Ijemiisi 1:18 - IWE ỌNỊNỊ

¹⁸ Ô zé Ohomorihi eyi, dị ọ sị ịrẹyị anị ana vị ịzẹyịza, dị ọ sị mẹ ka ya yàra nị; ộ vavọọ mẹ, agụvị dị ya vị ọnịpaapa ịnị aza anị.

Ijemiisi 1:18 ပူးပေါင်းရင်းမြစ်များ

Ijeremaya 2:3

Ẹnẹyịmavara kà Anisirẹrị vị aza ọnị ọnị nyị tụ irenyi yị ẹngụ anị. Avaba aza ana kwọ kata wa ẹngụ vị ọnị ọnị sị ụya rị, dị ọnị kụ ẹngụkata odivi tu wa.

Ireevi 23:10

ọ kà a yị Anisirẹrị nịnị ka, ịhị ẹnịnị ẹ̀ẹ va sị ngụ ịnị ẹtẹ ọnị ọnị aa sịị yị wa, dị ẹnịnị kụ ịsa ịnị aarẹ ẹnịnị gụ nị, ẹnịnị ẹ̀ sị ọdụ ịsị ịpaapa ẹnẹ ẹ kụ́ gụ vẹ ịdị ohirẹsụ irehi Ohomorihi.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Ịjọọnụ 1:13

Ka aza ẹnẹẹ ẹ sị vị ezi Ohomorihi o yi véné, aza mẹ̀ẹ̄ ma ezi ana ahịka ọnọrụ ọnịrị ọnẹẹ ẹ tụra ụsụ anị nị. Ama Ohomorihi ọnị ụvọta ọ ma wa nị.

Aniroomi 4:17

 vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ.

1 Anịkọrịntị 4:15

Òo zee eyi ọza ana aa zụ̀ wụ nịnị oze Ikirisiti ẹ̀ gụ akahị-akahị oze ẹẹwụ (10,000), ama ọza ịnya kẹnẹ ọ vị ada awụ nịnị nị. Ịnị ụmẹ ọnị mị sị kà enube ọyịza wụ nịnị, ma sị vara ada awụ nịnị nị. Ịnị ụmẹ ọnị mị sị kà enube ọyịza wụ nịnị, ma sị vara ada awụ nịnị ini oze Ijeesu Ikirisiti.

2 Anịkọrịntị 6:7

Ya rẹ vavọọ sị zụ̀ ka ezi ahụ Ohomorihi ị vị̀ nị ini oze ịzẹyịza ọnị yaa kà ọnịrị ụkata Ohomorihi ana yàrị ẹyị. Ịzẹyịza ọnị yaa mẹ ọ vị ẹnya ịrẹkụ ayị nị, ọnị ị yaa sịị kụ̀ ịrẹkụ, dị yaa sịị dọ ẹngụ ayịị tụ́ nị.

Anẹhwẹsọsị 1:12

ẹyị ana ahịka ẹya vịdị aa tụra Ikirisiti eyi aanị nị, ya ga ụbanyị Ohomorihi.

Anẹhwẹsọsị 1:13

Avọọ ọ mẹ̀ rẹ yà yị ẹwụ nịnị nị. Ụ mẹ̀ wụ́ enube ọyịza ana vị ịzẹyịza ana mẹ ka Ohomorihi ọ̀ dọ wụ nịnị há, wá sị ayị tụra Ikirisiti nịnị. Ẹwụ nịnị ọnị ọnịrị Ikirisiti sị vị ọnya, Ohomorihi ộ sị apọtẹrẹwa tụ́ wụ nịnị ẹngụ ka ọnị ọ nyị wụ nịnị nị. Ụhwẹ Ọnịnị ọnị ọ kà a ka ẹ yị zụ nyị ka ọnị ọ yị vaa sịị wụ ọ jẹẹ yị apọtẹrẹwa ọnọọ nị.

2 Itimoti 2:15

Sị vụrị di u we re ka waa mẹ̀ ebira ene zé Ohomorihi eyi! Asị ụ vị ọnụkọrọ ọnị ụhị vaa nyịị tụ́ ịnị ụkọrọ anị! Waa sị ịrẹyị ịzẹyịzaa zụ̀ aza, anka ọ mẹ̀ vọrọ!

Anihiburu 12:23

Ịzị ụ vẹ nịnị aanị vị ịzị avaba anịragụ Ohomorihi kụ́ gụ. Ẹnị ẹ vị ezi ịpaapa Ohomorihi ọnị ọ raà chẹrẹ ịrẹha ẹnịnị tụ́ ẹbẹẹba nị. Wa raà saasa ọnịrẹyịzẹyịza nịnị oni Ohomorihi raà mẹ ka ẹ̀ gụ.

Ijemiisi 1:15

Ariro odivi ọnọọ ọọ̄ mẹ̀ ọza ka ọ̀ mẹ ịvị nị. Ịjị ọza ọ̀ọ sị ịvị mẹ ta, dị ahịka isu ọ zaa ịrẹsụ nị.

Ijemiisi 1:21

Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

Ijemiisi 3:14

Ama wàaa kụ́ ụhị ịnị ayị awụ, dị ụ wáa nyị ẹngụrẹyị, dị ahịka ẹngụ awụ nịnị kẹnẹ u ree sì ọyịzaa yị nị, ẹ́ yị vọrọ ka waa nyị irenu, dị ụ wa navọ ịzẹyịza tịtẹ di u wee cheeche.

1Ipita 1:23

Ohomorihi ọ sị wụ nịnị tenyi ma ini oze ịrẹyị anị ana yára, dị ọ rẹ jẹẹ pooro. Ẹ́ yị vị ọza ana ahịka oō sú, o tenyi wụ nịnị ma, ama Ohomorihi ana yára zịna-zịna pooro yọ nị.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

1 Ịjọọnụ 3:9

Ọza àa vị ozi Ohomorihi, ọ yị mā kụkụ mẹ ịvị, agụvị ka ebira Ohomorihi yà ịnị ayị anị. Ẹ yị nyẹngụ aa mẹ ịvị agụvị ka Ohomorihi ọ vị Ada anị nị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.