Ihoseya 7:13 - IWE ỌNỊNỊ

¹³ Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ihoseya 7:13 ပူးပေါင်းရင်းမြစ်များ

Inehemaya 1:10

Dị Inehemaya ka, ẹnị vị ezi ahụ Ẹnẹyịmavara, dị ẹnị rẹ vị aza anị ọnị ọ sị ụkata ọnịrị Igirima anị dọ ha nị.

Ijoovu 22:17

Ệ ka Ohomorihi Ochẹtẹẹngụ ọ navọ ẹnị, ka ẹ yị nyị ịsa ọnị ọ zụ mẹ ẹnịnị.

Ahẹ Ụgama 106:10

Ohomorihi ộ dọ wa tụ́ hụụnị ụvọ ọnịvị ẹnịnị, ọ yị zẹẹ ka è re wa za.

Ayịsaya 30:1

Ẹnẹyịmavara kà wa sị dà nịnị ẹwụ nịnị anakamawụ ẹnẹnị. Ẹwụ nịnị ana ahịka ẹẹngụ awụ nịnị kẹnẹ ụụ̄ dàa mẹ nị, dị wẹ̀ yị zẹẹ ka ò pè wu nịnị juwe. Ẹwụrị aza aa naa vaa bẹ nịnị, ama wâ yẹ ka ọ yị nyị ụvọ tụ́ ọ. Dị ụ vavọọ aa mẹ̀ ebira odivi ẹnyị tụra ọsa nịnị. Mị ka wa sị dà nịnị.

Ayịsaya 30:2

We si hu ee nee tù Anijipiti ka ẹ̀ va gụ wụ nịnị ụvọ Ẹnẹyịmavara da nịnị. Wee si ka Anijipiti ọ̀ va gụ wụ nịnị ụvọ dị ahịka ohinọyị Anijipiti ụ kụkụ sị ayị tụra nịnị nị.

Ayịsaya 31:1

Ẹwụ nịnị ana nọ Ijipiti ka vi u wee nee sì ọgụvọ nịnị, wa sị dà nịnị, we yi re ẹpẹ sị va. Mị ka ẹwụ nịnị ana sị ayị tụra umaata Anijipiti ka ệ mẹ̀hị rụrụ, ọnịrị ka ệ nyị ọmụha ana aā sị umaataa kù ịrẹkụ, wa sị dà nịnị. Wẹ yị kụkụ zẹẹ ka wa sị ayị tụra Ohomorihi ọnịnị ana Anisirẹrị aa hẹkẹ. Wẹ yị kụkụ ne tù ọ nịnị ka ọ̀ gụ wụ nịnị ụvọ.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ayịsaya 43:1

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 63:8

Ẹnẹyịmavara kà aza anị ẹ vị nị, ẹnịnị ẹ yị vee vene ọnị. Agụvị avọọ ọ dọ wa ha

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 42:20

eyi ọnị wee nyee nịnị aanị, ẹhẹ awụ nịnị u ve sii sí ụta anị o, ọnị ka, ẹwụ nịnị ọ tụ ọnị ka ọnị ọ̀ na mẹ̀ aduwa hi Ẹnẹyịmavara, Ohomorihi ayị nị, dị ụ kà a nịnị ka ụ vaa mẹ avaba ịsị ọọ ka nị.

Ijeremaya 51:9

Anẹkụra ọsa ene hi ịzọọ ka, ẹnị ệ sị vụrị ka ẹnị ẹ̀ gụ Ịbabịrọnị ụvọ, ama, ụmẹ ọ sị parahu. Ẹ ka à vẹ vị ẹnị para a hu dị ẹnị ẹẹ nọ eehi ẹnịnị; ka Ohomorihi ọ raa sị ụmẹzụ-ụmẹzụ sị ụya rị Anibabironi nịnị, ọ sị wa vú ẹtẹ saka-saka.

Ijeremaya 7:15

Ọ kà vị ọnị vaa dụ wụ nịnị hụrị ẹngụ anka ọnị mẹ mẹ ẹyịnyara awụ nịnị, Anehwireemi nịnị avọọ nị.

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

Ezikẹẹrị 16:23

Ẹnẹyịmavara kà, ẹwụ nịnị Anijerusarẹmị ọ sị da. Wa sị da nịnị. Waa maanị raa mẹ̀ ebira odivi-odivi nịnị,

Ezikẹẹrị 18:2

Sị ẹ vị iruvo ọnị ọnị ee sii che ụhịrẹyị ka Ada ezi ệ rị ẹtụtụ ana sụrẹyị, dị ahịka ezi ẹnịnị anyị ẹnịnị ee henyi nị.

