Ihoseya 9:8 - IWE ỌNỊNỊ

⁸ Ihoseya kà ọnịsẹ ọnị Ohomorihi tụ ka o sere Anisirẹrị ọnị vị nị. Ama aha tụra aha ọnị ọọ nọ vị ẹnẹ ẹ va ịrẹpa zi ọnị anka inomi avọọ. Ẹnịnị vị ana nyẹngụrẹyị hi ọnị huu na ngụ ịnị irehi Ohomorihi.

Ihoseya 9:8 ပူးပေါင်းရင်းမြစ်များ

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

1 Ohinọyị 18:1

Ộ dà kù eni Erija maanị hụrẹ yà ịda ọnẹẹ ọnọọ, ẹkụhị ọnya dị Ẹnẹyịmavara va kà ịrẹyị yị Erija nị. Ịnị ụmẹ ọnọọ ọ sị mẹ ịrayị ẹẹta ọnị ọyị hụrẹ jị. Dị Ẹnẹyịmavara kà a yi Erija dị ọ ka, “Na, dị wa sị ẹngụ awụ na zụ̀ Ahabị, ka mị vaa zụ̀ orihi hi ẹtẹ.”

1 Ohinọyị 18:19

Booro aanị, tụ́ na hị́ avaba Anisirẹrị, dị ẹ̀ wara ve tù mị ịrẹsụ ataba Ịkamẹrị. Rẹ hị́ ọnịsẹ Ịbaarị ana vị ẹnị akava tụra ẹvarẹwụ ne beri ọnịsẹ Asẹra ẹnị vi akava. Avaba ẹnịnị ẹnẹẹ anaā rị ịsa ịda Ijezebẹrị.”

1 Ohinọyị 22:11

Di Izedekaya ozi Ikenaana ọnị sị enyusẹ ọnya aanị, dị ọ sị mẹ ọpanyị nị. Ọ mẹ̀ sị ọ mẹ dị ọ ka, “Ẹnẹyịmavara kà ọpa ọnọnị wụ vaa sị tụ́ Anịsamarịya pooro di we vú wa ẹtẹ nị.”

1 Ohinọyị 22:22

Dị ọ ka ọnị vaa jịnẹ tụ́ ẹhẹ, dị ọnị na mẹ ka avaba ọnịsẹ Ahabị ee cheeche. Dị Ẹnẹyịmavara kà ọ̀ jịnẹ na dị ọ vavọọ na mẹ, ka ụsẹ anị vee zoza.

1 Ohinọyị 22:28

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

1 Ohinọyị 22:6

Ịzẹyịza dị ohinọyị Anisirẹrị hara ọnịsẹ nịnị gụ nị, Ẹnịnị ê tù akava. Ohinọyị Anisirẹrị mẹ̀ vavọọ raà kụ́ wa gụ, dị ọ họ̀ wa dị ọ ka, “Máá nọ Ịramọtị-Igiriyadi, di me ne pè wa kụ̀ ịrẹkụ, à vị asị mị nọ?” Dị avaba ẹnịnị ka, “Wa na de, ka Ẹnẹyịmavara va sị wa chire wu ụvọ.”

2 Ohinọyị 13:21

Ẹkụhị ọnya, â nyị Anisirẹrị nịnị enee ne oku, dị e vene re ka Animowabi nịnị aa vẹ nị. Anisirẹrị ẹnẹnị ệ ne oku ọnọọ na ngụ ịnị ụsị ene e ne Erisa tụ́, dị ẹnịnị kụ ahụ kụ echi nị. Oku ọnọnị mẹ̀ yị sị ẹngụ kanyị ẹchụkụ Erisa kẹnẹ dị oku ọnọọ ha vavẹ, dị ọ kwẹẹtẹ jẹẹ nị.

2 Ohinọyị 2:14

Ô che awuru Erija ọnọọ rị enyi, dị ọ ka: Ịzị Ẹnẹyịmavara Ohomorihi Erija ya? Dị ọ́ varẹma re che ịsa rị enyi ọnọọ, dị ọ gà hi ẹẹva, dị ọ jịnẹ okuha ọnọọ na ngụ eyi ọsọọ nị.

