Ihoseya 7:14 - IWE ỌNỊNỊ

¹⁴ Ẹnẹyịmavara kà ẹnịnị ẹ yị sị ayị ọnya na owu hi ọnị ẹngụ. E hi ịrẹsụ ode ẹnịnị aa jị òrèrè kẹnẹ nị. Ẹnịnị vị anaa sị ịsa na ẹngụ ẹnịnị yị ori anikinami ka ẹ mẹ̀ ịsa ịnị aarẹ nịnị zoza, dị ẹnị ẹ nyị akụ ọnịrị eche.

Ihoseya 7:14 ပူးပေါင်းရင်းမြစ်များ

Ọyịkụra 32:6

Ịzẹyịza eyinẹhẹ anị dị aza ẹnẹẹ jintu kwẹẹtẹ dị ẹ mẹ̀ ịsọvọ ana aā rị ịra ọnịrị ịsọvọ ana aā mẹ dị à gà a rị nị. Ịjị ẹ sị ọnọọ mẹ, di e kuku hi ẹtẹ dị ẹ yaa rị, di eyee hú dị ẹ rẹ yaa nyị ẹzẹ nị.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ayịsaya 52:5

Booro aanị, Anibabironi ẹ́ rẹ sị ụ nịnị za ọrịhị, ẹ yị yaanị nyị iruvo ana a vọrọ ka ẹ̀ sị vaa mẹ vụrụ-vụrụ. Ẹnị anaa mẹ ohii tụra awụ nịnị vị enee wo oto, dị ẹyaa nyị irenuu zị. Eyinị-eyinị vị ene ẹyaa kụ mị ụhụ.

Ayịsaya 65:14

Ayị ezi ahụ amị vee hine, dị ẹyaa jị ahẹ, ama ẹwụ nịnị vị ana ayị anị vee du, dị u we nowu. Ayị awụ nịnị vaa vazi, di u wee sú ùnè.

Ijeremaya 12:2

Wee chire wa tụ ịnị ẹkụra, ẹ sị ẹpa nyị; Ẹnịnị ệ hụ dị ẹ yaa tụ ẹtụtụ nị. Ịrẹyị awụ vị ẹnị ẹ sịị̄ tụ irenu pooro kẹnẹ ama ẹ yị yaa wa ayị.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Arụwẹ 2:18

Anijerusarẹmị ẹ̀ẹ jị òrèrè boro-boro hi Ananyị yị ẹngụ. Ẹnịnị ẹẹva ẹgọ hi ẹngụ ọọdụ ọnịrị ịrahụ dị oo sì anka enyi avọọ. Asị ẹ tụ́ ụhwọ́ ịnị ọyị zị ẹngụ, dị asị ẹ jị oborihu òrèrè.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ihoseya 13:6

Ama ịjị ẹ sị ịsa rị, dị ịnẹ sị wa ha, dị e yee wu, dị ayị anị hi wa nị.

Ihoseya 13:9

Ẹnẹyịmavara kà ọnị vee vu Anisirẹrị nịnị ẹtẹ. Ẹnẹ zụ gụ wa ụvọ?

Ihoseya 3:1

Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.

Ihoseya 8:2

Ẹnịnị mẹ vavọọ wụ̀ ịrẹyị ọnọọ, di e na owu na za Ẹnẹyịmavara. Dị ẹ ka ọ navọ ọ gụ ẹnị ụvọ agụvị ka ọnị ọ vị Ohomorihi ẹnịnị nị.

Emọsị 2:8

Avaba ịzị a yaa mẹ ahẹkẹ, vị ẹnẹẹ̄ tụ́ achị ẹnẹ ẹ dọ onuruwa ana rị wa ụtaa hụtụ. Ini irehi Ohomorihi ẹnịnị vị anaā sịị ọtụrọsarẹsụ ẹkẹhị ẹnẹ ẹ dà yị ọnụta ẹnịnịị hị́ echee hú.

Emọsị 8:3

Ẹnẹyịmavara Ohomorihi ka ịhị ẹkụhị ọnọọ òo tú, ahẹ ẹnẹ ẹ vịdịị jị ini irehi Ohomorihi vaa vara orere. Oku aza ene su vi ana vaa gụ nyaanya aha tụra aha. Dị ọzọza aa kụ aanị hi ẹhẹ hẹẹ-hẹẹ hụụnị ẹkụra.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Ịzakaraya 7:5

Ọ kà Ịzakaraya ọ ka yị aza ana ra ịnị ẹtẹ ọnọọ ọnịrị ohirẹsụ irehi Ohomorihi nịnị ka ẹ yị vị agụvị anị ẹnịnị aa zị ẹngụ, dị ẹ yị rị ịsa ịnị ụhwẹ ẹẹhị ọnịrị ụhwẹ ịhịmba ịrayị hụrị ịrayị ẹtarẹwụ ana para hu.

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

Ijemiisi 4:3

Wàa hyakụ da ịpẹ, ọ yị sị, agụvị ka wẹ yị da ịpẹ a mẹ̀ vọrọ nịnị; agụvị ka ịsa ene zé ẹwụ ịnyara eyi nịnị kẹnẹ u wee sì nịnị nị.

Ijemiisi 5:1

Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị.

Ọdọvịdị 9:27

Ịjị ụmẹ ịsa ọyịna ịvayịnị si tu, dị Anisekumi ọzọza tọ̀ igirepi, dị ẹ mẹ eche, dị ẹ rị eche nị. Ẹnịnị ệ nọ ịnị irehi ori ẹnịnị ịzị ẹ ya rị ịsa, di e hu eche, dị ẹ ya ịzọọ aa kụ Abimẹrẹkị ụhụ nị.