Ijemiisi 1:1 - IWE ỌNỊNỊ

¹ Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

Ijemiisi 1:1 ပူးပေါင်းရင်းမြစ်များ

1 Ohinọyị 18:31

Dị ọ kụ́ ịrẹta ẹwụrẹva anka ịrịka ịrẹsụ ezi Ijekọvụ nị. Ijekọvụ ọnọọ Ẹnẹyịmavara vịdị kà a yị ka Isirẹrị ịrẹha anị vaa rị nị.

Ẹzịra 6:17

Ẹ maa sị ọ chire Ohomorihi ụvọ, ệ wụ̀ uye ẹnẹ ẹ sị mẹ̀ ịsọvọ. Ệ wụ ụnọ ẹchẹhị, ịdẹba ịrẹka beri ezi atẹmẹ akava. Ệ wụ ịdẹ ẹwụrẹva ọnị ẹ sị mẹ̀ ịsọvọ ịvị avaba Anisirẹrị nini. Ịdẹ Ọnyọọnya vị ana jẹẹ yị ịrẹsụ Anisirẹrị ikonyọọnya.

Ẹsịta 3:8

Di Ịhamanị kà a yị ohinọyị ka â nyị azọga ene che hi ịnị ẹtẹ awụ ọnọnị ẹnẹ ẹ̀ yị mā và hura aza ayị mẹ ịsọnyị-ịsọnyị. Ebira ẹnịnị vị irenyi yị aza ana vọ. Ẹnịnị ẹ yị saasa ọda ọnị ohinọyị mẹ tụ́ ịnị ẹkụra. Taarụ! Me yi ro ka ộ vọrọ ka wa vavọọ re wa kẹnẹ.

Ọyịkụra 24:4

Di Imosiisi va chẹrẹ avaba ịrẹyị ẹnị Ẹnẹyịmavara kà nị. Ẹnẹnẹ viri-viri eyinẹhẹ anị, di Imosiisi kwẹẹtẹ dị ọ jị ụta tụ́ iruvo ataba ọnọọ nị. Dị ọ sị ịrẹta jị ọhẹ ẹwụrẹva tụ́ ọ nị. Ọhẹ ẹwụrẹva ọnọọ ọ jẹẹ yị ịrẹsụ ẹwụrẹva ana vị Anisirẹrị.

Ọyịkụra 28:21

Ẹwụrẹva ịrẹta ẹnẹẹ vaa vị nị. Ịrẹta ọnya-ọnya ọ̀ jẹẹ yị ịrẹha ozi Isirẹrị ọnya-ọnya. Bẹ ịrẹha ịrẹsụ Isirẹrị ẹwụrẹva hi ịnị ịrẹta ẹnẹẹ. Ịrẹha ịrẹsụ ọnya ọ̀ yà ịnị ịrẹta ọnya.

Ọyịkụra 39:14

Ịrẹta ẹnẹẹ vị ẹwụrẹva ọnya-ọnya ộ jẹẹ yị ịrẹha ozi Isirẹrị ọnya-ọnya. Dị ẹ bẹ ịrẹta ịrẹsụ Isirẹrị ẹwụrẹva tụ́ ọ anka a mẹ̀ bẹ ịsị a sịị sị ụvọọ tụ́ ini iwe avọọ nị.

Ezikẹẹrị 12:15

Ịjị ọnị ọọ vavọọ sị wa gara hi ozi ẹkụra-ẹkụra, ẹnịnị vaa yẹ ka ọnị ọ vị Ẹnẹyịmavara nị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Imatiwu 10:3

Ihwiripi beri Ibatoromiwu; Ịtọmọsị ọnịrị Imatiwu ọdẹkẹhirehi, Ijemiisi ozi Arịhwịyọsị, ne beri Ịtadịyọsị;

Imatiwu 13:55

Aanị ka ẹ yị vị ozi ikahunta ọnọọ yị? Áa vị Imeri ọ vị ọnyị anị? Aanị ka ẹ yị vị Ijemiisi ọnịrị Ijosẹẹhụ beri Ịsayịmọnị ne beri Ijudasi ọ vị ẹyịnyara anị?

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Ịmaakị 3:18

Andụrụ, Ihwiripi, Ibatoromiwu, Imatiwu, Ịtọmọsị, Ijemiisi ozi Arịhwịyọsị, Ịtadịyọsị, Ịsayịmọnị Anikenaani,

Iruuku 22:30

ka wa yaayịtẹ aha ịsọyịrị amị ịzị mị yà aa mẹ ịjọva nịnị, dị ụ waa rị, di u wee hú nịnị. Ẹwụ nịnị rẹ vaa vị ohinọyị, dị ụ waa mẹ̀ ọkarẹyị tụ́ ịrẹsụ ovwoovu ẹwụrẹva Anisirẹrị nịnị.”

Iruuku 6:15

Imatiwu ọnịrị Ịtọmọsị; Ijemiisi, ozi Arịhwịyọsị ọnịrị Ịsayịmọnị ana aā hị́ Izirọtị (Anakwẹngụhi);

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 7:35

Dị Aniju nịnị aa kà a yị ẹngụ ka, “Ịzị ị yẹ ka ọ vaa nọ, di ye yi zụ re e? Ẹwáá ka vị ọ vaa nọ ịdị Anigiriki ịzị Aniju gara hi, dị ọ̀ naa zụ̀ Anigiriki nịnị ịsa ịzọọ nị?”

