Ihoseya 9:6 - IWE ỌNỊNỊ

⁶ Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Ihoseya 9:6 ပူးပေါင်းရင်းမြစ်များ

2 Ohinọyị 13:7

Ohomorihi ộ mẹ̀ ka à sị Ihazayẹrị vọ isoja tịtẹ yị Ijehoyahazi, ẹ̀ yị vị aza ẹnị ẹvarẹwụ anaā sịị umaataa kụ̀ ịrẹkụ, aza ẹnị ẹẹwụ anaā tụra ịkẹkẹ ịrẹkụ, ọnịrị aza ẹnị akawụ-akawụ oze ẹẹhị anaā sịị ahụụ nọ ịrẹkụ. Ohinọyị Ísiriya o reè vu avaba ẹnị ana vọ ẹtẹ, dị ọ sị ahụ pịrị wa va hi ẹtẹ anka ezi avọọ nị.

Ahẹ Ụgama 107:34

dị ẹtẹ ana vịdị aa mẹ̀ ịsa ọ̀ vara ẹtẹ anọ-anọ ẹnẹ ẹ̀ yị kụkụ zụ mẹ̀ ịsa. Ebira edivi ana aza ana ra hi ịzọọ aa mẹ ọ mẹ ka Ohomorihi ọ̀ vavọọ mẹ ịzọọ nị.

Ụhịrẹyị 24:31

Avị ọnịrị igegenechi vị ana za avaba ịsa ịnị aarẹ anị rị. Ọvọ ịrẹta ọnị ọ jị kara ụbazị anị e ku wu va hi ẹtẹ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 19:13

Ọdọvịdị Anizowanị ọnịrị Ijipiti vị ọnụra. Ẹnị ana a ka ẹ̀ si oze zụ̀ aza, ẹ raà kụ́ wa nyeeyi.

Ayịsaya 27:12

Ịhị ẹkụhị ọnọọ òo si tù, Ẹnẹyịmavara vaa tọ̀ọ́ aza anị ọnya-ọnya hụrẹ Iyuhwuretisi huu na ngụ ụtọ ẹkụra Ijipiti. Vị ọ vaa tọ̀ọ́ wa anka ọza ana aa tọ̀ọ́ akụụ hụụnị azizẹ avọọ nị.

Ayịsaya 32:13

Ikeyi ọnịrị avị edivi ẹ kuku hi hi ịnị ẹtẹ aza amị nị. Mị ka wee sụ ùnè nịnị agụvị ẹkụra ọnọnị ana aza vịdị hi ịnị anị dị ẹ yaa mẹrị, dị ẹ yaa jẹ.

Ayịsaya 34:13

Avị edivi ọnịrị ikeyi e venee nyii hi ịzị irehi ẹbanyị-ẹbanyị ọnịrị irehi ana aza naa tẹ ẹnị vịdị hi nị. Uye edivi ọnịrị inomi nịnị e venee hi ịzọọ nị.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ayịsaya 7:23

Ịnị ụmẹ ọnọọ ịzị ọchị ana aā hị́ ịvayịnị akahị vịdị hi, dị ẹkẹhị tụ̀ ẹkẹhị enyusẹ-enyusẹ ẹnya ịrẹsụ ẹvarẹwụ, ikeyi-ikeyi kẹnẹ e kuku vee hi ịzọọ nị.

Ijeremaya 2:16

Anẹkụra anaā hị́ Imemuhweri ọnịrị Itapanihesi ẹ sị ịsa ana Anisirẹrị nịnị aa sịị mẹ ụbanyị gara ha.

Ijeremaya 42:22

Avọọ, yẹ́ nịnị ịzẹyịza ka, ịrẹkụ ụngwẹ ọnịrị ụkụ ọ vaa wụ̀ wụ nịnị vaa ha ịzị ụ ka waa naa rá nịnị avọọ nị o.

Ijeremaya 44:1

Ijeremaya ka, Ẹnẹyịmavara ộ kà ịrẹyị yị ọnị ịnị ịpa avaba Anisirẹrị ene hi Ijipiti. Ẹnịnị vị ene hi ẹtẹ Imigidori, Itehahwinehesi, Imemihwisi ọnịrị eyi ụvẹtẹ Ijipiti.

Ijeremaya 44:12

Avaba Anijuda ana vọ, dị ẹ ka vị ẹnị aa naa ra Ijipiti nị, ọnị vaa mẹ ka è vú avaba ẹnịnị ẹtẹ. Avaba ẹnịnị vị ene vee su vaa hi Ijipiti, ẹ̀ẹ vị ọzọkụ, ẹ̀ẹ vị ozweyi. Enee su ịnị ịrẹkụ, dị ụngwẹ wụ̀ wa. Angwa vị ene vee hi aza enee re wa. Vị a vanaa si eyii wụ̀ wa, dị aza aa sị ịrẹha ẹnịnịị chi hi aza nị.

