Ihoseya 7:16 - IWE ỌNỊNỊ

¹⁶ Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Ihoseya 7:16 ပူးပေါင်းရင်းမြစ်များ

Ahẹ Ụgama 12:3

Ẹnẹyịmavara aza ana vavọọ aa kụ́ hworo-hworo di e yee wo otoo zị aanị, navọ wa za wa irenu kụ oku.

Ahẹ Ụgama 12:4

Ẹnịnị ee ro o, ẹ ka ịrarẹ ọ mā yà ọza irenu dị ụvọ ò re kú ọza ọnọọ. Ẹ ka ịsị èe zee ẹnị eyi kẹnẹ ẹnị vaa kà nị Ẹ ka ẹ yị nyị ọza ana zụ za ẹnị irenu kụ oku.

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ahẹ Ụgama 17:10

Ẹnịnị ẹ yị mā vayị ọza vị ẹnịnịị̄ nyị irenuu zị nị.

Ahẹ Ụgama 52:2

Waa gẹ eyi ọza ka we re oze wụ ọ Ịrẹyị irenu awụ ô divi, ọ zụ wụ̀ ọza.

Ahẹ Ụgama 57:4

Aza ana kara mị vị ana yà anka idu avọọ Ẹnịnị vi uye odivi ana aā na ọzaa rị Ẹ zụ sị ịrẹyị irenu ẹnịnị wụ̀ ọza obobooro anka ụhwọ Ịrẹyị ẹnịnị ọ zụ wụ̀ ọza anka ọpa ọnịrị ọha mẹ̀ẹ wụ̀ ọza avọọ.

Ahẹ Ụgama 73:9

Aza edivi ẹnẹẹ ẹ̀ẹ há irenu dị ẹ yaa kụ̀ Ohomorihi ụhụ, dị ẹ yaa mẹ̀ ọda ẹnẹ ẹ̀ yị hụ ọ mẹ yị anẹhẹ.

Ahẹ Ụgama 78:37

Ẹnịnị ẹ yị sị ịnẹ zụ̀ Ohomorihi, ẹ yị rẹ jẹẹ pè ịrẹyị ọnị ẹnịrị Ohomorihi kà tịtẹ.

Ahẹ Ụgama 78:57

Ẹnịnị ọnị ẹ yị rẹ sị ịnẹ yị Ohomorihi, ẹ yaa mẹ̀ ebira ohiku ẹnịnị Ẹnịnị vị ana sị mẹẹ anka ọpa ana rara avọ, ọza ọ yị zụ sị ayị tụra wa.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ezikẹẹrị 23:32

Ụ vaa sị ako ụyọrị onyeyiza awụụ hú enyi. Ako ọnọọ ọọ nyịnẹ, dị ọ gana nị. Aza vee nyị wu unyi, dị ẹyaa mẹ wụ isiya agụvị ka ụya ana ya ịnị ako ọnọọ ọọ dẹngụ.

Ezikẹẹrị 36:20

Ahatụraha ẹnẹ ẹẹ nọ, vị ẹnẹ ẹyaa mẹ̀ ụhị nyị ịrẹha anị agụvị ka aza vị anaa kà a ka, Aza Ẹnẹyịmavara aza ẹnẹnị vị nị, ama ọ sị wa dụ hụụnị ẹtẹ anị.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

Ihoseya 11:5

Ka ẹnịnị ê yi ka ẹnị ẹ yị ka Ẹnẹyịmavara na, ẹ vaa varẹma na Ijipiti, Anasiriya nịnị vaa mẹ ịjọva tụra wa ịrẹsụ

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ihoseya 9:3

Ẹnịnị ẹ yị vaa ra ịnị ẹtẹ Ẹnẹyịmavara. Aza ẹnyị ẹnịnị vị ana vaa kụ varẹma nọ Ijipiti, dị aa kụ ọba ẹnyị nọ Asiriya ịzị ẹ vaa rị ịsa enyisi.

Ihoseya 9:4

Anẹkụra ẹnẹẹ ẹ yị vaa zẹ ka ẹ ka eche ịsọvọ tịtẹ yị Ẹnẹyịmavara. Ayị Ẹnẹyịmavara o yi vee hine tụ ịnị ịsa ịsọvọ ẹnịnị. Ịsa enyisi ẹngụ ịsa ịsọvọ ẹnẹẹ vị yọ anka ịsa ọnị aza ana zị ẹngụ oku sị ụvọ kanyị avọọ nị. Ẹnịnị ẹ zụ rị ịsa ọnọọ ụngwẹ aa kụ wa ama asị ẹ sị ọ ngụ irehi anị.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Ịmarakayị 3:13

Ẹnẹyịmavara kà ẹnịnị ee du ọnị. Ama dị ẹnịnị aa họ̀ ka sị ẹ vị ịrẹyị odivi anị ọnị ẹnị kà?

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

Imatiwu 12:36

Ama dị ma kà a wụ nịnị, avaba ịrẹyị kẹnẹ-kẹnẹ ọnị ọza ọ̀ọ kà, ọ vaa hụ agụvị avọọ kụ́ irenu anị ịnị ẹkụhị ọkarẹyị.

Iruuku 8:13

Aza ẹnẹnị vị ana rẹ yà anka ihu ana hụrẹ tụ́ ịrẹsụ ịda. Aza ẹnẹẹ mẹ̀ wụ́ ịrẹyị ọnọọ, ệ wụsẹ sị ịrajẹ dọ ọ. Ama agụvị ka ịrẹyị ọnọọ o yi re aha ha ẹpa ngụ ịnị ayị ẹnịnị, ệ dọ ọ tụ́ ịnị ayị chee; ịjị ẹzamare vẹ, dị ẹ và hụụnị anị nị.

Ijemiisi 3:5

Avọọ ị́rarẹ mè weyi ẹtẹẹtẹrẹ ịnị ịsa ịnị ọchẹngụ ọza nị, ama ọ zụ kà ịrẹyị ẹbanyị-ẹbanyị. Wáa yẹ nịnị ka ịra kiiki aanị ọ zụ rị ụnọmị ọyịvụrụ ịra.

2Ipita 2:8

Ịrọọtị ọnịzẹyịza vị ana ra ịnị akakana ẹnịnị, dị ee ree, dị ọ raa wụ́ eyinị-eyinị ebira odivi ẹnẹ ẹyaa mẹ nị. Ebira odivi ẹnịnị ọnọọ aa zàmà ayị Ịrọọtị ẹtẹẹtẹrẹ, agụvị ka Ịrọọtị vị ọza ọyịza.

Ẹtore 13:5

Dị a sị irenu yị uye ịnị avị ọnọọ ka ọ̀ọ kà ịrẹyị ẹbanyị-ẹbanyị, dị ọ̀ rẹẹ kà ịrẹyị edivi nị. Áa sị ụkata yọ ka ọ̀ vavọọ mẹ pooro mẹ ụhwẹ ẹbẹẹva tụra ẹẹva.