Ijemiisi 1:4 - IWE ỌNỊNỊ

⁴ Ama vavọọ yị jẹẹ geri-geri pooro nịnị, asị ụ zizi, agụvị wa nyẹngụ gụ ini oze tụra oze nịnị. Asị a nyị ebira ozoza ana vẹtẹ ọnị ụ wẹ̀ yị nyị nịnị.

Ijemiisi 1:4 ပူးပေါင်းရင်းမြစ်များ

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

Ahẹ Ụgama 37:7

Maanị nyị isuuru hẹẹ dị wa jẹẹ zi Ẹnẹyịmavara Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị asị ụ hụ agụvị avọọ kụ́ ayị.

Ahẹ Ụgama 40:1

Mâ tangwa jẹẹ ee zi Ẹnẹyịmavara kà ọ̀ va gụ mị ụvọ Ộ wụ́ ka mee nowu, dị ọ ba mị owu nị.

Ụhịrẹyị 4:8

Waa dụ ka wa yẹ ịrẹyị. Ọnị ọ vaa sị wụ tụ ẹba, dị ụ nyị ụbanyị nị.

Ihabaku 2:3

Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 19:20

Dị ozi ọnọrụ ọnọọ kà a yọ ka, “M mẹ̀ hụrẹ vị ozweyi mị hụrẹ sị ụvọ za avaba ọda ẹnẹnị geri-geri nọ. Sị a vọrọ ka ma kụkụ mẹ?”

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Ịmaakị 10:21

Ijeesu ô re ọnọrụ ọnọọ pooro, ô sì ịrẹyị anị, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi, dị ụ wa vẹ, dị ụ wa vaa dụ mịị zịịzị!”

Iruuku 18:22

Ịjị Ijeesu maanị wụ́ ọọ, dị ọ kà a yọ ka, “Ọ sị vọ ịsa ọnya chọchọchọ ana a vọrọ ka wa mẹ: Na, ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịdị Ohomorihi; dị ụ wa vẹ, dị ụ wa vaa dụ mịị zịịzị!”

Iruuku 21:19

Wàa jẹẹ geri-geri nịnị, ọnị ọ vaa mẹ ka wa zụ yara nịnị obooro nị.”

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Ịjọọnụ 17:23

Ẹmịrị wa vị ọnya, dị ẹmịrị ẹwụ rẹ vị ọnya nị, agụvị dị ẹnịnị ẹ̀ zụ vị ọnya chọchọchọ, dị anẹhẹ ẹ̀ zụ yẹ ka ẹwa tụ́ mị vẹ ẹhẹ nị. Dị ẹ̀ rẹ yẹ ka wê sì ịrẹyị ẹnịnị, anka u mè sị̀ ịrẹyị amị.

1 Anịkọrịntị 2:6

Ịzẹyịza, máa sị ịrẹyọyẹ kà ịrẹyị yị aza ana sị vịra tụ́ ini oze Ohomorihi. Ama ayị vị ịrẹyọyẹ ẹhẹ ọnọnị ọ vị, àa vị ịrẹyọyẹ ohirẹsụ ẹhẹ ọnọnị, ana ahịka ụkata ẹnịnị vaa ta.

Anigaratiya 6:9

Agụvị avọọ à vẹ vị yaa mẹ ọyịza, dị asị ọ ngụ yị ẹngụ! Agụvị ka ọ̀yị ngụ yị ẹngụ, i vee re ọgụ anị ọdịrẹma.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

1 Anịtẹsaronika 5:23

Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ.

2 Itimoti 3:17

Ọ vaa mẹ ka ọza Ohomorihi ò zụ tenyi ẹngụ ẹtẹẹtẹrẹ, dị ọ̀ rẹ nyị avaba ịsị a vọrọ ka ọ̀ sịị mẹ avaba ụkọrọ ozoza.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

2Ipita 1:9

Ama ọza ẹnẹ ẹ̀yị mẹ̀ ịsa ẹnẹẹ, vị ẹ sị mẹẹ anka ogweyi ene è yi re ẹtẹ avọọ nị, dị ayị hí ọ ka Ohomorihi ọ sị ịvị anị ịyẹẹyẹ nyịna kwooze.