Ijemiisi 1:5 - IWE ỌNỊNỊ

⁵ Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Ijemiisi 1:5 ပူးပေါင်းရင်းမြစ်များ

1 Ịtọpa 22:12

Ẹnẹyịmavara, Ohomorihi awụ ọ̀ navọ eyi awụ o ve hu eyi, dị ọ sị ịrẹyọyẹ wụ dị wa va sị mẹ ohinọyị yị Anisirẹrị nịnị zị oze ọda anị.

2 Ịtọpa 1:10

Dị Isoromọnị ka Ohomorihi ọ sị ịrẹyọyẹ yị ọnị ọnị vaa sị mẹ̀ ịjọva tụra wa ịrẹsụ a mẹ vọrọ. Ẹ yị vị avọọ, ẹnẹ zụ mẹ̀ ịjọva tụra ẹkụra anị ọbanyị ọnọnị ịrẹsụ?

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ọyịkụra 31:3

Ma raà sị Ụhwẹ amịị yọ ẹtẹẹtẹrẹ ka ọ̀ yẹ eyi ụkọrọ dị ọ̀ rẹ yẹ ịrẹyị dị ọ̀ zụ mẹ avaba ụkọrọ ana nyị ụkẹkẹ.

Ọyịkụra 31:6

Ma rẹ ra à nyị Ohoriyabi ana vi ozi Ahisamachị ka ọ̀ gụ ọ ụvọ. Ohoriyabi vị Anịdanị. Avọọ m mẹ̀ sị ịrẹyọyẹ yị avaba ọnụkẹkẹ ẹnẹẹ nị. Ẹnịnị vaa mẹ avaba ụkọrọ ọnọọ anka m mẹ̀ ka wa mẹ̀ ẹ.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Imatiwu 11:20

Dị Ijeesu nyima, dị aa tụ́ anẹkụra ịzị ọ yà zẹẹẹ̄ mẹ̀ ụkọrọ ohyozirenu ọrụrụ-ọrụrụ anị ohuvọ agụvị ka ẹnịnị e yi ro ịnẹ varẹma:

Ịmaakị 16:14

Ịrẹma ọnọọ, dị Ijeesu rẹ sị ẹngụ zụ̀ ezirẹma anị ẹwụrọnya, ẹ́nịnị màa rị ịsa nị. Ộ tụ́ wa ohuvọ, agụvị ka ẹnịnị ẹ yị dọ ọnị wụ́, ayị ẹnịnị ọ sị katẹngụ, agụvị ka ẹnịnị ẹ yị dọ aza ene re ọnị ka ọnị ộ ha hụụnị isu wụ́.

Ịjọọnụ 14:13

Ịsa tụra ịsa oni u wèe họ̀ use anị ịnị ịrẹha amị nịnị, mị vaa mẹ̀ ẹ, agụvị dị à zụ sị igirima yị Ada amị ini oze ẹmị Ozi anị.

Ịjọọnụ 15:7

Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

Ịjọọnụ 4:10

Dị Ijeesu re tụ́ ọ ohi, dị ọ ka, “À kà ka wâ yẹ ẹyịza oni Ohomorihiī sịị yị ọza, dị ụ rẹ yẹ ọza ana kà ka wa ká enyi yị ọnị di oni ò hú nị, ẹwụ rẹ yaanị dá ịpẹ yọ, dị ọ yaanị sị enyi anaā mẹ ka ọza ọ̀ yàra yị wụ.”

2 Anịkọrịntị 2:16

Yị aza ene ee vu ẹtẹ, vị ị sị mẹẹ anka ịsa agụ ene sú, ana agụ anị rẹẹ̄ wụ̀ ọza avọọ nị. Ama yị aza ana vọ, vị ịsị mẹẹ anka ịsa ana yàra, ana agụ anị rẹẹ̄ mẹ ka ọza ọ̀ yàra avọọ nị.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

1 Ịjọọnụ 3:22

Ịsị yèe họ̀ use hụụnị ụvọ anị, ọ raa sịị yị, agụvị ka yaa saasa ọda anị; ị raa mẹ̀ ịsa ene zée eyi.