Ihoseya 7:2 - IWE ỌNỊNỊ

² Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.

Ihoseya 7:2 ပူးပေါင်းရင်းမြစ်များ

Ijoovu 34:21

Ẹnẹyịmavara e re avaba ahụ ọnị yee hu.

Ahẹ Ụgama 10:11

Ama di e yee ro o ka Ohomorihi ọ yị vaa tamayị Ẹ ka Ohomorihi ọ yị hyakụ vee re ẹnị pooro.

Ahẹ Ụgama 25:7

Ẹnẹyịmavara, navọ wa sị ayị hụụnị ịvị irenyi-irenyi ọnị maa mẹ̀ m mẹ̀ hụrẹ vi ozweyi Navọ wa vayị amị agụvị ka mâ yẹ ka vi ụụ̄ sì ịrẹyị ọza nị Ịsa ozoza ụ rẹẹ̄ mẹẹ yị ọza nị.

Ahẹ Ụgama 50:22

Ohomorihi ka ẹwụ nịnị ene hi ayị anị ọ̀ wụ́ ịrẹyị, ọ! Ọ kà asị ụ zẹẹ ka ọnị ọ̀ pa ịva wụ nịnị ka à yị vị avọọ ẹ yị nyị ọza ana va zụụ dọ wụ nịnịị tụ́.

Ahẹ Ụgama 9:16

Aza ệ yẹ ka Ẹnẹyịmavara vị ana aā mẹ ịzẹyịza. Ịsa ana aza edivi aa sị ụvọ ẹnịnị mẹ ọ rẹ vara eyi za wa nị.

Ahẹ Ụgama 90:8

Wâ yẹ avaba ebira odivi ọnị yaa mẹ, ẹ yị nyị ikonya ọnị ụ wẹ̀ yị yẹ.

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ayịsaya 26:16

Ẹnẹyịmavara, wâ sị ụya rị aza awụ. Ayị ẹnịnị ô du, dị ẹ vẹ ịda awụ dị ẹ vụrị aa mẹ̀ aduwa nị.

Ayịsaya 44:19

Ẹ yị nyị ọza ene ro ịrẹyị, ẹnịnị ẹ yị nyị ịrẹyọyẹ ana a vọrọ ka ọ̀ kà a ka, “Mâ sị ịnị ọchị ọnọnị kà ịra; mâ sị akịna anị mẹ̀ ịsa, mê hù uye ịnị anị dị mị rị ọ nị. Vị́ áa vọrọ ka ma rẹ sị ana vọ bẹ ori jẹẹ nị? Áá vọrọ ka ma naa tanaa tụra ẹtẹẹ yị ọchị ana a bẹ?”

Ayịsaya 5:12

Ịzị ẹ yà ee hú eche dị ẹ yaa mẹrị vị ẹnẹ ẹ kụ́ ọkangga irenyi-irenyi ọnịrị okokoro hi. Ịjị ẹ maanị sị ngụ ịnị ẹsẹnị aa mẹ, ẹnịnị ẹ yị yẹ ịsa Ẹnẹyịmavara aa mẹ, ẹ yị nyị ịzị ịsa ẹnẹ Ẹnẹyịmavara aa mẹ gẹ wa.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 16:17

Ọ kà ọnị ee ré avaba ịsị ẹyaa mẹ. Ẹ́ yị nyị ịsị ẹ tẹ̀ yị ọnị. Ebira odivi ẹnịnị vị ọnị ọnị ee ré saka-saka.

Ijeremaya 17:1

Ẹnẹyịmavara kà, ẹwụ nịnị Anijuda, enyusẹ asị mẹ̀ ịsa asị chẹrẹ ebira odivi awụ nịnị nị, enyusẹ ọkatẹngụ asị chẹrẹ ẹ tụ́ ịnị ayị awụ nịnị ọnịrị ịnị ọgọgọ ụta ịsọvọ awụ nịnị nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 32:19

Ịrẹyọyẹ awụ ọọ banyị, dị ụ rẹẹ mẹ̀ ụkọrọ ẹbanyị-ẹbanyị nị. Wee ré avaba ịsị aza aa mẹ, dị ụ rẹ vavọọ aa sị ọgụ ụkọrọ ọzọza yọ nị.