Ijeremaya 44:13

Ẹnẹyịmavara kà ọnị vaa kụ ịrẹkụ, ụngwẹ ọnịrị ụkụụ tu Anijuda ana ra hi Ijipiti, dị ọnị sị sị ụya rị wa.

Ijeremaya 46:14

Ọnị ọ̀ na kà ịrẹyị ọnọọ ẹkụra ana aā hị́ Imigidọrị, Imemihwisi, ọnịrị Itapanihesi ịnị ẹtẹ Ijipiti. Ọ kà ọnị ọ̀ kà a ka: Ọzọza o tenyi ẹngụ, dị ọ̀ vụ̀ ịrẹvụ ka asị a nyị ịsị ẹ mẹ̀ ọnị; agụvị ka a vaa kụ ịrẹkụ vee du avaba ịsị ụ nyịị ha nịnị.

Ijeremaya 46:19

Ọ kà ẹwụ nịnị Anijipiti ò tenyi ka aa vaa za awụ nịnị ọrịhị. E vee vú Imemihwisi ẹtẹ. A vaa jị ọ eburu dị ẹ yị nyị ọza ana kụkụ ra ịzọọ.

Ezikẹẹrị 30:13

Ẹnẹyịmavara Ochẹtẹẹngụ ka, ori apaapẹ ene hi ẹtẹ Imemihwisi vị ọnị ọnị vee duu ha. Ẹ́ yị ma vana nyị ọza ana vaa mẹ ohii tụra Anijipiti nịnị ịrẹsụ. Avaba aza ene hi ẹkụra ọnọọ vị ọnị ọnị vaa mẹ angwaa hí.

Ezikẹẹrị 30:16

Ọnị vaa jị ịraa da Ijipiti, dị Aniperusiyumi nịnị ee rimanya. Ọvọ ana a jị kara Itebesi vị ọnị ọnị vaa chakaa vaa hi ẹtẹ, dị ọhaara enyi vá kụ́ ẹkụra ọnọọ. Aza ene hi Imehwisi vị ana vaa ra ini angwahi ọnịvị ẹnịnị pooro.

Ihoseya 10:8

Ụta ori ene hi aveni ịzị Anisirẹrị nịnị ya mẹ̀ ịvị vị ana vee wú ha, di igegenechi hụ kụ wa ịrẹsụ. Dị ọzọza aa da ịpẹ ka ataba ọnịrị otutu o wu za ẹnị ịrẹsụ.

Ihoseya 11:11

Ẹnịnị vaa zwe anka inomi me hira avọọ hụrị Ijipiti, dị aza ene hi Asiriya zwe vẹ anka arivadi avọọ. Ẹnẹyịmavara kà ọnị vaa kụ́ wa varẹma vẹ eehi.

Ihoseya 2:6

Agụvị avọọ Ẹnẹyịmavara vaa sị igegenechi jị ọvọ gu ọ hi, dị asị o re oze zị.

Ihoseya 7:11

Anehwireemi nịnị sị mẹẹ anka arivadi avọọ nị. Ẹnịnị ẹ yị yẹ ịrẹyị, ọ yị tụ́ akanya dị ọza o vene wa, avọọ ẹ yaa hị́ Anigipiti, di e yee ne tụ́ Anasiriya nị.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ihoseya 7:16

Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 9:3

Ẹnịnị ẹ yị vaa ra ịnị ẹtẹ Ẹnẹyịmavara. Aza ẹnyị ẹnịnị vị ana vaa kụ varẹma nọ Ijipiti, dị aa kụ ọba ẹnyị nọ Asiriya ịzị ẹ vaa rị ịsa enyisi.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Ịzẹhwanaya 1:11

Ịjị ẹnị ana ra eyi ụvẹtẹ Ijerusarẹmị ẹ̀ẹ maanị aa wụ́ owu, ẹnị ẹ rẹẹ tụ orere, di ee na owu booro-booro agụvị ka avaba osohu ọnịrị aza ene che ẹkẹhị nịnị vee su.

1 Ịsamụwẹrị 13:6

Ịjị Anisirẹrị re ka ịrẹyị ọkatẹngụ ộ vẹ, dị ọnịvị ee vee huna isoja ẹnịnị, di e si zwe na te ịnị ụtẹha ọnịrị ịnị ẹchịchị nị. Aza ẹnyị vị ene zwe na tẹ̀ ịnị anaha ịrẹta ọnịrị imisi.