Ijemiisi 1:6 - IWE ỌNỊNỊ

⁶ Ama ọza ọnọọ àa pa ịsa ịnị ụvọ Ohomorihi, áa nyị ka ọ̀ dọ wụ ka ọ vaa sịị yị ọnị; asị ọ mẹ ayị ẹẹva. Ọza ana àa mẹ ayị ẹẹva vị ana sị mẹẹ anka enyi ini òkū ana ahị aā kụ́ụ vaachii vaa hịrẹ avọọ.

Ijemiisi 1:6 ပူးပေါင်းရင်းမြစ်များ

Oyinyima 49:4

Ama ẹ yị vị ewee kuku vee hu ini ezi emi, agụvị ka wẹ yị jẹẹ aha ọnya anka enyi avọọ. Ẹwụrị onyeehi amị ộ sụ. Wa raà sị ọnọọ du mi ẹngụ.

Imatiwu 14:28

Dị Ipita ka, “Ananyị yị, àa vị ẹwụụ yọ ịzẹyịza, mẹ ọdaa mị ka ma zị ụsẹ ve tù wu ị́rẹsụ enyi!”

Odeyi 10:20

Kwẹẹtẹ, chí na, dị ụ wa saasa wa! Asị ụ mẹ ayị ẹẹva, agụvị ka ẹma tụ́ wa vẹ nị!”

Anẹhwẹsọsị 4:14

Ịjọnọọ, yẹ yị kụkụ vaa yà anka ezweyi ẹnẹ ẹ̀ yị mā jẹẹ aha ọnya, dị enevene ana aa zụ̀ aza ịsa aa kụ́ waa vaa chíi vaa hịrẹ anka ahị avọọ. Dị ẹyaa sị irikichi ẹnịnịị be aza enee vee vene.

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

Anihiburu 10:23

À vẹ ya jẹẹ geri-geri, dị ya sị ụvọ za ịsa ọnị ị ka yáa dọ wụ́! Ohomorihi ana zẹẹ yị ịzẹzẹ, a zụ sị ayị tụra a.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Ijemiisi 1:7

Asị ẹngụ ọza ọnọọ ro ka ọnị vee re ịsọnyị-ịsọnyịị dọ hụụnị ụvọ Ohomorihi.

Ijemiisi 5:15

Aduwa ana àa mẹ ini oze ka aa sị ayị tụra ịrẹha Ananyị yị, vaa mẹ ọnịkụ ọnọọ ụkụ anị, Ananyị yị vaa sị ọọ kwẹẹtẹ. Àa vị ọ mẹ ịvị nị, Ohomorihi vaa vaagu ọ ịnị anị.

2Ipita 2:17

Onireche ẹnẹẹ vị ana sị mẹẹ anka ịkangga ẹnẹ ẹ̀ yị nyị enyi avọọ. Vị ẹ rẹ yà anka eguhi ọnị ahị aa kụ́ụ zịịzị nị. Ịnị ịrahụ ruma-ruma Ohomorihi sị eehi ẹnịnị tụ́ pooro zịna-zịna nị.