Ihoseya 8:6 - IWE ỌNỊNỊ

⁶ Ọza ọ bẹ ọchị ọnị ẹ yaa hẹkẹ avọọ nị. Ori kẹnẹ ọ vị nị, agụvị avọọ ọnị aa chaka a rugurugu ha.

Ihoseya 8:6 ပူးပေါင်းရင်းမြစ်များ

2 Ohinọyị 23:15

Ụta ori ana ya Ịbẹtẹrị ọnị Ijerobowami ozi Inebati da tụ́ aha ọnẹba vị ọnị Ijosaya wu va ha. Ori ọnọọ ọ kụ́ Anisirẹrị nịnị na mẹ̀ ebira odivi nị. Ịrẹta ori Asẹra ọnọọ vị ọnị ọ kwọ nyẹrẹ-nyẹrẹ anka edudu avọọ, dị ọ rị ọchị uyi ọnọọ ịra.

2 Ohinọyị 23:19

Anka ịsị ọ mẹ Ịbẹtẹrị, Ijosaya ộ kụ́ avaba irehi ori ene hi ịrẹsụ ataba ọnị ohinọyị Isirẹrị nịnị da hị́ avaba ẹkụra ene hi ịnị ẹtẹ Ịsamarịya ana raà mẹ ayị kụ́ Ohomorihi.

2 Ịtọpa 13:8

Abija kà ọyaanị Irehobowami vi eni tenyi ẹngụ dị ọ va eyi ịrazị ka udi ohinọyị ọnị Ẹnẹyịmavara raà sị yị Idevidi ọnịrị ụnaka anị. Agụvị avọọ ộ kụ́ otomiroku isoja kara ẹngụ anị, dị ọ sị ụnọ ana a sị igooru mẹ̀ ka ọ vị ori awụ nịnị.

2 Ịtọpa 31:1

Ịrẹma ọnị eche ọyịparahu ọnọọ ta wa rị, dị avaba Isirẹrị ana nọ Ijerusarẹmị kụ́ ẹngụ aa ngụ ẹkụra-ẹkụra ene hi ẹtẹ Ijuda, Ịbẹnjamịnị, Ehwireemi ọnịrị Ịmanasẹ nị. Ịzị èe tu dị ẹ́ gara ịrẹta ori ana a kụ́ gụ, di é che avaba ọchị ana a bẹ jẹẹ yị ori ọnẹẹ ana aā hị́ Asẹra, dị ẹ́ chata ụta ịsọvọ, di é wú avaba irehi ori ẹnịnị ha. Ịjị ẹ sị mẹ̀ ta, dị ọzọza va nọ eehi anị nị.

Ijeremaya 10:14

Ọsọnị aza ee si re, dị ẹ sị mẹẹ ọnụra ẹnẹ ẹ yị nyị ịrẹyọyẹ nị. Anịngẹrẹ enee tu ori vị ọnị ụhị aa nyị, agụvị ka ori ẹnẹ ẹ mẹ va hi ẹtẹ vị apẹ kẹnẹ; ẹnịnị ẹ yị nyị ụhwẹ.

Ijeremaya 48:13

Ịjọnọọ dị ụhị ori Animowabi nịnị ana aā hị́ Ikẹmọọsị aa nyị wa. Avọọ ụhị mẹ nyị Anisirẹrị nịnị ẹ́ mẹ sị ayị tụra Ịbẹtẹrị nị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ihoseya 10:2

Ẹnẹyịmavara kà a yaa rị ụya ebira odivi ẹnịnị agụvị ka ẹnịnị ẹ yị nyị ịzẹyịza. Ộ ka ọnị ee wú avaba ụta ori ẹnịnị, dị ọnị chaka ori ẹnịnị ha.

Ihoseya 13:2

Booro aanị, ẹnịnị vị ana dà ụvọ tụ́ ịnị ụvọ hu avọọ ịnị ebira odivi ẹnịnị. Ẹnị ụvọta e kuku aa sị ụvọta ẹnịnị sị́ enyusẹ isiriva tụ́ ọnyọọnọkụmị ori ẹnịnị nị. Ẹnịnị vị ana aa mẹ̀ ịsọvọ yọ ori ẹnẹẹ, dị ẹ yaa ku ụnọ ene e tụ jẹẹ irenu.

Ihoseya 14:3

Anasiriya nịnị ẹ yị zụ dọ ẹnị ha, a vị umaata ịrẹkụ zụ dọ ẹnị ha nị. Ẹnị ẹ yị kụkụ va hẹkẹ ori dọ ịrẹsụ Ohomorihi ẹnịnị nị. Ẹnẹyịmavara vaa vayị ozi oku ẹnẹ ẹ yị nyị ọza na va ẹngụ ya.

Imika 1:7

Ẹnẹyịmavara kà avaba ori ẹnịnị vị ọnị ọnị vaa chaka rugu-rugu. Dị ọnị sị ịra rị avaba ịsa ana a kụ́ na yị ọsẹrẹka nịnị ene hi ini irehi ori ẹnẹẹ. Ọ kà avaba ori ẹnịnị vị ọnị ọnị vaa garaa ha. Anịsamarịya vị ana kụ́ ogu ẹnẹẹ̄ sịị hẹkẹ ori. Aza ẹnẹsa rẹ vaa dọ wa, dị ẹnị rẹ sị naa hẹkẹ ori ẹnịnị.

Ihabaku 2:18

Sị ọza aa sị ori mẹ? Ọza mẹ nyẹngụ sị ayị tụra ọnyọọnọkụmị ọnị ọ sị ụvọta anị mẹ̀. Evene kẹnẹ ọ vị nị. Ọ́ tịtẹ kẹnẹ nị, ẹ yị zụ ka ịrẹyị. Ẹnyị vị ọchị ana a bẹ, dị ẹnyị vị enyusẹ ene tu nị.

Odeyi 17:29

Yàa vị ezi Ohomorihi, ẹ yị vọrọ ka ye ro o ka ya zụ sị ịsa anaa sị igooru ọnịrị ọmọ beri ịrẹta bẹ juwe anị. Ịsa ẹnẹẹ vị ụkọrọ ụvọ aza kẹnẹ; ariro aza ẹ jẹẹ yị nị.

Odeyi 19:26

Wê ree nịnị, dị ụ rẹ wụ́ ọọ nịnị bẹẹ nị ka Ịpọọrụ ọnọnị ọ sị aza ọrụrụ-ọrụrụ vara ayị, ayị vị ini Ẹhwẹsọsị kẹnẹ, ama avaba ẹtẹ Esiya. Ọ kà ịsị aza sị ụvọ mẹ, ayị vị Ohomorihi ẹ vị.