Odeyi 1:13

Ẹ mẹ̀ vẹ, dị ẹ nọ ịnị aku ịnị ọtụrọsa ịzị ẹnịnị hi nị. Aza ene hi ịzọọ yị: Ipita, Ịjọọnụ, Ijemiisi ọnịrị Andụrụ, Ihwiripi ọnịrị Ịtọmọsị, Ibatoromiwu ọnịrị Imatiwu, Ijemiisi ozi Arịhwịyọsị, Ịsayịmọnị ana aā hị́ Izirọtị (Anakwẹngụhi) beri Ijudasi ozi Ijemiisi.

Odeyi 12:17

Di o mi wa ụvọ ka è kú irenu nị. Dị ọ kà a yị wa, Ánanyị yị mẹmẹ sị ọ hụụnị ẹngwa nị. Dị ọ hụụ ịzọọ nọ aha ọsa nị.

Odeyi 15:13

Ịjị ẹ sị ịrẹyị ẹnịnị kà ta, dị Ijemiisi tụ́ ohi nị, dị ọ ka, “Ẹwụ nịnị ẹyịnyara amị! Batọ ịrẹyị amị nịnị!

Odeyi 15:21

Agụvị ka o si kù ana a hụrẹ aa kà ọda Imosiisi ini irehi Ohomorihi, dị aa kà ịrẹyị anị avaba ẹkụra ịnị ẹkụhị ụhwọtụ-ẹkụhị ụhwọtụ nị.”

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 2:5

Ụmẹ ọnọọ, â nyị Aniju nịnị ana hụrẹ avaba ẹhẹ vẹ ana va ra Ijerusarẹmị. Ẹnịnị ệ nyị ahẹkẹ Ohomorihi ẹtẹẹtẹrẹ.

Odeyi 21:18

Eyinẹhẹ anị, dị ẹyịrị Ịpọọrụ zị ne hee Ijemiisi nị. Avaba azọkụ ịragụ Ohomorihi hi ịzọọ.

Odeyi 23:26

“Ẹma vị Ikirawudiyọsị Irisiya nị. Maa chẹrẹ iwe ọnọnịị tụ́ hi ẹwụ Ịhwẹrịsị ana vị ịgọvọnọ. Taarụ! Wáá dahi?

Odeyi 26:7

Ịrẹsụ ayị ẹwụrẹva ẹnị ẹ rẹ vavọọ nyị ọyịtureyi, agụvị avọọ dị ẹ nyayịnẹ aa hẹkẹ Ohomorihi ọọdụ ọnịrị ịrahụ nị. Taarụ, agụvị ka ẹmị raa tụra eyi ịsa ọnọọ Ániju nịnị sị za mị aanị nị.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

Anigaratiya 1:19

Ẹ yị nyị odeyi ọsa oni mi re, àyị vị Ijemiisi kẹnẹ ana vị ọyịnyara Ananyị yị.

Anigaratiya 2:12

Ipita vidiī beri aza ẹnẹ ẹ̀ yị vị Aniju nịnị rị ịsa. Ama ịjị aza ẹnyị aanị oni Ijemiisi tụ́ vẹ, va ngụ ịzọọ, Ipita ọ sị và, ọ raa sị ẹngụ anị hụụ ịda ẹnịnị. Ee hí angwa aza ẹnẹẹ ana ka avaba anịragụ Ohomorihi ẹ̀ jị ụvẹvẹnẹ.

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.

Iwe Ọhụhị Imosiisi ana aa hị́ Ọyịvatụrọda 30:3

Ẹnẹyịmavara Ohomorihi ẹnịnị vaa vayị ẹnịnị, ọ vaa ku wa varẹma hụrẹ ẹkụra irenyi-irenyi ọnị ọ ga wa hi, dị ọ mẹ ka o zee yị wa.

Iwe Ọhụhị Imosiisi ana aa hị́ Ọyịvatụrọda 32:26

Ẹnẹyịmavara kà ịjị ọnọ ọ̀ọ sị wa wụ̀ va ha bemi-bemi, aza ẹ yị kụkụ vaa tamayị ẹnịnị.

Iwe Ọhụhị Imosiisi ana aa hị́ Ọyịvatụrọda 4:27

Ẹnẹyịmavara vị ana vaa gara wa hi ịrẹsụ ẹhẹ, dị ahịka aza chee ẹnịnị kẹnẹ ọ ha nị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

2 Itimoti 4:21

Re ka wée jintu vẹ, dị ọgụ ò ve tù. Eyuburusi ọnịrị Ipudeni beri Ịranọsị ne beri Ikirawudiya ka ẹnị kụ́ wụ. Avaba anda ayị ana vọ ka ẹnị rẹ kụ́ wụ.

Ịtayịtọsị 1:1

Ẹma vị Ịpọọrụ ana vị ozi ahụ Ohomorihi, dị mị rẹ vị odeyi Ijeesu Ikirisiti nị. Ohomorihi ộ tụ́ mị ka ma na gụ aza ọnị ọ́ sị nyị ụvọ ka ẹ̀ zụ sị ayị tụra a: dị ma rẹ sị zụ̀ wa, dị ẹ̀ zụ yẹ ịzẹyịza anaā sịị oze zụ̀ aza ka ẹ̀ zụụ mẹ̀ ebira ene ze Ohomorihi eyi.

1Ipita 1:1

Ẹma vị Ipita ana vị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu nịnị aza oni Ohomorihi nyị mẹ aza anị, ana gara hi avaba aha, dị ẹ vị ọzọga hi ịnị ẹkụra Ịpọntụsị, Ịgaratịya, Ikapadosiya ọnịrị Esiya beri Ibitiniya.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Ẹtore 7:4

 kà a mị ịrịka aza ana mẹ apọtẹrẹwa tụ́ ibe. Ẹnịnị vị ana hụrẹ ovwoovu Anisirẹrị vẹ, dị ẹ vị akawụ-akawụ oze ẹtarẹwụ tụra ẹẹva (144,000).