Ihoseya 9:9 - IWE ỌNỊNỊ

⁹ Ẹnịnị vị ana nyayịnẹ du ha anka ẹ mẹ vịdị ya Igibiya ịyẹẹyẹ. Ohomorihi e yi vee hi ayị ebira ọhịmị ẹnịnị. Ọ vaa sị ụya anị rị wa.

Ihoseya 9:9 ပူးပေါင်းရင်းမြစ်များ

Ọyịkụra 32:7

Dị Ẹnẹyịmavara va hị́ Imosiisi dị ọ ka, “Wụsẹ we chii na agụvị ka aza awụ ọnị ụ kụ́ hụrẹ Ijipiti aa vẹ ẹ sị ngụ ini ebira odivi aa mị. Ẹnịnị ẹ yị kụkụ yẹ mị.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ezikẹẹrị 21:28

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ọọ kà ịsẹ. Ọnị ọ̀ nọọ yị Anaamọnị nịnị anaa kụ Anisirẹrị nịnị ụhụ aanị, ịsị ọnị ọnị Ẹnẹyịmavara Ananyị ụkata hu aa kà. Ọ kà, ọnị ọ̀ kà a yị wa ka, asị ụhwọ tụ̀ a vaa wụ̀ aza. Asị ọ ne, dị a da ịsa sisi ọ ka ọọ za nyoonyo anka ịnyanya avọọ nị.

Ihoseya 10:9

Ẹnẹyịmavara kà a Anisirẹrị nịnị ẹ yị va tụ́ ụvọ hụụnị ebira odivi hụrị ụmẹ Anigibiya. Agụvị avọọ e vee vu wa ẹtẹ Igibeya ịzọọ.

Ihoseya 4:9

Ẹnẹyịmavara kà ọnị vaa sị ụya ọnyọọnya rị aza ọnịrị ohirẹsụ irehi anị nịnị, dị ọnị sì wa ụta ebira ẹnị mẹ̀.

Ihoseya 5:8

Ẹnẹyịmavara kà e hu ọpanyị Igibeya. E hu ọpanyị ịrẹkụ Ịrama. E na owu ịrẹkụ Ịbẹtị-aveni. Anịbẹnjamịnị nịnị e si eyi pe ẹtẹ ka ịrẹyị aa vẹ.

Ihoseya 7:2

Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 9:8

Ihoseya kà ọnịsẹ ọnị Ohomorihi tụ ka o sere Anisirẹrị ọnị vị nị. Ama aha tụra aha ọnị ọọ nọ vị ẹnẹ ẹ va ịrẹpa zi ọnị anka inomi avọọ. Ẹnịnị vị ana nyẹngụrẹyị hi ọnị huu na ngụ ịnị irehi Ohomorihi.

Ịzẹhwanaya 3:7

Ẹnẹyịmavara kà ọnị ô ro kà ịrẹyị ene tù wa aanị vaa zụ wa ịrẹyọyẹ, dị ẹ nyị angwahi anị, dị ẹ wụ́ ịrẹyị ọnị ọnị ọ ka yị wa. Ama dị ahịka ẹnịnị aa da ụvọ tụ ịnị ụvọ ịnị ebira odivi huna avọọ nị.

Ọdọvịdị 19:12

Dị ọga anị tu ọ ohi ka eyiye, ẹnị ẹ yị vaa nọ ẹkụra ọzọga ẹnẹ yị vị Anisirẹrị na sụ, ọ ka ọ vẹ ẹnị ẹ ka tụ ọvịdị nọ ẹkụra Igibeya.

Ọdọvịdị 19:16

Ịnị ụmoruva ọnọọ dị e re ka ọnọrụ ọzọkụ ọnya ộ hụrẹ aarẹ aa vẹ ọ mẹ̀ na mẹ̀ ụkọrọ nị. Ọnọrụ ọnọọ vị anẹkụra ataba ẹtẹ Ehwireemi dị ọ ra ịzị aā hị́ Igibiya nị. Anẹkụra Igibiya nịnị vi Anịbẹnjamịnị.

Ọdọvịdị 19:22

Ẹ̀ẹ mẹ vavọọ ee hine ayị, kẹnẹ dị aza edivi ene hi ịnị ẹkụra ọnọọ vẹ dị ẹ tara kara irehi inda ọzọkụ ọnọọ dị e ye hu oze ịsa bii-bii nị. Dị e yee na owu ka ọ sị ọnọrụ ana va ngụ ịda anị ịsọnị tụ ẹhẹ yị ẹnị dị ẹnị e pee sụ.

Ọdọvịdị 20:43

Anisirẹrị nịnị ẹ kara Anịbẹnjamịnị hi, dị ẹ dụ wa, dị ẹ wụ̀ wa ha wa okokooro eyi ịzị ọyịị̄ zịị hụrẹ Igibiya