Ihoseya 9:16 - IWE ỌNỊNỊ

¹⁶ Ọ kà Isirẹrị sị mẹ anka ịvayịnị ọnị ẹpa anị wụ̀, dị ẹyị zụ tụ́ ẹtụtụ avọọ. Ẹnịnị ẹ̀ẹ daka ma ozi rụrụ, di e sì ịrẹyị ẹtẹẹtẹrẹ, ọnị vaa wụ̀ avaba ẹnịnị ha.

Ihoseya 9:16 ပူးပေါင်းရင်းမြစ်များ

Oyinyima 41:23

Dị ịrẹsụ akụ ịhịmba ọsa hyeke-hyeke aanị ana ahị sị banyị va ha chị pè akụ ozoza ẹnẹẹ nị.

Ijoovu 18:16

Ẹ̀pa ẹnịnị ọnịrị avọ́ vị ana vaa wụ̀.

Ayịsaya 40:24

Ẹnịnị sị mẹ anka avị ohwoohu avọọ nị, ịịjịjọọ dị ẹ chị ama ẹpa ẹnịnị ẹ yị ngụ ẹtẹ. Ẹnẹyịmavara ọ̀ọ tụ ahị ku wa, dị ẹ wụ̀, dị ahị kụ wa anka azịzẹ avọọ.

Ayịsaya 5:24

Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.

Ezikẹẹrị 24:21

Ọnị ọ̀ ka ụtụ ọnọnị yị Anisirẹrị nịnị ka ẹwụ nịnị Anisirẹrị vị enee wuu zị ka aa nyị ụkata ịnị irehi Ohomorihi nịnị. Uū sì ka wa vẹ ịnị Irehi Ohomorihi nịnị. Ama ọnị Ẹnẹyịmavara vaa mẹ Irehi anị ọnọọ ọsọọsa. Ezweyi-ezweyi awụ nịnị ana vọ hi Ijerusarẹmị vị ana a vaa kụ ịrẹkụ vaa wụ̀.

Ihoseya 5:11

Anisirẹrị ệ rị ụya ana ngụ ajẹ dị a dọ wa ẹtẹ agụvị ka ê ne si ụkata hụụnị ụvọ ori nịnị ẹnẹ ẹ yị nyị ịsị ẹ vị.

Ihoseya 8:7

Ẹnịnị ee chire ahị tụ ịnị aarẹ, okoruwa ọ vị ịsa ọyịna ọnị e vee re nị. Ọchị ihwiti ana aa jẹẹ vị ana vaa wụ̀, dị ẹ yị nyị ịsa, Ẹnịnị ẹ̀ẹ nyị ịsa ọyịna akụ, anikinami kẹnẹ aa rị ọ yị wa nị.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Iwe Ọhụhị Imosiisi ana aa hị́ Ọyịvatụrọda 32:25

Ịrẹkụ vaa mẹ ka a wụ̀ aza avaba oze ene hi ini ẹkụra, di angwa ee hi wa, di ivóvó za wa tụ ini eehi. Ezwọọmụha ọnịrị ezwoorihi Ẹnịnị su va ha. Avọọ ezinụvọ ọnịrị azọkụ ẹnịnị ẹnị mẹ rẹ yịị vee su nị.