2 Ohinọyị 2:21

Ộ nọ ini oswe, dị ọ va anọ ọnọọ hi ini enyi anị nị. Dị ọ ka, Ananyị yị ka: Ọnị ọ sị enyi ọnọnị vara enyi ọyịza o. Hụrẹ ọyaanị na, ẹ yị ma vana mẹ ka aza è sú, à vị ka aza e zyẹẹ mi ịhị.

2 Ohinọyị 4:41

Dị Erisa ka, ẹ̀ ká ayị ọyịkwọ va yị ọnị nị. Dị ọ và hí ịnị ụnọkọ, dị ọ kà a ka ịsọyịrị yị aza dị ẹ̀ rị ọ. Dị ẹ yị nyị ịsị ẹ kụkụ zụ zama ọza ịnị anị nị.

2 Ohinọyị 4:43

Ama ozi ahụ anị ộ họ̀ ọ ka, ô ro ka ịsa ọnọnị vaa hụ́ aza ẹnị ẹchẹhị ẹnẹnị? Di Erisa ka, ọ̀ sị yị wa vẹẹ rị ọ, agụvị ka Ẹnẹyịmavara ộ kà a ka ẹnịnị vaa rị ịsa, dị ọ vọ hi ẹtẹ.

2 Ohinọyị 5:14

Ịzẹyịza, dị ọ na Okuha Ịjọdanị nị. Ô tu ịzọọ, dị o chi ngụ ọ ụpẹ ịhịmba anka ọza Ohomorihi mẹ̀ kà a yọ nị. Ụpẹngụ anị ộ vavẹ eehi, dị ọ kụkụ ya anka ụpẹngụ ozinụvọ avọọ nị. Ẹngụ anị ộ ta.

2 Ohinọyị 5:27

Dị ọ ka, ụkụ ọbanyị Ịnaamanị vaa kụ̀ra vaa za wụ beri avaba ịpa evere awụ pooro zịna. Ịjị Igehazi na hụrẹ ọvịdị Erisa, ụkụ ọbanyị ọ sị ọ za. Dị â vwẹtẹ owu oyiche avọọ nị.

2 Ohinọyị 7:19

Ọdọvịdị ọnọnị ộ kà a yọ ka, Ẹnẹyịmavara ọ̀ọ daka na ozokete ihinẹba hi ẹtẹ ka ịsọyịrị ọọ zụ̀ụ anka orihi avọọ, ịrẹyị ọnị Erisa kà ẹ̀ yị zụ mẹ. Dị Erisa tụ́ ọ ohi ka, ọ vaa mẹ di o re e, ama ẹ yị vaa rị ịnị ịsọyịrị ọnọọ.

2 Ohinọyị 7:2

 nyị ozi ahụ ohinọyị ọnya ọnị ọ hụraa tụ́ ụtụ. Ộ kà a yị Erisa ka, ịzị ọ na vị̀. Ẹnẹyịmavara ọ̀ọ daka na ozokete ihinẹba, dị ọ zụ̀ orihi ka ịsa ẹ̀ mẹ nị, ọ́ọ́ zụ vavọọ yà? Ama Erisa ộ kà a yọ ka, ọ vaa sị eyi anịị re e, ama ẹ yị vaa rị ịnị anị.

Ahẹ Ụgama 124:7

Ya sị tụ̀ anka inomi ọnị ịrẹpa za mẹ̀ tụ̀ avọọ. Ịrẹpa ọnị ọnịvị ayị và zi yi o si che, ya sị tụ̀.

Ịrẹyị Ọzwọzịsa 9:12

Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.

Ahẹ Isoromọnị 3:3

Oserẹtẹ nịnị maa ngụ ịnị ẹkụraa zị, ê ré mị, dị mị họ̀ wa ka, aarịhịnị, wéé re ọza ọnị mị maanị sì ịrẹyị anị kẹ?

Ayịsaya 62:6

Anijerusarẹmị, Ẹnẹyịmavara ọ raà nyị oserẹtẹ ene vee sere ọvọ awụ nịnị. Ẹnịnị e yi vee si irenu kwoku ọọdụ ọnịrị ịrahụ. Ẹ vaa tamayị Ẹnẹyịmavara ayị avaba ọnị o wo oto anị wụ nịnị. Ẹnịnị ẹ yị vaa zẹ ka ayị o hi ọ.

Ijeremaya 11:19

Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Ijeremaya 14:13

Ijeremaya ka, dị ọnị kà a yị Ẹnẹyịmavara Ochẹtẹẹngụ ka, tee, ọọ yẹ ka ọnịsẹ ana vọ nịnị vanaa kà a yị. Anijuda nịnị ka ẹ́ yị vaa nyị ịrẹkụ ọnịrị ka ụngwẹ ẹ́ yị rẹ vaa kụ̀ wa. Ẹnịnị ka waa vị dị sị ọ ka ka ẹngwọọrọ ọ́ vaa vị̀ị yị wa ịnị ẹtẹ ẹnịnị nị.

Ijeremaya 23:13

Ẹnẹyịmavara kà ọnị ô re ebira odivi ọnị ọnịsẹ ene hi Isamariya aa mẹ. Ịrẹha Ịbaarị ẹyaa sị kà ịsẹ nị. Ẹnịnị ẹ raa kụ aza anị nyeeyi.

Ijeremaya 31:6

Ka ẹkụhị aa vẹ ọnị oserẹtẹ vaa yà ịrẹsụ ataba Ehwireemi dị ọ hị́ aza ka! Aa kwẹẹtẹ, dị aa vaa hịrẹ nọ ne tu Ẹnẹyịmavara Ohomorihi ayị.

Ijeremaya 6:14

Ụvọ ẹnẹ yaa sị za aza anị ịnị ụnava ẹnị ẹ tụ̀ vị ana sị mẹ anka ọza oo rere họ̀rọ ẹngụ avọọ. Ịrẹyị yị tịtẹ ama dị ẹ yaa kà a yị aza ka ẹ yị nyị ịrẹyị.

Ijeremaya 6:17

Ẹnẹyịmavara ọ va nyị aza ka ò sị eyi pe wa, dị ọ ka, ẹnịnị ẹ̀ sị ụtọ pe e ịjị oo hú ịkakanchị ọ yị ka wa ọnọ nị. Ama ẹnịnị ka ẹnị ẹ yị vaa wụ́.

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

Arụwẹ 4:13

Ama ebira odivi ọnịsẹ nịnị ọnịrị ohirẹsụ irehi Ohomorihi nịnị ọ mẹ ka aa wụ̀ aza ana aa mẹ ịzẹyịzaa ha nị.

Ezikẹẹrị 3:17

Ọnị ozi-ọza, ọnị Ẹnẹyịmavara ộ nyị ọnị ka ọnị ò sị eyi pe Anisirẹrị nịnị. Ịjị ọnị ọọ káa yị ọnị Ezikẹẹrị ka ọnị ọ̀ na kà wa ọnọ o.

Ezikẹẹrị 33:7

Ezikẹẹrị ka, Ẹnẹyịmavara ộ kà a yị ọnị ka, ozi-ọza, ọnị Ẹnẹyịmavara ọ sị ọnị nyị oserẹtẹ yị ẹkụra Isirẹrị. Ọnị ọọ kà wa ọnọọ yị ọnị Ẹnẹyịmavara anka ọnị ọ̀ọ mẹ tụ́ ọnị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Ihoseya 9:9

Ẹnịnị vị ana nyayịnẹ du ha anka ẹ mẹ vịdị ya Igibiya ịyẹẹyẹ. Ohomorihi e yi vee hi ayị ebira ọhịmị ẹnịnị. Ọ vaa sị ụya anị rị wa.

Imika 7:4

Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

Aniroomi 3:7

Mèe vee cheeche, dị ọ mẹ ka aza è re ka Ohomorihi ộ nyị ịzẹyịza ẹtẹẹtẹrẹ yọ? Aanịka ayị vị ọ hyakụ aa sị ụbanyịị yọọ hu avọọ? Â vọrọ ka ọ̀ kụkụ yịị jị ịvịị mị ka ọnịvị mị vị nị?

Anihiburu 13:17

Waa wụ́ ịrẹyị chire ọdọvịdị awụ nịnị, dị ụ wa ká ịrẹsụ hi yị wa nịnị! Wáa yẹ ka ẹnị e sị eyi pe ụhwẹ awụ nịnị nị, agụvị ka ẹnịnị vaa kà enube ụkọrọ ẹnịnị. Waa wụ́ ịrẹyị ẹnịnị, agụvị ayị ẹnịnị è zụ hine ịnị ụkọrọ ẹnịnị. Wẹ̀ yị vavọọ mẹ, ayị ẹnịnị e zụ du, ọnọọ ọ́ yị zụ mẹ ọgụvọ wụ nịnị.