Ijemiisi 2:12 - IWE ỌNỊNỊ

¹² Agụvị avọọ dị ụ wa tamayị ịnị avaba ịrẹyị ọnị ụ waa kà, ọnịrị ebira ọnị ụ waa mẹ, ka Ohomorihi vaa mẹ̀ ọkarẹyị yị wụ anka ọda Ohomorihi ana nyẹngụ dọ yị tịtẹ.

Ijemiisi 2:12 ပူးပေါင်းရင်းမြစ်များ

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Ịjọọnụ 8:32

Ụ vaa yẹ ịzẹyịza nịnị; ịzẹyịza ọnọọ ọ vaa sị wụ nịnịị hụụnị ọrịhị nị.”

Anigaratiya 6:2

Wee pe ẹngụụ za ẹnya ẹngụ nịnị! Wàa vavọọ aa mẹ nịnị, waa saasa ọda Ijeesu nịnị avọọ nị.

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

Ijemiisi 1:25

Ama ọza ana àa jị eyi ngụ ọda Ohomorihi, dị ọ sị ụvọ zaa, di ò yi hí ayị ịrẹyị ọnị ọ wụ́, dị aa sịị mẹ̀ ụkọrọ nị, Ohomorihi vaa mẹ ka ò zé yọ ịnị ịsa ana àa mẹ. Avaba ọda Ohomorihi ọ́ọ gụ, ọ nyẹngụ dọ yị tịtẹ.

Ijemiisi 2:8

Wàa sị eyi pe ọda oni Ohomorihi ohinọyị ayị mẹ, anka a mẹ̀ chẹrẹ ẹ tụ́ ini iwe Ohomorihi óo zoza. Ọda ọnọọ ộ kà a ka: Sì ịrẹyị ọnọhụva awụ anka u mè sì ịrẹyị ẹngụ awụ.