Ihoseya 9:7 - IWE ỌNỊNỊ

⁷ Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Ihoseya 9:7 ပူးပေါင်းရင်းမြစ်များ

2 Ohinọyị 9:11

Ịjị Ijehu varẹma ne tu ogu anị, dị ẹnịnị họ̀ ọ use ka, á vị ẹ̀ yị nyị ịrẹyị? Sị onuvu ọnọọ ee si wu aà mẹ? Dị Ijehu tu wa ohi ka: Vị́ ụ wàaa yẹ ịsị e si nịnị nị.

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ayịsaya 34:8

Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 11:23

Ọ kà ọnị ọ raa jị ụmẹ ọnị ọnị ve sii vu anị Anatọtị ẹtẹ. Ịjị ụmẹ ọnọọ oo tu, ọza ikonyara ẹ yị yaa vọ ẹtẹ ịnị ẹnịnị.

Ijeremaya 16:18

Ọ kà ọnị vaa sị ụya avaba ebira odivi ẹnịnị ọnịrị akụvị ẹnịnịị rị wa oze ẹẹva, agụvị ka ẹnịnị ẹ́ raa sị ori ẹnẹẹ yị nyị ụhwẹ anka oku ene su avọọ du ẹtẹ anị ha. Ẹtẹ anị kụkụ vị ohihi yị ori ana ahịka ireche kẹnẹ ẹ vị nị.

Ijeremaya 23:13

Ẹnẹyịmavara kà ọnị ô re ebira odivi ọnị ọnịsẹ ene hi Isamariya aa mẹ. Ịrẹha Ịbaarị ẹyaa sị kà ịsẹ nị. Ẹnịnị ẹ raa kụ aza anị nyeeyi.

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ijeremaya 29:26

Ẹnẹyịmavara ọ sị ọ dọ ọnọrụ ana aā hi Ijehoyada ịrẹsụ ka ọ̀ vị ohirẹsụ irehi Ohomorihi nị, dị a hịka ọnị ọ kụkụ vị ohirẹsụ avaba anụkọrọ irehi Ohomorihi booro aanị. Ụ ka ọnị ọ vị ụkọrọ anị ka avaba ọnụra anaa mẹ apẹ ka vị ẹnị aa kà ịsẹ nị. Ọ̀ tụ wa ịchẹkẹchẹkẹ dị ọ sị enyusẹ kara wa ọrọkọ nị.

Ijeremaya 46:21

Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.

Ijeremaya 6:14

Ụvọ ẹnẹ yaa sị za aza anị ịnị ụnava ẹnị ẹ tụ̀ vị ana sị mẹ anka ọza oo rere họ̀rọ ẹngụ avọọ. Ịrẹyị yị tịtẹ ama dị ẹ yaa kà a yị aza ka ẹ yị nyị ịrẹyị.

Ijeremaya 8:11

Ọ kà, ụvọ ẹnẹ ẹ yaa sị mẹ ụnava aza anị vị ana sị mẹẹ anka ọza oo rere họ̀rọ ẹngụ kẹnẹ avọọ. Aza yị hi ịnị ịrẹyị, ama dị ẹ ka, ẹ yị nyị ịrẹyị.

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

Ezikẹẹrị 13:10

Ẹnẹyịmavara kà, ọnịsẹ ẹnẹnị ẹ́ raa kụ́ aza anị nyeeyi. Ẹnịnị aa kà a yị aza anị ka ẹ́ yị nyị ịrẹyị, ama ịrẹyị vị ana yị tụra o. Ịrẹyị aza anị vị ana sị mẹẹ aza ana tụra ọvọ ẹnẹ ẹ̀ yị katẹngụ jẹẹ avọọ, dị ọnịsẹ ẹnẹnị vee kú ọda ọvwọọvụ nị.

Ezikẹẹrị 13:3

Ẹnẹyịmavara Ananyị ụkata hu kere-kere ka: ọnịsẹ ẹnẹnị anaa mẹ ụra aanị ẹ́ sị da, ụkata ẹngụ ẹnịnị ẹyaa sịị kà ịrẹyị nị, ẹnịnị é yi re ẹtẹ ọnyọọnyị.

Ezikẹẹrị 25:17

Ọnị àa họ̀ oponu ịrẹsụ ẹnịnị vị ọnị ọnị vaa sị ụyaa rị wa ẹtẹẹtẹrẹ. Ẹnịnị vaa yẹ ọnị mẹẹ kụ ayị. Dị ẹ̀ yẹ ka ọnị ọ vị Ẹnẹyịmavara nị.

Ezikẹẹrị 38:23

Aanị ọnị mẹ va sị́ ụbanyị anịị zụ̀ avaba anẹkụra nịnị, dị ẹ̀ yẹ ka ọnị ọ nị nị. Ẹnịnị vaa yẹ ka ọnị ọ vị Ẹnẹyịmavara nị.

Ezikẹẹrị 9:10

Ama ọnị ẹ́ yị vaa vayị ẹnịnị. Ọnị vaa mẹ wa, ịsị ẹ́ mẹ aza ana vọ.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ihoseya 5:9

Ohomorihi ka ọnị vaa sị ụya rị Ehwireemi, dị ọnị tụ́ ọ osusu ịnị ẹkụhị ọkarẹyị. Ọ kà ọnị ọ raà hị́ eku eyi avaba ịrẹsụ-ịrẹsụ Anisirẹrị.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 9:8

Ihoseya kà ọnịsẹ ọnị Ohomorihi tụ ka o sere Anisirẹrị ọnị vị nị. Ama aha tụra aha ọnị ọọ nọ vị ẹnẹ ẹ va ịrẹpa zi ọnị anka inomi avọọ. Ẹnịnị vị ana nyẹngụrẹyị hi ọnị huu na ngụ ịnị irehi Ohomorihi.

Emọsị 8:2

Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Imika 7:4

Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.

Ịzẹhwanaya 3:4

Ọnịsẹ ẹnịnị vị oyi ana dụ ẹngụ ẹnịnị kẹnẹ. Ẹnịnị ẹ yị wụra sị ayị tụra. Ohirẹsụ irehi Ohomorihi ẹnịnị vị ana aa sị akamawụ mẹ̀ ịsa enyisi ịnị irehi Ohomorihi. Ẹnịnị ẹ raà sị ọda Ohomorihi siisi ẹtẹ.

Ịmaakị 3:21

Ịjị aza anị Ijeesu maanị wụ́, dị ẹ na ka ẹnị ẹ̀ na sị ọọ hụụ ịzọọ nị, agụvị ka vị aza kà a ka vi ee che uvu nị.

Iruuku 21:22

Ẹkụhị ana a vaa sị sị ụyaa rị ọza ọ vị nị, agụvị dị ịrẹyị ana a chẹrẹ tụ́ ini Iwe Ohomorihi ọ̀ zụ sẹ.

2 Anịkọrịntị 5:13

Yàa daka ee che uvu, yee che e yi Ohomorihi. Yàa va yẹ ịrẹyị, yâ yẹ ẹ agụvị awụ nịnị.

Ẹtore 16:19

Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.