Ihoseya 9:10 - IWE ỌNỊNỊ

¹⁰ Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Ihoseya 9:10 ပူးပေါင်းရင်းမြစ်များ

1 Ohinọyị 16:31

Ebira odivi oni Ijerobowami ozi Inebati mẹ̀ hyakụ vi ikiiki ini eyi Ahabị. Ọnị vị ana dà ngụ udivi hụ avọọ, dị ọ na nyị Ijezebẹrị ozi Atibaari ana vi ohinọyị Ịsayịdọnị. Dị ọ kụkụ aa hẹkẹ ori ẹnịnị ana aā hị́ Ịbaarị, di ee kú ẹtẹẹ kụ́ ọ nị.

2 Ohinọyị 17:11

Ẹnịnị ệ rị eturare ịra ịrẹsụ avaba ụta ịsọvọ aza anaā hẹkẹ ori. Avọọ aza ọnị Ẹnẹyịmavara vịdị dụ hụụnị ẹtẹ ọnọọ mẹẹ̄ mẹ nị. Ẹnịnị ụkọrọ edivi ẹnịnị mẹ ayị kụ Ẹnẹyịmavara.

Ahẹ Ụgama 115:8

Ẹnịrị aza ana mẹ̀ ẹ vị ọnya-ọnya nị, avọọ aza ana sị ayị tụra wa ẹnị mẹ̀ rẹ yà nị.

Ahẹ Ụgama 81:12

Avọọ dị mị hụrẹ wa ụvọ ka ebira odivi ẹnị ẹ̀ẹ ka ẹnị aa mẹ, ẹ̀ẹ mẹ̀ ẹ nị.

Ahẹ Isoromọnị 3:6

Sị ẹ́ hụụnị ụnọmị aa hịrẹẹ vẹ anka areyi ọbanyị anaa dá avọọ kẹ? Avaba ẹngụ anị aa dagụ kwẹ̀ẹ̀ yị eturare ana aā hị́ ihwirankisesi ọnịrị ịmaya ana á hị́ hụụnị ụvọ osohu nịnị avọọ

Ayịsaya 28:4

Ụbanyị oni ohirẹsụ ẹtẹ ozoza ọnọọ aa sii mẹ eyi vị ana a vaa dọ ọ dị ọza o yi kuku re e. Vị ọ vaa sị mẹẹ anka ẹtụtụ ọchị ana aā hị́ ihwigi avọọ nị. Ọza ene èe vịdị re ene vi ịnị anị di ò ve tù ụmẹ ana a sị ha a, ọ wụsẹ vịdị aa ha a nị. Ọ̀ọ sị ọ ha kẹnẹ dị ọ wụsẹ mụnẹ ẹ.

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 24:2

Ijeremaya ka, ihwigi ene hi ini uji ịpaapa vị ozoza-ozoza. Ẹnị ene vịdị vi ẹ vị ẹnẹẹ nị. Ihwigi ene hi ịnị uji ọhụva vị ọyịvụ-ọyịvụ. Ee divi poori, ẹ́ yị hyakụ wụra rị.

Ijeremaya 3:24

Ama ori ana aā hi Ịbaarị anaā mẹ̀ ụhị nyị ọza ọnị ẹnị aa hẹkẹ ọ raa mẹ ka atẹmẹ ọnịrị imaaru ẹnịnị beri ezi ẹnịnị ẹ̀ ta hi ẹnị ụvọ. Avaba ogu ọnị ohiku ẹnịnị mẹ tịtẹ yị ẹnị hụrị ụmọrụmọ ẹẹ ta.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 31:2

Ẹnẹyịmavara kà, ọnị ộ vayị aza ene è yị re ve su ịnị ụnọmị. Ịjị Anisirẹrị nịnị ê sị ịzị ẹyaa na tụ́ ụhwọ́.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ezikẹẹrị 20:8

Ẹnẹyịmavara kà, ama ẹnịnị ệ si eyi wụ ọnị, ẹ́ yị saasa ịrẹyị anị. Ẹnịnị ẹ́ yị và ori ẹnịnị ha; ẹnịnị ẹ́ yị sị ụvọ hụụnị ịrẹyị ori Anijipiti nịnị. Ọnị ô tenyi ẹngụ ka ọnị aa sị ọyịkụ anịị zụ̀ wa ẹtẹ Ijipiti ụmẹ avọọ.

