Ihoseya 9:1 - IWE ỌNỊNỊ

¹ Ẹwụ nịnị Anisirẹrị, asị ẹ rẹẹ jẹ ịrajẹ anka anẹkụra ana vọ agụvị ka ẹnịnị ẹ yị mẹ ịzẹyịza ka Ohomorihi ẹnịnị na. Ẹnịnị ẹ raà ná ẹngụ ẹnịnị yị ori nịnị anka ebira ọsẹrẹka avọọ, dị ẹ ya mẹ̀ ịsọvọ yị ori ịnị ụmẹ ịsa ọyịna.

Ihoseya 9:1 ပူးပေါင်းရင်းမြစ်များ

Ahẹ Ụgama 73:27

Aza ẹnẹ ẹ̀ yị gụrị ẹwụ vi ene vee vú ẹtẹ. Avaba aza ẹnẹ ẹ̀ yị sị ịnẹ zụ̀ wụ vị ọnị ụ vaa wụụ vaa ha.

Ayịsaya 17:11

Ọ̀ọ daka zee e eyi ahịka ịhị ọnị u chire e gẹdẹ-gẹdẹ ụ mẹ ka ọ̀ hụ nị, dị ahịka ẹnẹnẹ oni u chire e ụ rẹ mẹ ka ọ̀ọ jị ododo nị, ẹ yị nyị ịsị wee ree ha ịnị anị. Ụkụ ana vaa za wụ vị ana vaa zị wụ dị ọza ọ yị zụ mẹ̀ ẹ.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 44:17

Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.

Arụwẹ 4:21

Ẹwụ nịnị Anedomi ọnịrị Anuzi waa jẹ ịrajẹ, dị waa mẹrị nịnị booro aanị. Ama yẹ́ ka ụyọrị awụ nịnị aa vẹ ịsọnsọọnị. U vee hu ụya anka eche dị aa mẹrị wụ, dị ụ tụ ẹngụ awụ ahwaahụ.

Ezikẹẹrị 16:15

Ama waa hụ̀ agụvị uzoza awụ ọnịrị agụvị ka waa ngụrẹyị dị ụ kụkụ aa sẹ̀ ịrẹkaa zị nị.

Ezikẹẹrị 16:30

Ẹnẹyịmavara Ananyị ụkata hu ka, ẹwụ ọsẹrẹka ọnị ụhị ẹ̀ yị ma nyị, wee re avaba ịsa ọnị ụ mẹ.

Ezikẹẹrị 20:32

Wa sị ẹngụ tenyi nịnị ka ẹwụrị anẹkụra ana vọ ẹ̀ vị ọnyọọnya dị waa vàa ku ẹtẹ yị ọchị ọnịrị ịrẹta nịnị. Ama ẹ́ yị vaa vị wụ nịnị mẹ.

Ezikẹẹrị 21:10

A sị ọ ne, a sị ịsa da sisi ọ ka ọọ zá nyanga-nyanga, dị à sị na wụ̀ aza va ha. Ịrẹyị unyi ọsọnị wáá vị booro aanị nị? Ọ ka ọnị ộ kà aza anị ọnọ, ọnị ộ sị ụya rị wa, ama, ẹnịnị ẹ́ yị hị́ ọ ịrẹyị.

Ihoseya 10:5

Aza ana ra hi Isamariya vee hí angwa agụvị ịrẹyị ene tụ́ ori ẹnịnị, dị ẹ yaa zị ẹngụ anị agụvị ka a raà mẹ̀ ụhị nyị ori ẹnẹẹ.

Ihoseya 2:12

Ẹnẹyịmavara kà ọnị vee du ụbazị ịvayịnị ọnịrị ọchị ihwigi ọnị onyeehi anị sị si ọ ụta ịbẹhị anị ha. Ọ́ kà ọnị vaa vara ịzọọ iruku, dị uye ini avị aa rị ịsa ene hi ịnị anị.

Ihoseya 4:12

E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị.

Ihoseya 5:4

Ebira odivi ọnị ệ mẹ̀ ọ yị zẹ ka ẹ varẹma vẹ ịdị Ẹnẹyịmavara.

Ihoseya 5:7

Ẹnịnị ẹ yị mẹ̀ ịzẹyịza ka Ẹnẹyịmavara na. Ệ ma ezi ọta hi ẹtẹ kẹnẹ nị. Ori ọnị ẹ yaa hẹkẹ o vee vu ẹnịrị ogu ẹnịnị ẹtẹ nị.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Emọsị 4:5

Ẹ sị ụbụrẹẹdị ana nyị owu na mẹ̀ ịsọvọ kụ́ Ohomorihi avọ. Ẹnịnị ẹ̀ sị ẹyịza ọsa vẹ, di e yee sị wu ka ẹnị aa sị ịsa huna ọza ana vọ vẹ ịnị irehi Ẹnẹyịmavara.

Emọsị 6:13

Ẹnịnị e wo oto ka ẹnị ẹ nyị ụkata, dị ẹnị raa rị ẹkụra Iro-Idebari ọnịrị Ikaranịyimi nị.

Emọsị 8:10

Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.

Ijemiisi 4:16

Ama ẹwụ nịnị vị anaā yị sị ẹngụ awụ nịnịị tụ́ ẹba, di u ree wo oto nịnị. Ẹngụ oto ọnọọ e yi zoza.

Ijemiisi 5:1

Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị.