Ijemiisi 1:16 - IWE ỌNỊNỊ

¹⁶ Ẹwụ nịnị ẹyịnyara amị oni mi sì, asị ụ zẹẹ ka è vene wu nịnị oo.

Ijemiisi 1:16 ပူးပေါင်းရင်းမြစ်များ

Imatiwu 22:29

Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Ịmaakị 12:24

Dị Ijeesu ka, “Wáá yẹ ka we si nyeeyi nịnị? Agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Ịmaakị 12:27

Ohomorihi ọ yị vị Ohomorihi aza ana ta, ama Ohomorihi aza ana yàra. Wee re ka we si nyeeyi nịnị ẹtẹẹtẹrẹ aanị.”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

1 Anịkọrịntị 6:9

Máa yẹ ka wáa yẹ nịnị kaakara ka ọza ẹnẹ ẹ̀ yị nyị ịzẹyịza, ọ yị vaa ngụ ịzị Ohomorihi yà aa mẹ ịjọva. Asị ụ vene ẹngụ awụ nịnị oo! Ọmụnọ nịnị ọnịrị aza ana aa hẹkẹ ori, beri ọsẹrẹka nịnị ọnịrị ọnọrụ nịnị anaā nọ ịdị ọnọrụ ọsa anka ọnẹẹ avọọ,

Anigaratiya 6:7

Asị u vene ẹngụ awụ nịnị! ẹ yị nyị ọza ana zụ mẹ Ohomorihi rị. Ịsa tụra ịsa ọnị ọza òo chire, ọnị ọ rẹ vaa há nị.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

Anihwiripi 4:1

Ẹwụ nịnị ẹyịnyara amị, máa da sì ịrẹyị awụ nịnị kẹnẹ. Eyi awụ nịnị aa tụra mị. Ụụ̄ daa mẹ ka ịnẹ amị òo hine nịnị; ẹwụ nịnị ọ vị ọgụ ụkọrọ amị nị. Ẹwụ nịnị ẹyịnyara amị, ẹwụrị Ananyị yị ọ sị vị ọnya, agụvị avọọ jẹẹ geri-geri nịnị.

Anikorasi 2:4

Maa kà ịsa ẹnẹnịị wụ nịnị, agụvị asị ụ na zẹẹ ka ọza ọ̀ sị ireche ohine vene wu nịnị.

Anikorasi 2:8

Sị eyi pe ẹngụ awụ nịnị! Asị ụ zẹẹ ka ọzọnyị-ọzọnyị ọ̀ sị ịrẹyọyẹ ẹhẹ ọnịrị ịsa kẹnẹ-kẹnẹ vene wu nịnị! Ẹngụ ịrẹyọyẹ ẹnẹẹ ịnị ụvọ aza ọnịrị ori ana nyị ụkata hi ịnị ẹhẹ ọnọnị ẹ hụrẹ vẹ nị. Ayị vị ịda Ikirisiti ẹ hụrẹ vẹ.

2 Itimoti 2:18

Ẹ sị há hụụnị oze ịzẹyịza. Ẹ ka aza ẹ sị ha hụụnị isu da. Ini oze avọọ, ẹ raà mẹ ka asị aza ẹnyị kụkụ vị ọdọwụ.

Anihiburu 13:1

Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

Ijemiisi 1:19

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.

Ijemiisi 1:2

Ẹwụ nịnị ẹyịnyara amị, waa jẹ nịnị ụmẹ ana àa sị zama wụ nịnị re ini oze irenyi-irenyi.

Ijemiisi 2:1

Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o!

Ijemiisi 2:14

Ẹwụ nịnị ẹyịnyara amị, ọza ọ̀ọ ka ọnị ọ́ọ sị ayị tụra Ohomorihi, dị ọ̀ yị sị vị ebira mẹ nị, ọgụ ịsị ẹ yà ịnị anị? Wéé ro ka Ohomorihi vaa dọ ọ há agụvị ka ộ sị ayị tụra Ohomorihi kẹnẹ?

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

Ijemiisi 3:1

Ẹwụ nịnị ẹyịnyara amị, ẹ́ yị vọrọ ka avaba awụ nịnị òo sì ka wa vị ọzwọzịsa nịnị oo! Wáa yẹ nịnị ka ẹyị ọzwọzịsa ọkarẹyị anị vee divii hu nị.

Ijemiisi 3:10

Irenu ana aa sị ga Ohomorihi, ọnị a rẹẹ̄ sị tụ́ ozirenuu hi ọza nị. Ẹwụ nịnị ẹyịnyara amị, áá vọrọ ka ọ̀ vavọọ yà?

Ijemiisi 4:11

Ẹwụ nịnị ẹyịnyara amị, asị ụ rẹ kà ịrẹyị odivi ẹngụ nịnị! Ọza ana àa kà ịrẹyị odivi ọnọhụva anị, à vị ka dị ọ jị ịvị yọ, ọda Ohomorihi ọ́za ọnọọ aa kà ịrẹyị odivii hi, dị ọ raa jị ịvịị yị avọọ nị. Yẹ ka wàaa jị ịvịị yị ọda Ohomorihi, wẹ yị kụkụ mẹ̀ ịsa ọnị ọda kà, ụ kụkụ aa jị ịvịị yọ avọọ nị.

Ijemiisi 5:12

Ẹwụ nịnị ẹyịnyara amị, ịrẹyị obooro yị: Asị ụ sị ihinẹba, àa vị ẹhẹ hị́ eku! Asị a hyakụ nyị ịsị ụ sị hị́ eku vụrụ-vụrụ. Wâ kà a ka Hịịn, ọ̀ vị hịịn; wàa kà a ka Eyiye, ọ rẹ vị eyiye, agụvị asị Ohomorihi Ananyị yị na jị ịvị wụ nịnị.

Ijemiisi 5:19

Ẹwụ nịnị ẹyịnyara amị, àa nyị ọza ịnị awụ nịnị ana há hụrị oze ịzẹyịza Ohomorihi, dị ọza ịnya za a vavẹ nị,