Ihoseya 11:1

Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ihoseya 13:5

Ẹnẹyịmavara kà ọnị ô sere wa ịnị ụnọmị ịnị ẹtẹ ọyịwụ ịzị ẹ yị nyị enyi nị.

Ihoseya 2:15

Ọ kà ọnị aa sị ụbazị ịvayịnị anị ẹnẹẹ varẹma yọ, dị ọnị vara inozi ana vị aha akanya aha eyọtụra. Ọ vaa sị ẹngụ anị yị ọnị ịzọọ anka ộ mẹ mẹ̀ ịnị ozweyi ọ maa hụrị Ijipiti.

Ihoseya 4:14

Ẹnẹyịmavara kà ọnị ẹ yị vaa sị̀ ụya rị wa agụvị ka anọrụ ẹnịnị vị anaa na irehi ori ne pe ọsẹrẹka sụ̀. Anka ụhịrẹyị mẹẹ kà a, “aza ẹnẹ ẹ yị yẹ ịrẹyị vị ene ee vu.”

Ihoseya 4:18

Ee sị eche hu, dị ẹ nyima ee sì ọsẹrẹka ọnị ẹnịrị waa sụ. Ẹnịnị e sì ịrẹyị ịsị ụhị hụụnị ịsị ẹ vaa sị ụbanyị yị wa.

Emọsị 4:5

Ẹ sị ụbụrẹẹdị ana nyị owu na mẹ̀ ịsọvọ kụ́ Ohomorihi avọ. Ẹnịnị ẹ̀ sị ẹyịza ọsa vẹ, di e yee sị wu ka ẹnị aa sị ịsa huna ọza ana vọ vẹ ịnị irehi Ẹnẹyịmavara.

Imika 7:1

Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

Ịrịka 15:39

Ẹnịnị e re izahu ẹnịnị, ẹ vaa tama wa ayị ọda Ẹnẹyịmavara, dị ẹ saasa a, Ẹnịnị ẹ yị kụkụ vaa mẹ ịsị ọnị e yee si anka ẹ mẹ vịdị mẹ̀.

Ịrịka 18:13

Avaba ịsa ọyịna ịnị aarẹ ịpaapa ịnị ẹtẹ ẹnịnị ana aā kụ́ va yị Ẹnẹyịmavara vị Eerọnị ọnịrị aza anị. Aza ana nị ịnị ovwoovu anị ẹ zụ rị ịnị anị.

Aniroomi 6:21

Sị ẹ vị ọgụ ọnị ụ rị hụụnị ịsa ọnị ụ kụkụ vaa nyị ụhị anị nịnị booro aanị? Isu kẹnẹ ọ vị ọdịrẹma ịsa ẹnẹẹ nị.

Iwe Ọhụhị Imosiisi ana aa hị́ Ọyịvatụrọda 32:10

Anisirẹrị nịnị vị Ẹnẹyịmavara hee ịnị ụnọmị ịzị aza ẹ yị ra hi. Ẹnẹyịmavara o sere wu nịnị, dị ọ tẹsị awụ nịnị anka ọza mē sị eyi pe igoreyi avọọ.

Iwe Ọhụhị Imosiisi ana aa hị́ Ọyịvatụrọda 32:17

Ệ mẹ̀ ịsọvọ yị ori ẹnị ẹ yị vị Ohomorihi, ori ọwọọwa nịnị ẹnị ohiku ẹnịnị ẹ yị yẹ. Anisirẹrị nịnị ẹ yị vịdị saasa ori ẹnẹẹ daa.

Iwe Ọhụhị Imosiisi ana aa hị́ Ọyịvatụrọda 4:3

Ẹwụnị ụvọta ò re ịsị ọnị Ẹnẹyịmavara mẹ̀ Ịbaarị-Ịpẹyọ. Avaba aza anaa mẹ̀ ori ịzọọ ô vú ẹtẹ nị.

Ọdọvịdị 6:32

Hụrị ụmẹ ọnọọ a kụkụ aa hị́ Igidiyọnị Ijerubaari agụvị ka ọ kà a ka Ịbaarị ọ vụ ịrẹvụ ẹngụ agụvị ụta anị ọnị ọnị wụ.