Ijemiisi 2:1 - IWE ỌNỊNỊ

¹ Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o!

Ijemiisi 2:1 ပူးပေါင်းရင်းမြစ်များ

2 Ịtọpa 19:7

Avọọ ẹnịnị ee hí angwa Ẹnẹyịmavara, di e si eyi pe ẹtẹ. Ẹnẹyịmavara e yi si irikiti, a vị dị ọza ọ dọ ochirerenu.

Ụhịrẹyị 24:23

Ọyẹrẹyị ộ kà ịrẹyị ẹnẹnị nị: Ẹ yị zoza ka ọza ọọ̄ mẹ̀ ọkarẹyị irikiti.

Ụhịrẹyị 28:21

E yi zoza ka ọza ọọ̄ nyị ọza re eyi, ama aza ẹnyị vị anaa mẹ̀ ebira odivi agụvị ịsa chee ọnị o vee re dọ.

Ireevi 19:15

Ẹnẹyịmavara kà ẹnịnị ẹ̀ẹ sị ịzẹyịzaa mẹ̀ ọkarẹyị; à sị ẹ nyị ọza remeyi agụvị ka ọọ vị onosiye, dị à sị e re hí angwa ọzọbanyị.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Odeyi 10:34

Dị Ipita nyima, dị ọ ka, “Ịzẹyịza, mê re ka Ohomorihi ọ mā nyị ọza remeyi.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 24:24

Ộ mẹ ẹkụhị chee, di Ịhwẹrịsị ọnịrị ose anị ana aā hị́ Idirusira vẹ nị. Ose anị ọnọọ vị Aniju. Dị ọ tụ́ na hị́ Ịpọọrụ, dị ẹ wụ́ ịrẹyị, a mẹmẹ zụ sị ayị tụra Ijeesu Ikirisiti nị.

Odeyi 7:2

Dị Isitivini ka, “Ẹwụ nịnị anda ayị ọnịrị ada ayị nịnị, batọ ịrẹyị amị nịnị! Ohomorihi onigirima ộ sị ẹngụ zụ̀ Abụrahamị ada ayị, ịnị ụmẹ ọnọọ sị yà Imesopotamiya, dị ọ va na ra Ị́haraanị.

Aniroomi 1:11

Ayị amị ộ sị ọọ ẹtẹẹtẹrẹ ka me ve hee wu nịnị, dị ma zụ sị ẹyịza ọnị Ụhwẹ Ohomorihi sị yị mị yị wụ nịnị, dị ụ wa zụ nyị ụkata nịnị.

1 Anịkọrịntị 2:8

Ẹ yị nyị ohirẹsụ ẹhẹ ọnọnị ana yẹẹ. Ẹ̀ẹ yaanị yẹẹ, ẹyị yaanị kanyị Ananyị yị ana nyị avaba ụbanyị za ọchị apavahị.

Iwe Ọhụhị Imosiisi ana aa hị́ Ọyịvatụrọda 1:17

Asị ẹ gụ ọza ẹnyị yị ọsa. Ẹ sị eyi ẹbẹẹbẹ re ọnyẹkẹhị ọnịrị ọnụzọngwa. Ẹ sị oze yị ọzọza ẹ kụ́ irenu ẹnịnị. Asị e hí angwa ọza ẹnyị-ẹnyị agụvị ka ịrẹyị Ohomorihi ẹ vaa sị mẹ̀ ọkarẹyị yị aza nị. Ịrẹyị anaaa da wa ụvọ dị ẹ kụ̀ ọ vee tu ọnị.

Iwe Ọhụhị Imosiisi ana aa hị́ Ọyịvatụrọda 16:19

A sị u sima ịrẹyị ka waa mẹ̀ ọkarẹyị nịnị. A sị ụ nyị ọza remeyi nịnị, dị a sị ụ dọ ochirerenu o. Agụvị ka ochirerenu vi eneē gù ọza eyi, ẹ yị nyị ọza mẹ ye ịrẹyị dị ọ nyị ịzẹyịza na za.

Anikorasi 1:4

agụvị ka yâ wụ́ ka waa sị ayị tụra Ijeesu Ikirisiti nịnị, ọnịrị ka wee sì ịrẹyị aza Ohomorihi nịnị.

1 Itimoti 1:19

Wa yịị sị ayịị tụra Ohomorihi, di u we re ka ivehu awụ ọ́ọ nị! Aza ẹnyị ẹyị kụkụ sị ụtọ pe ivehu ẹnịnị, agụvị avọọ ẹdọwụ ẹnịnị ọ sị gara ha.

1 Itimoti 5:21

Ohomorihi ọnịrị Ijeesu Ikirisiti beri anggẹẹrị nịnị ọnị ọ nyị ee ree aanị; mee hú wu ụvọ ka wa sị ụvọ za ịrẹyị ẹnẹnị ẹtẹẹtẹrẹ! Asị ụ nyị ọza remeyi ịnị ịsa ọnyọọnyị ọnị ụ wàaa mẹ.

Ịtayịtọsị 1:1

Ẹma vị Ịpọọrụ ana vị ozi ahụ Ohomorihi, dị mị rẹ vị odeyi Ijeesu Ikirisiti nị. Ohomorihi ộ tụ́ mị ka ma na gụ aza ọnị ọ́ sị nyị ụvọ ka ẹ̀ zụ sị ayị tụra a: dị ma rẹ sị zụ̀ wa, dị ẹ̀ zụ yẹ ịzẹyịza anaā sịị oze zụ̀ aza ka ẹ̀ zụụ mẹ̀ ebira ene ze Ohomorihi eyi.

Ịtayịtọsị 2:13

Yáa jẹẹ ee zí ụmẹ ọnọọ ọnị ị vaa sị nyị ayohine ẹtẹẹtẹrẹ. Ụmẹ ọnọọ avaba aza ve sii re igirima Ohomorihi ana nyị ụbanyị, ana vị Ijeesu Ikirisiti Ọdọzaha ayị nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Ijemiisi 1:16

Ẹwụ nịnị ẹyịnyara amị oni mi sì, asị ụ zẹẹ ka è vene wu nịnị oo.

Ijemiisi 1:19

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.

Ijemiisi 2:3

Ama dị ahịka ọnyẹkẹhị ọnọnị ụ hị́ ẹngụ ẹtẹ anị nị, dị ụ wụsẹ ka: Aarịhịnị Nda, va yaayịtẹ ịzẹnị, ama dị ụ kà a yị onosiye ọnọnị ka ọ̀ jẹẹ ịzọọ, ẹ̀ yị vị avọọ, dị ụ ka ọ̀ na yaayịtẹ ini eteesu.

Ijemiisi 2:9

Ama wàaa nyị ọzaa remeyi nịnị, wa sị ịvị mẹ nịnị; ọda ọ sị wụ nịnị za, agụvị ka wa sị jịnẹ ọda nịnị.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.

Ẹtore 14:12

Ọsọnị ọ́ọ dọ ka aza Ohomorihi ana sị eyi pe ọda anị, dị ẹ rẹ sị ayị tụra Ijeesu, ẹ̀ẹ sị ẹngụụ dọ ịrẹyị.