Ihoseya 8:4 - IWE ỌNỊNỊ

⁴ Ẹnịnị ẹ yị họ̀ Ẹnẹyịmavara wụ̀, dị ẹnị ụvọta nyị ohinọyị ọnịrị Ọdọvịdị ẹnịnị yị ẹngụ ẹnịnị. Ẹnịnị ệ sị igooru ọnịrị isiriva mẹ̀ ọnyịnọkụmị ori ẹnịnị. Ịsa ọnị ẹ mẹ̀ aanị ọ raà sị kụ usu tù ẹngụ ẹnịnị.

Ihoseya 8:4 ပူးပေါင်းရင်းမြစ်များ

1 Ohinọyị 12:28

Ịjị ohinọyị maanị sị ọ ro, dị ọ va sị igooru dị ẹ sị mẹ imaaru ẹẹva nị. Ịjị ọ sị wa mẹ, dị ọ kà a yị Anisirẹrị dị ọ ka, “O si ku ọnị ụ hụrẹ aa nọ Ijerusarẹmị nịnị, ô zee ọgọnị. Re ẹẹmẹ ana jẹẹ aanị, Ohomorihi awụ nịnị ọ vị ọnọọ nị, ẹwụ nịnị Anisirẹrị. Ẹnị ẹ kụ́ wụ nịnị jịnẹ hụrẹ Ijipiti vẹ nị.”

1 Ohinọyị 13:34

Ịrẹyị ọnọnị ọ vana sị vara ebira odivi tù ini eehi Ijerobowami. Ọnị ọ mẹ ka è vu avaba ẹnịnị ẹtẹ saka-saka hụụnị ẹtẹ ọnọọ nị.

1 Ohinọyị 16:31

Ebira odivi oni Ijerobowami ozi Inebati mẹ̀ hyakụ vi ikiiki ini eyi Ahabị. Ọnị vị ana dà ngụ udivi hụ avọọ, dị ọ na nyị Ijezebẹrị ozi Atibaari ana vi ohinọyị Ịsayịdọnị. Dị ọ kụkụ aa hẹkẹ ori ẹnịnị ana aā hị́ Ịbaarị, di ee kú ẹtẹẹ kụ́ ọ nị.

Ijeremaya 16:20

Ọza ọ́ọ́ zụ mẹ ori yị ẹngụ anị kẹ? Hịịn, ama ẹ́ yị vị ori obooro ẹ vị.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ịdanịyẹrị 3:1

 nyị ụmẹ ọnya dị Inebukadineza ohinọyị sị igooru mẹ uyi ọbanyị ọnya aanị jẹẹ nị. Uyi ọnọọ ộ nẹba ẹhụ ahụ ẹnarẹẹwụ avọọ, dị ọ rẹ gana ẹhụ ahụ ịhịịna avọọ nị. Dị ọ ka a sị ọ jẹẹ ịzị aā hị́ Idura ịnị ẹtẹ Ịbabịrọnị nị.

Ihoseya 13:1

Ịnị ịyẹẹyẹ, Anehwireemi ọ̀ọ ka ịrẹyị kẹnẹ, avaba Anisirẹrị ana vọ eē hí angwa ẹnịnị agụvị ka ẹnịnị vị aza ẹnị ana vọ sị eyi tụra. Ama Anehwireemi nịnị a raà mẹ̀ ebira odivi hi Ẹnẹyịmavara. Ẹnịnị aa hẹkẹ ori ana hị́ Ịbaarị, di e yee vú ẹtẹ nị.

Ihoseya 13:11

Ọ kà ọnị ọ sị ọyịkụ-ọyịkụ sị ohinọyị yị wa, avọọ ọnị mẹ raà sị ayodu dọ wa nị.

Ihoseya 13:2

Booro aanị, ẹnịnị vị ana dà ụvọ tụ́ ịnị ụvọ hu avọọ ịnị ebira odivi ẹnịnị. Ẹnị ụvọta e kuku aa sị ụvọta ẹnịnị sị́ enyusẹ isiriva tụ́ ọnyọọnọkụmị ori ẹnịnị nị. Ẹnịnị vị ana aa mẹ̀ ịsọvọ yọ ori ẹnẹẹ, dị ẹ yaa ku ụnọ ene e tụ jẹẹ irenu.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.

Ihoseya 8:3

Ka ẹnịnị é yi ịsa ọyịza tịtẹ, ọnịvị ẹnịnị vị ana vaa dụ wa.

Imatiwu 25:12

Dị ọva ọnẹẹ ọnọọ tụ́ wa ohi ka: ‘Ịzẹyịza m maa kà nị, mẹ yị yẹ wụ nịnị vụrụ-vụrụ.’

Iruuku 13:25

Ịjị adarehi ọ̀ọ sị kwẹẹtẹ dị ọ sị oze gu nị, dị ẹwụ nịnị kụkụ jẹẹ ẹhẹ aa sị ụvọọ ká oze ka: ‘Ananyị yị! Ananyị yị! Na oze yị!’ Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Iruuku 13:27

Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Ịjọọnụ 10:14

Ama ẹmị ụvọta ọ vị ọza anaā tẹsị atẹmẹ ẹtẹẹtẹrẹ nị. Mâ yẹ aza amị, dị aza amị ẹnị rẹ yẹ ẹmị nị,

Anigaratiya 4:9

Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ?