Ihoseya 9:3 - IWE ỌNỊNỊ

³ Ẹnịnị ẹ yị vaa ra ịnị ẹtẹ Ẹnẹyịmavara. Aza ẹnyị ẹnịnị vị ana vaa kụ varẹma nọ Ijipiti, dị aa kụ ọba ẹnyị nọ Asiriya ịzị ẹ vaa rị ịsa enyisi.

Ihoseya 9:3 ပူးပေါင်းရင်းမြစ်များ

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

2 Ohinọyị 17:6

Ịnị ana tụ ọ ịrayị ọhụhịịna ọnị Ihoseya rị ohinọyị, ohinọyị Asiriya ộ za Ịsamarịya, dị ọ za Anisirẹrị nịnị ọrịhị ne hi Asiriya nị. Aza ẹnyị ẹnịnị vị ọnị ọ kụ ne hi ịzị aā hị́ Ịhara, dị ọ kụ ẹnyị ne hi ọ̀ sị gụrị Irehu Ịhabọ ana ya okokoro Igozanị nị. Aza ẹnyị vị ọnị ọ ku ne hi ẹkụra Imediya.

Ijeremaya 16:18

Ọ kà ọnị vaa sị ụya avaba ebira odivi ẹnịnị ọnịrị akụvị ẹnịnịị rị wa oze ẹẹva, agụvị ka ẹnịnị ẹ́ raa sị ori ẹnẹẹ yị nyị ụhwẹ anka oku ene su avọọ du ẹtẹ anị ha. Ẹtẹ anị kụkụ vị ohihi yị ori ana ahịka ireche kẹnẹ ẹ vị nị.

Ijeremaya 2:7

Ọ kà ọnị ộ kụ ụ nịnị ve hi ịnị ẹtẹ ọyịza-ọyịza ka wa va rị ẹtụtụ ọnịrị ịsa ozoza-ozoza ene hi ịzọọ. Ama ịjị ụ tù ịzọọ nịnị wa sị ẹtẹ ọnọọ du ha nịnị. Ẹkụra ọnị ọnị sị yị wụ nịnị we si o du ẹngụ nịnị.

Arụwẹ 5:6

Yâ sị ẹngụ ayị mẹ ezi ahụ yị Anijipiti ọnịrị Anasiriya agụvị di ye re ịsa za ayị zụ kẹnẹ.

Ezikẹẹrị 4:13

Ẹnẹyịmavara kà ọnọnị ọ vaa sị zụ̀ ka aanị Anisirẹrị nịnị mẹ vaa rị ịsa enee du ọza ẹngụ ịzị ọnị vaa dụ wa ne hi nị.

Ịdanịyẹrị 1:8

Dị Ịdanịyẹrị kà a yị ẹngụ anị ka ọnị ọ yị vaa sị ịsọyịrị ọnịrị eche ohinọyịị du ẹngụ anị ẹngụ nị. Dị ọ kà a yị Asipenazi ka ọ̀ navọ ọ̀ gụ ọnị ụvọ ka oni e yi sì ka ọnị ò du ẹngụ anị ẹngụ nị.

Ihoseya 11:11

Ẹnịnị vaa zwe anka inomi me hira avọọ hụrị Ijipiti, dị aza ene hi Asiriya zwe vẹ anka arivadi avọọ. Ẹnẹyịmavara kà ọnị vaa kụ́ wa varẹma vẹ eehi.

Ihoseya 11:5

Ka ẹnịnị ê yi ka ẹnị ẹ yị ka Ẹnẹyịmavara na, ẹ vaa varẹma na Ijipiti, Anasiriya nịnị vaa mẹ ịjọva tụra wa ịrẹsụ

Ihoseya 7:11

Anehwireemi nịnị sị mẹẹ anka arivadi avọọ nị. Ẹnịnị ẹ yị yẹ ịrẹyị, ọ yị tụ́ akanya dị ọza o vene wa, avọọ ẹ yaa hị́ Anigipiti, di e yee ne tụ́ Anasiriya nị.

Ihoseya 7:16

Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Ireevi 18:28

Ọ kà Anisirẹrị nịnị ẹ̀ẹ vavọọ mẹ dị e du ẹtẹ ọnọọ ẹngụ nị, vị ẹtẹ ọnọọ aa dụ wa hi ẹhẹ anka ọ́ mẹ mẹ aza ana vịdị ra hi ịzọọ nị.

