Ihoseya 9:11 - IWE ỌNỊNỊ

¹¹ Ụbanyị ẹnịnị vị ene hira ne hu anka inomi mee hira avọọ. Anyẹnẹẹ ẹnịnị ẹ yị vee zyẹẹ, dị ẹ hyakụ vaa ma ozi.

Ihoseya 9:11 ပူးပေါင်းရင်းမြစ်များ

Oyinyima 41:52

Dị ọ ka ọsa ọ rị Ehwireemi nị. Ọ kà, Ohomorihi ọ ra si ozi yi ọnị ịnị ẹtẹ ịzị ọnị va ya aa rị ụya.

Oyinyima 49:22

Ijosẹẹhụ, ẹwụ vị ana sị mẹẹ anka ịkẹrịkẹtẹ ịnị avị avọọ. Vị ụ sị mẹẹ anka ịkẹrịkẹtẹ ịnị avị ana yà ụtọ enyi nị. Mị ka vị ụ sị mẹẹ anka ịkẹrịkẹtẹ ịnị avị ana yà akaha ataba avọọ nị.

2 Ịsamụwẹrị 6:23

Avọọ Imikari ozi Ịsọọrụ ọnọọ o yi re ozi ma pooro di o sú.

Ijoovu 18:5

Éyiye de, ịsa odivi ọ vaa za ẹhẹ aza edivi ẹtẹ nị. Vị́ ọ́ vaa sịị mẹẹ ịra enee mi avọọ nị.

Ahẹ Ụgama 58:8

Navọ ahịka vị ẹhẹ ẹnịnị yà anka ịrẹẹ ana a wọ̀rọ̀ avọọ nị mẹ wa anka ozi ene sú hụụnị ịnẹ ọnyị anị vẹ di ò yi rè vee re ẹhẹ.

Ịrẹyị Ọzwọzịsa 6:3

Ọza ọ zụ ma ozi ẹchẹẹhị dị ọ ku orubo ẹtẹẹtẹrẹ, ama ẹ yị rẹ va nyẹngụ sị ogu ọnị ọ nyị mẹ ayohine ịnị ẹhẹ, ozi ene su tụ ịnị ịnẹ ọnyị anị dị a vaa ma a ọ dahi hu ọza ọnọọ nị.

Ayịsaya 17:3

Ẹnẹyịmavara Ochẹtẹẹngụ kà ọvọ ana kara ẹkụra Anisirẹrị vee wuu vaa ha. Anẹkụra ọsa ọ vaa mẹ ịjọva tụra Anịdamasịkọsị ịrẹsụ nị. Anisiriya nini ana ha vị ana vaa yà ịnị ụhị anka Anisirẹrị nịnị avọọ.

Ihoseya 10:5

Aza ana ra hi Isamariya vee hí angwa agụvị ịrẹyị ene tụ́ ori ẹnịnị, dị ẹ yaa zị ẹngụ anị agụvị ka a raà mẹ̀ ụhị nyị ori ẹnẹẹ.

Ihoseya 4:7

Ẹnị ohirẹsụ irehi anị maa rụrụ hu avọọ, avọọ ịvị ẹnịnị maa banyị hu avọọ nị. Agụvị avọọ Ẹnẹyịmavara kà ọnị aa vara ịsị ẹ vị ụbanyị ẹnịnị ụhị yị wa.

Ihoseya 5:9

Ohomorihi ka ọnị vaa sị ụya rị Ehwireemi, dị ọnị tụ́ ọ osusu ịnị ẹkụhị ọkarẹyị. Ọ kà ọnị ọ raà hị́ eku eyi avaba ịrẹsụ-ịrẹsụ Anisirẹrị.

Ihoseya 9:14

Ihoseya ộ họ̀ Ẹnẹyịmavara kà ịsị ọ vaa mẹ aza ẹnịnị kẹ? Ọ kà Ohomorihi ọ jị anyẹnẹẹ ẹnịnị ọbọrị, dị asị e re ịrẹva ẹnẹ ẹ zụ sị ka ozi.

Emọsị 1:13

Ẹnẹyịmavara kà ọnị aa pịva yị Anamọnị agụvị ebira odivi odivi ẹnị ê mẹ̀. Ẹnịnị ệ há ọnịrẹẹ ịnẹ ẹkụra ana aā hị́ Anigiriyadi agụvị di e si zune ẹtẹ tụ́ ịnị ẹtẹ ẹnịnị. Ẹnịnị ẹ yị mẹ̀ sị rị.

Iruuku 23:29

Agụvị ka ẹkụhị aa vẹ, ana a vaa kà a ka: ‘Ọbọrị nịnị ệ da jẹ. Aza ẹnẹ ẹ̀ yị ma ozi da, ọnịrị aza ẹnẹ ẹ̀ yị kà ozi ịrẹva da, ệ da jẹ.’

Iwe Ọhụhị Imosiisi ana aa hị́ Ọyịvatụrọda 28:18

Ẹnẹyịmavara vaa sị ụyaa rị wụ nịnị, dị ọ mẹ ka a sị u re ozi ma puuru nịnị. Ịsị ịnị aarẹ awụ nịnị ẹ yị vaa mẹ puuru. Imaaru awụ nịnị ọnịrị atẹmẹ awụ nịnị e yi vee re ezii ma puuru.

Iwe Ọhụhị Imosiisi ana aa hị́ Ọyịvatụrọda 28:57

Ó vee weree rị ụvị oze anị ọnịrị ezi ọnị ọ ma dị ẹ yị dà yị ọza agụvị ka ẹ yị nyị ịsị ọsa ọnị ọ kụkụ nyị. Aanị iruwa ọngwọọngụ mẹ va za wụ nịnị agụvị ọnịvị awụ nịnị ana va kara wụ nịnị okiri-okiri nị.

Iwe Ọhụhị Imosiisi ana aa hị́ Ọyịvatụrọda 33:17

Ijosẹẹhụ ọ nyị ụkata anka ụnọ, dị ọ nyị ọpanyị ẹya nị. Otomiroku isoja Ehwireemi ọnịrị Ịmanasẹ vị ana nyị ụkata anka ụnọ nịnị. Ẹya mẹẹ sị ọpanyị anị gara ọnịvị anị ha avọọ, avọọ ezi Ijosẹẹhụ mẹ vaa mẹ ọnịvị ẹnịnị, dị ẹ dụ wa ne hị́ ụta ẹhẹ nị.