Ijemiisi 2:13 - IWE ỌNỊNỊ

¹³ Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Ijemiisi 2:13 ပူးပေါင်းရင်းမြစ်များ

Oyinyima 42:21

Dị ẹnẹbẹnị Ijosẹẹhụ vaa kà a yị ẹngụ dị ẹ ka, ẹnị ẹ yẹ ka ẹnị ẹ sị ịvị rị agụvị ebira ọnị ẹnị mẹ hi ọhụva ẹnịnị. Ọ kà ẹnị ê re ọ màa rị ụya, dị aa dá ịpẹẹ yị ẹnị, ama ẹnị e yi tụ́ ohi. Dị ọ ka ọnị ọ mẹ ka ịrẹyị ẹnẹnị ẹ maanị tù ẹnị aanị nị.

2 Ịtọpa 28:11

Odedi ka ẹnịnị e be ọnị átọ́. Ọ kà aza ẹnẹ ẹ za aanị vị ẹyịnyara ẹnịnị. Agụvị avọọ ẹ hụrẹ wa ụvọ ẹẹ nọ eehi. Ẹ̀ẹ yị vị avọọ, Ẹnẹyịmavara vaa kụ ayị dị ọ sị ụya rị wa.

Ahẹ Ụgama 18:25

Ọza aa mẹ ịzẹyịza, di Ohomorihi ọnị raa sị ịzẹyịzaa pè e mẹ Ọza ẹnẹ ẹ̀ yị mā mẹ akụvị, wẹ yị vaa sị ebira akụvị kanyị ọ.

Ahẹ Ụgama 85:10

Aza vaa nyị ayị ọnya, di e yee sì ịrẹyị ẹngụ, dị ẹ rẹ yaa mẹ̀ ebira ana vọrọ ini eyi Ohomorihi, dị ẹngụ ẹnịnị rọ.

Ụhịrẹyị 21:13

Ọza ọnị ẹ yị gụ onosiye ụvọ, ọ yị vee re ọnọgụvọ anị.

Ụhịrẹyị 22:16

Ọza ọbanyị anaa za onosiye mẹ̀ ụngwẹ ọnịrị ọza anaa kụ ịsa na yị ọza ọbanyị vị ọnị iruwa vaa za.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ijeremaya 9:24

Ama àa nyị ọza enee wo oto, oo wo oto ka ọnị ọọ yẹ ọnị Ohomorihi, ka vị ọnịị̄ sì ịrẹyị ọza pooro nị. Ịzẹyịza ọnịrị ana vọrọ ọnịị mẹ nị. Ịsa ẹnẹnị oo hine ọnị nị.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Imatiwu 5:7

Anayamva vaa daa jẹ, agụvị ka Ohomorihi vaa vayị ẹnịnị.

Imatiwu 6:15

Ama wẹ̀ yị vagu aza ịnị ịvị ẹnẹ ẹ̀ẹ mẹ hi wu nịnị, Ada awụ ẹbẹẹba ọ yị vaa vagu wu ịnị ịvị awụ nịnị.

Iruuku 16:25

Dị Abụrahamị ka: ‘Ozi, tamayị ka ụ mẹ̀ yà ẹhẹ, wâ dọ ịsa ọyịza-ọyịza, di Ịrasarụsị ọnị rị ụya ẹtẹẹtẹrẹ nị. Ama booro aanị, ẹngụ anị ọ sị rọ tụ́ ịzẹnị, ama ẹwụ aa rị ụya ịzọọ.

Iruuku 6:37

“Asị ụ sị ẹngụ awụ vị ọmọkarẹyị ọza, agụvị asị Ohomorihi mẹ̀ ọkarẹyị wụ! Asị ụ rẹ jị ịvị yị ọza, agụvị asị Ohomorihi jị ịvị wụ! Waa vagu ọza, agụvị Ohomorihi ọ̀ rẹ vagu wu ịnị ịvị awụ.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ọdọvịdị 1:7

Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.

Ọdọvịdị 5:27

Ahụ Isisera ộ jị ọ ụvọ, dị ọ nya ẹtẹ ha, Agada Idebora ọ nya ẹtẹ, di o su tụ nị.