Ezikẹẹrị 18:25

Ama ẹwụ nịnị ka, ịsị Ananyị yị aa mẹ aanị ẹ́ yị vọrọ. Ẹnẹyịmavara kà avaba ẹwụ nịnị Anisirẹrị ẹ̀ sị ụtọ pe ẹtẹ. Vi wéé ro nịnị ka oze ọnị ọnị zịị mẹ ịrẹyị ẹ́ yị vọrọ nị? Ẹwụ nịnị aa mẹ ịsị ẹnẹ ẹ̀ yị vọrọ nị.

Ezikẹẹrị 34:6

Atẹmẹ ọnị ẹ́ kụkụ naa ngụ ịrẹsụ ataba-ataba zịịzị. Ẹnịnị ẹ kụ gara hi avaba ẹhẹ. Ẹ́ yị nyị ọza ene ne sì wa.

Ihoseya 11:12

Ọ kà a Anisirẹrị nịnị vị ana sị ireche ọnịrị evene kara ọnị. Anijuda nịnị vị ana yịị mẹ akamawụ hi ọnị Ohomorihi ọnịnị ana vị ọnịrẹyịzẹyịza.

Ihoseya 11:2

Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị.

Ihoseya 5:7

Ẹnịnị ẹ yị mẹ̀ ịzẹyịza ka Ẹnẹyịmavara na. Ệ ma ezi ọta hi ẹtẹ kẹnẹ nị. Ori ọnị ẹ yaa hẹkẹ o vee vu ẹnịrị ogu ẹnịnị ẹtẹ nị.

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Ihoseya 7:3

Ebira odivi ẹnịnị vị ene hine ohinọyị ayị, di ireche ẹnịnị vị ayohine ọdọvịdị nịnị nị.

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Ihoseya 9:17

Isirẹrị ộ mẹ̀ akamawụ yị Ohomorihi anị. Ộ ka booro aanị ọnị vaa sị ụkata-ụkata dụ wa ka ẹ ngụ ẹkụra-ẹkụra zịịzị.

Ijona 1:10

Dị ọ ka ọnị ee zwe agụvị asị ọnị na ka ụtụ ọnị Ẹnẹyịmavara tụ ọnị nị. Ịjị ẹ maanị wụ́ ọ kẹnẹ, dị angwa hí wa ẹtẹẹtẹrẹ nị. Dị ẹ họ̀ ọ ụsẹ ka ebira ịsị ọ mẹ̀ aanị nị?

Ijona 1:3

Ama dị Ijona kwẹẹtẹ, dị ọ sị ịrẹsụ ka oze ẹkụra ana aā hị́ Itasisii ka ọnị ò zwe yị Ẹnẹyịmavara nị. Ộ nọ ẹkụra ana aā hị́ Ịjọpa ịzị ọ ya re ẹpa ini enyi ana nọ Itasisii nị. Ịjị o reè si ụta ẹpa, dị ọ ngụ ọ vaka aza ana vọ ana aa nọ Ịtasisii nị. Ijona vị ene si ka ọnị o zwe agụvị asị ọnị na kà ụtụ ọnị Ẹnẹyịmavara tụ́ ọ hi Anininivẹ nịnị.

Imika 6:12

Ọzọbanyị awụ nịnị ẹ sị vara ọnyẹkẹhị ọdẹngụ, ẹ maa sị ụkata ọnịrị ako dọ aza ịsa. Ireche ọ sị aza awụ nịnị yẹ ẹngụ. Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.

Imika 6:4

Ẹma kụ́ wụ nịnị hụrẹ ẹtẹ Ijipiti vẹ nị, dị mị kụ́ wụ nịnị hụụnị udi ọrịhị nị. Ẹma tụ́ Imosiisi ọnịrị Eerọnị beri Imeriyamị ka ẹ gụ nịnị ụvọ nị.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Iwe Ọhụhị Imosiisi ana aa hị́ Ọyịvatụrọda 15:15

Ẹnịnị tamayị ka ọrịhị ẹnị rẹẹ̀ vịdị vị ịnị ẹtẹ Ijipiti, dị Ẹnẹyịmavara va dọ wa ha nị. Agụvị avọọ ọnị mẹ̀ ọda yị wa ajịnị nị.

1 Ịjọọnụ 1:10

Yàa kà a ka yẹ yị mẹ ịvị, yáa za Ohomorihi onireche, ịrẹyị anị ẹ́ yị yà ịnị ayị ayị.

Ẹtore 8:13

Dị mị kana eyi, dị mị wụ́, ọ́kasịmẹ ọnya mee hira ẹbẹẹba, di ee nowu ka: aza ana ra ịnị ẹhẹ ẹ sị da. Ẹ sị da. Ẹ sị da, ịjị ọpanyị anggẹẹrị ẹẹta ana vọ ẹ̀ẹ sụ́ ịrẹyị!