Ihoseya 7:12 - IWE ỌNỊNỊ

¹² Ẹnẹyịmavara kà ọnị vaa za wa anka ịrẹpa mẹẹ za inomi ịnị ahị avọọ. Ọnị vaa sị ụya rị wa anka enube ẹnịnị ana kà ịnị ịragụ.

Ihoseya 7:12 ပူးပေါင်းရင်းမြစ်များ

Ijoovu 19:6

yẹ ka Ohomorihi ọ maanị mẹ mị nị. Ọnị ọ và ịrẹpa dị ọ sị za mị nị.

Ịrẹyị Ọzwọzịsa 9:12

Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.

Ijeremaya 16:16

Ẹnẹyịmavara kà, ọnị aa tụ́ ụ hị́ ozube ivovo ọrụrụ-ọrụrụ vẹ dị ẹ̀ vaa zá aza ẹnẹnị. Dị ọnị rẹ tụ́ hị́ ozube nịnị ka ẹ̀ ve si wa ịnị avaba ataba ọnịrị ịnị ụtẹha ịrẹta, dị ẹẹ za wa vaka ẹtẹ.

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Ezikẹẹrị 12:13

Ẹnẹyịmavara kà ọnị vaa và ịrẹpaa zi ọ, dị ọnị za a, ọnị ọ̀ọ sị ọ za, dị ọnị sị ọ va ngụ Ịbabịrọnị. É yị ve re e dị ò sú tụ ịzọọ.

Ezikẹẹrị 17:20

Ọ kà ọnị vaa và ịrẹpa ozubee zi ọ, dị ọnị sị za a. Ọnị vaa sị ọ nọ Ịbabịrọnị, dị ọnị na sị ụya rị ọ ịzọọ, agụvị ka ẹ́ yị mẹ ịzẹyịza hi ọnị.

Ezikẹẹrị 32:3

Ịjị anẹkụra-ẹkụra ẹ̀ẹ kụ gụ, ọnị vaa za a tụ ịnị ọha anị, dị ọnị mẹ ka è tura ọha ọnọọ tụ ẹhẹ.

Ihoseya 5:9

Ohomorihi ka ọnị vaa sị ụya rị Ehwireemi, dị ọnị tụ́ ọ osusu ịnị ẹkụhị ọkarẹyị. Ọ kà ọnị ọ raà hị́ eku eyi avaba ịrẹsụ-ịrẹsụ Anisirẹrị.

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.