Ihoseya 9:12 - IWE ỌNỊNỊ

¹² Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Ihoseya 9:12 ပူးပေါင်းရင်းမြစ်များ

2 Ohinọyị 17:18

Ẹnẹyịmavara ộ kụ ayị hi Anisirẹrị nịnị ẹtẹẹtẹrẹ, dị ọ dụ wa kwooze ka a sị ọnị kuku re wa nị, Anijuda nịnị kẹnẹ ọ vana navọ tịtẹ nị.

2 Ohinọyị 17:23

Dị Ẹnẹyịmavara va dụ wa kwooze ka à sị ọnị kuku re wa nị. Ộ vịdị vavọọ raà tụ ọnịsẹ anị nịnị va ka wa ọnọ ka ọnị vavọọ vaa mẹ wa. Avọọ á mẹmẹ va za Anisirẹrị nịnị ne hi Asiriya pooro ve tu ajịnị nị.

Ijoovu 27:14

Ẹnịnị ẹ zụ ma ezi tatarata, ama avaba ẹnịnị vị ana a vaa wụ̀ ha eyirẹkụ. Ezi ẹnịnị vị ọnị ụngwẹ vaa kụ̀.

Ijeremaya 15:7

Ọ kà ọnị ộ tụ ụ nịnị ahị anka azịzẹ avọọ ịnị avaba ẹkụra. Ọnị ô vu ẹwụ nịnị aza anị ẹtẹ, ọnị ộ wụ ezi ewu nịnị agụvị ka wẹ yị hụụnị ịsị edivi ọnị waa mẹ nịnị.

Ijeremaya 6:8

Ọ kà, ẹwụ nịnị Anijerusarẹmị ọ̀ jẹẹ, dị ẹngụkata ẹnẹnị ọ̀ kà wụ nịnị ọ̀nọ̀, ka ẹyị vị avọọ ọnị va hụrẹ ẹwụ nịnị ụvọ. Ọnị vaa jị ẹkụra awụ nịnị eburu dị ẹ yị kụkụ nyị aza vụrụ-vụrụ.

Arụwẹ 2:20

Tee! Ẹnẹyịmavara, sị ẹ vẹ dị ọ maanị aa sị ụya rị yị aanị? Ọnyị ozi nịnị kụkụ aa rị ezi ẹnị ẹnịnịị sì ịrẹyị anị. Ohirẹsụ irehi Ohomorihi ọnịrị ọnịsẹ nịnị vana kụkụ aa wụ̀ ịnị irehi Ohomorihi bẹẹ.

Arụwẹ 2:22

Ẹnẹyịmavara ộ tụ hị́ ọnịvị anị hụrị eyi ọnyị eyi ọsa anka a mẹẹ tụụ hị́ aza aa rị eche avọọ, dị ẹ va takara ayị nị. Ịhị Ẹnẹyịmavara aa kụ ayị, ẹ yị nyị ọza ana ha. Ọnịvị amị nịnị ẹ sị ezi emi ọnị mị paa dị mị sì ịrẹyị anị wụ̀ va ha.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ihoseya 9:13

Ọnị vịdị e re Isirẹrị ka o zoza anka ọsọchị ana aa hụ ịnị ẹtẹ zoza avọọ, ama booro aanị ẹnịnị ụvọta ẹ kụ́ ezi ẹnịnị tụ́ ẹhẹ ka aa wụ̀ wa nị.

Ihoseya 9:16

Ọ kà Isirẹrị sị mẹ anka ịvayịnị ọnị ẹpa anị wụ̀, dị ẹyị zụ tụ́ ẹtụtụ avọọ. Ẹnịnị ẹ̀ẹ daka ma ozi rụrụ, di e sì ịrẹyị ẹtẹẹtẹrẹ, ọnị vaa wụ̀ avaba ẹnịnị ha.

Ịmarakayị 2:12

Ịmarakayị ô mẹ̀ aduwa ka Ẹnẹyịmavara o vu wa ẹtẹ hụụnị ịnị akakana Anisirẹrị nịnị, dị asị ẹngụ aza ẹnẹẹ kụkụ nyị ụvọ tụ ịnị ịsa ana sị va yị Ẹnẹyịmavara ana vị Ochẹtẹẹngụ.

Ịrịka 14:34

Anka ẹkụhị ẹbẹẹva ọnị e si ne re ẹtẹ, avọọ ẹkụhị ọnyọọnya mẹ va jẹẹ yị ịrayị nị. Ịrayị ẹbẹẹva

Ịrịka 26:65

Ẹnẹyịmavara ộ kà yị wa ka, avaba ẹnịnị vị ene su tụ́ ịnị ụnọmị. Ikarẹbị ozi Ijehwụnẹ ọnịrị Ijosuwa ozi Inuni kẹnẹ ẹ va yara tụ́ ẹtẹ.

Iwe Ọhụhị Imosiisi ana aa hị́ Ọyịvatụrọda 28:18

Ẹnẹyịmavara vaa sị ụyaa rị wụ nịnị, dị ọ mẹ ka a sị u re ozi ma puuru nịnị. Ịsị ịnị aarẹ awụ nịnị ẹ yị vaa mẹ puuru. Imaaru awụ nịnị ọnịrị atẹmẹ awụ nịnị e yi vee re ezii ma puuru.

Iwe Ọhụhị Imosiisi ana aa hị́ Ọyịvatụrọda 28:32

Aanị ụ me vee re ẹtẹ dị a za ezi anọrụ awụ ọnịrị anẹẹ ọrịhị aa nọ ẹkụra ọsa nị. U vee zi wa eyi eyinị-eyinị, di o du wu eyi, ama ẹ yị nyị ịsị ụ vaa zụ mẹ ka a sị a kụ wa na.

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.

Iwe Ọhụhị Imosiisi ana aa hị́ Ọyịvatụrọda 32:25

Ịrẹkụ vaa mẹ ka a wụ̀ aza avaba oze ene hi ini ẹkụra, di angwa ee hi wa, di ivóvó za wa tụ ini eehi. Ezwọọmụha ọnịrị ezwoorihi Ẹnịnị su va ha. Avọọ ezinụvọ ọnịrị azọkụ ẹnịnị ẹnị mẹ rẹ yịị vee su nị.

Ọdọvịdị 4:16

Dị Ịbarakị ọnịrị isoja dụ wa ngụ Iharọsẹtị-Ịhagọyimi nị. Avaba isoja Isisera vị ọnị ịrẹkụ rị bemi-bemi.

1 Ịsamụwẹrị 16:14

Ụhwẹ Ẹnẹyịmavara ọ sị hụụ ịda Ịsọọrụ. Dị Ẹnẹyịmavara tụ́ ụhwẹ odivi ka ọ naa sị ụyaa rị Ịsọọrụ nị.