Ijeremaya 4:18

Ebira ọnị ẹwụ nịnị Anijuda aa mẹ ọ kụ ọsọnị tu wu nịnị aanị nị. Ebira odivi awụ nịnị ọ kụ ụya ọngwọọngụ ọnọnị tu wu nịnị nị. Ọ sị ụ nịnị ta ụnava na za ayị.

Ijeremaya 44:21

Vú wee ro nịnị ka, vị ayị hi Ẹnẹyịmavara kà, ẹwụrị ohiku awụ nịnị ộ vavọọ mẹ̀ ịsọvọ nịnị ẹkụra ene hi Ijuda ọnịrị oze ene hi Ijerusarẹmị nị? Vú wee ro ka Ẹnẹyịmavara ẹ yị kụkụ tamayị ka ohinọyị awụ nịnị, ọdọvịdị awụ nịnị ọnịrị aza ene hi ẹkụra awụ nịnị ệ vavọọ mẹ̀ ịsọvọ ịzọọ nị?

Ezikẹẹrị 21:29

Ọ kà ẹtẹ ọnị wee ré nịnị vị apẹ. Ịsẹ ọnị waa kà nịnị vị ireche osusu. Ọza ọhịmị ụ vị nịnị nị. Wee divi nịnị. Ama ụmẹ awụ nịnị aa vẹ, ọnị ụ vaa rị ụya awụ nịnị ọdịrẹma. A vaa sị ụhwọọ tụra awụ nịnị ọrọkọ.

Ihoseya 12:2

Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀.

Ihoseya 4:9

Ẹnẹyịmavara kà ọnị vaa sị ụya ọnyọọnya rị aza ọnịrị ohirẹsụ irehi anị nịnị, dị ọnị sì wa ụta ebira ẹnị mẹ̀.

Ihoseya 6:2

O yi vee ku dị Ẹnẹyịmavara ọ va ẹnị nọ udi ẹnịnị agụvị dị ẹnị ẹ ra di oo re wa.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 9:15

Ohomorihi kà avaba ebira odivi ẹnịnị vi ene nyima hụrị Igirigarẹrị ịzị ọnị ya nyị ịhyẹrẹ ẹnịnị agụvị ịsa ọhịmị ẹnịnị. Booro aanị ọnị vaa dụ wa jịnẹ hụụnị ịnị irehi anị. Ọnị ẹ yị kụkụ vaa sì ịrẹyị ẹnịnị agụvị ka ọdọvịdị ẹnịnị e reè vene ọnị.

Ihoseya 9:9

Ẹnịnị vị ana nyayịnẹ du ha anka ẹ mẹ vịdị ya Igibiya ịyẹẹyẹ. Ohomorihi e yi vee hi ayị ebira ọhịmị ẹnịnị. Ọ vaa sị ụya anị rị wa.

Emọsị 8:7

Ẹnẹyịmavara ọ si ụbanyị ẹngụ anị hị́ eku ka ọnị ẹ yị vaa va hụụnị ebira ọnọọ ọnị ẹ yaa mẹ̀.

Ijona 1:2

dị ọ kà a yọ ka ọ̀ nọ ẹkụra ọbanyị ana aā hị́ Ininivẹ nị. Ọ kà anẹkụra ọnọọ ọ̀nọ̀ agụvị ka ọnị ee re ebira odivi ọnị ẹ yaa mẹ.

Ịrịka 32:23

Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa.

Iruuku 12:2

Ẹ yị nyị ịsa ana a sị ịsa kú, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

Iwe Ọhụhị Imosiisi ana aa hị́ Ọyịvatụrọda 32:29

Eyi ẹnịnị òo hweyi, ẹ yaanị yẹ ịsa aa gụ wa hyẹdụ. Ẹ yaanị ịsị ẹ vaa vị ọvavẹ ịrẹma.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.