Ireevi 20:22

Ẹnẹyịmavara kà agụvị avọọ, Anisirẹrị nịnị ẹ̀ sị ụvọ za ịrẹyị anị ọnịrị avaba ọda anị, dị ẹnịnị ẹẹ saasa wa; agụvị à sị ẹtẹ ọnị ọnị kụ wa aa vẹ ịnị anị va dụ wa va hi ẹhẹ anka ọza mẹẹ hẹ̀rẹ ịsọyịrị avọọ.

Ireevi 25:23

Ẹnẹyịmavara kà à sị Anisirẹrị nịnị ná ẹtẹ ẹnịnị yị ọza ka ọ̀ vị ọ́ọza ọnọọ pooro, agụvị ka ẹ́ yị vị ẹnị ẹ nyị; Ohomorihi ọ nyị nị. Ọ kà Anisirẹrị nịnị vị ana sị mẹẹ anka anẹkụra ọsa ana á zẹẹ ka ee rò ẹtẹ ọnọọ avọọ.

Emọsị 7:17

Dị Emọsị ka ẹnịnị wụ́ ịsị Ẹnẹyịmavara kà booro aanị, Ẹnẹyịmavara kà ịrẹkụ aa vaa rị ezi anọrụ ọnịrị anẹẹ ẹnịnị. A vaa za wa ọrịhị nọ ẹkụra anikinami. Ịzọọ anọrụ ẹnịnị vee su hi nị. Dị ose ẹnịnị vara ọsẹrẹka hi ịnị ẹkụra. Dị anẹkụra ọsa vaa dọ ẹtẹ ẹnịnị dị ẹ ga hi ẹngụ ụvọ.

Imika 2:10

Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ.

Odeyi 10:14

Dị Ipita ka, “Vụrụ-vụrụ, Ananyị yị. Mẹẹ̀ yị rị ịsa eenyisi, à vị ịsa ẹnẹ ẹ yị nị ọnyọọnyị da.”

Iwe Ọhụhị Imosiisi ana aa hị́ Ọyịvatụrọda 28:63

Ó mè hine Ẹnẹyịmavara dị ọ mẹ ka ò ze wụ nịnị, dị ụ wa rụrụ nịnị, avọọ gẹdẹ-gẹdẹ o mè re vee hine e ọyị vu wu nịnị ẹtẹ, dị ọ wụ̀ wụ nịnị va ha nị. Vị e vee hu wu nịnị hụrẹ ẹtẹ ọnị ụ waa naa ra ịnị anị nịnị aanị anka a meē hu ọchị ọnịrị ẹpaa hụrẹ ẹtẹ avọọ nị.

Iwe Ọhụhị Imosiisi ana aa hị́ Ọyịvatụrọda 28:68

Ẹnẹyịmavara ộ vịdị kà a ka, a sị ụ kụkụ va nọ Ijipiti nịnị. Ama ọ vaa mẹ ka a sị ẹpa ọbanyị kụ́ wụ nịnị varẹma nọ Ijipiti. U vee si ka wa ná ẹngụ awụ ọrịhị yị aza ịzọọ, ama ẹ yị nyị ọza ana vaa dọ ka ọnị ọ̀ hị́ wụ nịnị.

Iwe Ọhụhị Imosiisi ana aa hị́ Ọyịvatụrọda 4:26

Imosiisi ka ọnị ọ sị ẹbẹẹba ọnịrị ẹtẹ mẹ ivenu yị wa ka ẹnịnị ẹ̀ẹ mẹ akamawụ hi ọnị, ịjjịjọo e ye vu ẹtẹ nị. Ẹnịnị ẹ̀ yị vaa ra gọdọ ịnị ẹtẹ ana ya akẹnẹ irehu Ijodani ọnị ẹ yaa vaa dọ, dị ẹ ra ini anị. Ẹnịnị vi ene vee vu ẹtẹ saka-saka.

Ijosuwa 23:15

Anka ọ mẹ mẹ̀ avaba ịsa ọnị o wo oto anị, avọọ ọ mẹ rẹ vaa mẹ̀ ịsa ọnị ọ sị chire wa angwa nị.