Ihoseya 8:13 - IWE ỌNỊNỊ

¹³ Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 8:13 ပူးပေါင်းရင်းမြစ်များ

Ọyịkụra 20:3

Wẹ yị nyayịnẹ mẹ ori ọnyọọnyị. Ẹmị ịnya kẹnẹ ụ vaa hẹkẹ nị.

Ọyịkụra 32:34

Ama we chii na booro aanị dị wa na kụ́ aza ẹnẹẹ dụ wa nọ ịzị mị ka wa kụ́ wa nọ. Mị vaa tụ́ anggẹẹrị amị ka ọ̀ tụ́ ọvịdị awụ nịnị dị waa na nịnị. Ama òo si tù ụmẹ ana vọrọ ka ma sị sị ụya rị wa, mị vaa sị ụyaa rị wa agụvị ebira odivi ẹnị ẹ mẹ̀.”

Ụhịrẹyị 21:27

Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị.

Ayịsaya 1:11

Ẹnẹyịmavara kà sị ọnị aa sị avaba ịsọvọ ọnị ụ maanị aa mẹ nịnị aanịị mẹ? Ọ kà atẹmẹ ọnịrị ụhị uye ọnị ụ waa rị ịraa mẹ̀ ịsọvọ yị ọnị o kú dụ oni eyi. Ọ kà ẹ yị nyị ịsị ọnị aa sị ịdẹba ọnịrị atẹmẹ ne beri ẹvụ mẹ.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 6:20

Ẹnẹyịmavara kà, sị ẹ vẹ dị ẹ yaa kụ eturare hụrị ẹtẹ Ịsẹba va yị ọnị? Sị ẹ vẹ dị ẹ yaa ku ịsị ohine hụrị aha onoze vẹ va yị ọnị. Ọ kà ọnị ẹ yị vaa dọ ịsị ịsọvọ ẹnịnị, ịsọvọ ẹnị ẹ yaa mẹ e yị hine ọnị.

Ezikẹẹrị 29:16

Anisirẹrị nịnị ẹ́ yị ma vanaa và ẹngụ ya wa. Ịsị e tu Anijipiti nịnị vaa mẹ ka Anisirẹrị nịnị ẹ̀ yẹ ka, ẹ́ yị vọrọ ka ẹnị ẹ̀ sị ayị tụra wa. Anisirẹrị nịnị vaa yẹ ịjọnọọ ka ọnị ọ vị Ẹnẹyịmavara Ochẹtẹẹngụ nị.

Ihoseya 11:5

Ka ẹnịnị ê yi ka ẹnị ẹ yị ka Ẹnẹyịmavara na, ẹ vaa varẹma na Ijipiti, Anasiriya nịnị vaa mẹ ịjọva tụra wa ịrẹsụ

Ihoseya 12:11

Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ.

Ihoseya 4:9

Ẹnẹyịmavara kà ọnị vaa sị ụya ọnyọọnya rị aza ọnịrị ohirẹsụ irehi anị nịnị, dị ọnị sì wa ụta ebira ẹnị mẹ̀.

Ihoseya 5:6

Ẹnịnị ẹ̀ẹ sị atẹmẹ ọnịrị ụnọ va mẹ̀ ịsọvọ yị ọnị, ọnị ẹ yị dọ wa agụvị ka ọnị ọ sị ayị hụụnị ịrẹyị ẹnịnị. Ẹnịnị ẹ yị kụkụ vee re eyi ọyịza anị.

Ihoseya 6:6

Ọ kà ọza o sì ịrẹyị anị ọ ngụ ọnị eyi hụụnị ka a sị ịsa ịsọvọ va yị ọnị nị. Ọza ọ yẹ ọnị ọ mẹ yị ọnị hụụnị ka ọ rị ịsọvọ ịra yị ọnị nị.

Ihoseya 7:11

Anehwireemi nịnị sị mẹẹ anka arivadi avọọ nị. Ẹnịnị ẹ yị yẹ ịrẹyị, ọ yị tụ́ akanya dị ọza o vene wa, avọọ ẹ yaa hị́ Anigipiti, di e yee ne tụ́ Anasiriya nị.

Ihoseya 7:16

Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Ihoseya 7:2

Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Ihoseya 9:9

Ẹnịnị vị ana nyayịnẹ du ha anka ẹ mẹ vịdị ya Igibiya ịyẹẹyẹ. Ohomorihi e yi vee hi ayị ebira ọhịmị ẹnịnị. Ọ vaa sị ụya anị rị wa.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Emọsị 5:22

Ọ kà ọnị ẹ yị vaa dọ ịsọvọ ọnị ẹ yaa mẹ̀ ọnị ẹ yị va kana eyi si ịsọvọ ẹngwọọrọ ẹnịnị

Emọsị 8:7

Ẹnẹyịmavara ọ si ụbanyị ẹngụ anị hị́ eku ka ọnị ẹ yị vaa va hụụnị ebira ọnọọ ọnị ẹ yaa mẹ̀.

Iruuku 12:2

Ẹ yị nyị ịsa ana a sị ịsa kú, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ.

1 Anịkọrịntị 11:20

Wàa vavọọ va sị gụ nịnị, ẹ yị vị ịsọyịrị Ananyị yị ụ waa vaa rị nịnị.

1 Anịkọrịntị 11:29

Agụvị ka ọza ẹnẹ ẹ̀ yị yẹ ụbanyị ẹngụ Ananyị yị ọnịrị anya anị, dị ọ na rị Ịbụrẹẹdị ọnọọ, di o re hú eche ọnọọ nị, vi aa sị ụvọọ tura ọyịkụ Ohomorihi kú ẹngụ anị ịrẹsụ avọọ nị.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

Iwe Ọhụhị Imosiisi ana aa hị́ Ọyịvatụrọda 28:68

Ẹnẹyịmavara ộ vịdị kà a ka, a sị ụ kụkụ va nọ Ijipiti nịnị. Ama ọ vaa mẹ ka a sị ẹpa ọbanyị kụ́ wụ nịnị varẹma nọ Ijipiti. U vee si ka wa ná ẹngụ awụ ọrịhị yị aza ịzọọ, ama ẹ yị nyị ọza ana vaa dọ ka ọnị ọ̀ hị́ wụ nịnị.

Ẹtore 16:19

Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.