Maa kà a wụ nịnị ka ẹ̀ yị vị ịzẹyịza awụ nịnị huna ọ́ọzwọzọda nịnị ọnịrị Áanihwarisi nịnị, wẹ yị va nyẹngụ ngụ ịzị Ada ayị ẹbẹẹba yà aa mẹ ịjọva nịnị.”

Iruuku 3:11

Dị Ịjọọnụ tụ́ ohi, dị ọ kà a yị wa ka, “Ọza ana àa nyị awuru ẹẹva, ọ̀ sị ọnya yị ọza ẹnẹ ẹ̀ yị nyị! Ọza ana àa rẹ nyị ịsọyịrị, ọnị ọ̀ rẹ dà yị ọza ẹnẹ ẹ̀ yị nyị!”

Iruuku 6:49

Ama ọza ana àa wụ́ ịrẹyị amị, dị ọ̀ yị mẹ ịsị mị kà nị, vị ana sị mẹẹ anka ọza ana dà irehi tụ́ ịrẹsụ ezi, dị ọ̀ yị ká a ẹtẹ vụrụ-vụrụ. Ịjị okuha vẹ, dị ọ dà nya irehi ọnọọ nị, dị ọ wụsẹ wú nị; avaba irehi ọnọọ o wú ha saka-saka nị.”

Odeyi 15:9

O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

Odeyi 8:13

Ịsayịmọnị ọnị ọ rẹ dọ wụ́ bẹẹ. Ịjị a sị ọyịhwenyi mẹ yọ, dị ọ sị ẹngụ vaka Ihwiripi nị. O mè re ụkọrọ apọtẹrẹwa ọnịrị ohyozirenu ẹbanyị-ẹbanyị ana aa mẹ, ô hí oo irenu.

Odeyi 8:21

Wẹ yị nyị ụvọ tụ́ ịnị ụkọrọ ayị ọnọnị, agụvị ka wẹ yị nyị ayị ọnya ini eyi Ohomorihi.

Aniroomi 2:25

Wàa sị eyi pe ọda Ohomorihi, ụvẹvẹnẹ ọnị ụ jị nịnị ọ́ọ nyị ọgụ. Ama wẹ̀ yị sị eyi pe ọda Ohomorihi, vụ ụ kụkụ sị mẹẹ anka ọza ẹnẹ ẹ̀ yị jị ụvẹvẹnẹ avọọ nị.

1 Anịkọrịntị 15:2

Ini oze enube ọyịza ọnọọ Ohomorihi aa yàa dọ wụ nịnịị há nị, wàa yị jẹẹ pe ịrẹyị ọnị mị vịdị kà wụ nịnị, àyị vị ahịka ụ wẹ̀ yị dọ wụ́ nịnị booro nị.

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Itimoti 1:5

Iruvo ọnị maa sịị kà wụ ọnọ ọnọnị ọ vị ka ọ̀ mẹ ka anị ịzọọ ẹ̀ zụ nyị ịrẹyị ọza oyisì ana hụụnị ayị aza ana sị ayị tụra Ohomorihi obooro vẹ.

1 Itimoti 4:8

Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Ịtayịtọsị 3:8

Ịrẹyị ọnị maa kà a wụ aanị vị ịzẹyịza. Mee sì ka wa sị ọtụtụrụma tụ́ ọ hi wa ụtọ, agụvị aza ana raà sị ayị tụra Ohomorihi, ẹ̀ zụ sị ọ tụ́ ịnị ayị, dị ẹ̀ mẹ̀ ịsa ene zoza. Ịrẹyị ẹnẹnị ée zoza, ẹ rẹ nyị ọgụ yị ọza.

Anihiburu 11:17

Abụrahamị ộ sị ayị tụra Ohomorihi. Ọnị ọ mẹ ka Óhomorihi mẹ̀ zama a re, ọ̀ dọ ka ọnị ọ̀ sị Ayiziiki, dị ọnị ọ̀ sị mẹ̀ ịsọvọ hi Ohomorihi nị. Abụrahamị Óhomorihi hị́ eku nị, ama ô tenyi ẹngụ ka ọnị ọ̀ sị ozi anị ikonya mẹ̀ ịsọvọ hi Ohomorihi.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Ijemiisi 1:16

Ẹwụ nịnị ẹyịnyara amị oni mi sì, asị ụ zẹẹ ka è vene wu nịnị oo.

Ijemiisi 2:16

ama dị ọza ịnyara awụ nịnị yị kà a yọ kẹnẹ ka: Ngwa o! Wa na ka u vee re itaa kú ẹngụ ajịnị ọnịrị ịsọyịrị, ama di ẹ̀ yị nyị ịsị ọ sị yọ ịnị ịsa ene ee sì nị, áá nyị ọgụvọ ịsị u ro ka ọ́ọ vị?

Ijemiisi 2:18

Aza ẹnyị ẹ zụ nyị ahankata ka: Ọza ịnya ộ dọ Ohomorihi wụ́ kẹnẹ, dị ọsa ọnị aa mẹ̀ ịsa ana vọrọ nị. Ohi amị ọ vị ka: Ọ́za mẹmẹ nyẹngụ dọ Ohomorihi wụ́ kẹnẹ dị ẹ yị sị vị ebira mẹ? Ẹma nyẹngụ sị zụ wụ ka maa sị ayị tụra Ohomorihi ini oze ebira ọnị maa mẹ̀.

Ijemiisi 2:26

Wâ yẹ nịnị ka, ẹ̀ yị kụkụ nyị ụhwẹ ịnị ẹngụ ọza, vị ọza ọnọọ sú avọọ nị. Avọọ gẹdẹ-gẹdẹ ọza ọ̀ọ ka ọnị ọ́ọ sị ayị tụra Ohomorihi kẹnẹ, dị ọ̀ yị sị vị ebira mẹ nị, vị ẹdọwụ anị sị mẹẹ anka oku ene sú avọọ nị.

2Ipita 1:5

Agụvị avọọ, sị vụrị dụ wa nyị ebira ozoza tụ́ ịnị ẹdọwụ awụ nịnị. Rẹ nyị ịrẹyọyẹ tụ́ ini ebira ozoza awụ,