Ihoseya 7:11 - IWE ỌNỊNỊ

¹¹ Anehwireemi nịnị sị mẹẹ anka arivadi avọọ nị. Ẹnịnị ẹ yị yẹ ịrẹyị, ọ yị tụ́ akanya dị ọza o vene wa, avọọ ẹ yaa hị́ Anigipiti, di e yee ne tụ́ Anasiriya nị.

Ihoseya 7:11 ပူးပေါင်းရင်းမြစ်များ

2 Ohinọyị 15:19

 nyị ohinọyị Anasiriya ana aā hị́ Itigirati Ipiresa. Ẹkụhị ọnya, ộ kụ ịrẹkụ nọ ẹtẹ Isirẹrị, dị Imenahemi sị isiriva ikirogirami akawụ-akawụ oze ẹwụrịhịmbaa yọ ka ọ̀ gụ ọnị ụvọ, dị ọnị ọ̀ nyị ụkata tụra ẹkụra anị ịrẹsụ nị.

2 Ohinọyị 16:7

Ahazi ộ tụ́ ne tu Iparisa, ohinọyị Ísiriya ka: Ozi ahụ anị ọnị vị nị. Ọ̀ navọ ọ̀ va dọ ọnị hụrẹ ụvọ ohinọyị Ísiriya ọnịrị ohinọyị Ísirẹrị nịnị ana kụ́ ịrẹkụ tu ọnị aanị.

Ụhịrẹyị 15:32

Ọza eneē yi ka ọnị ẹ mā kọsẹ vị anaā mẹ ẹngụ anị ọnya, ama ọza anaā dọ ka àa tụ ọnị ohuvọ vị anaā yẹ́ ịrẹyị hu avọọ.

Ụhịrẹyị 17:16

Sị ẹ vẹ dị ọnụra à sị ẹkẹhị rị ụvọ ka a ná ịrẹyọyẹ yị ọnị, ịrẹma ọnị ọ ka ọnị ẹ yị kọsẹ.

Ụhịrẹyị 6:32

Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị.

Ijeremaya 2:18

Ọ kà, ọgụ sị ụ va rị nịnị ịnị enyi ịnị irehu Ịnayịrị ọnị ụ nọ Ijipiti ne hú nịnị booro aanị? Ọgụ sị ụ rị nịnị ịnị enyi ịnị irehu Iyuhwireti ọnị ụ nị Asiriya ne hú nịnị?

Ijeremaya 2:36

Wa sị ẹngụ awụ nịnị vara ọnịyẹyẹ ụ maa ngụ ori zịịzị nịnị hụrị ẹkụra ẹnyị naa ngụ ọsa. Anijipiti vị ana vaa mẹ̀ ụhị nyị ụ nịnị anka Anasiriya mẹ mẹ̀ ụhị nyị ụ nịnị avọọ.

Ihoseya 11:11

Ẹnịnị vaa zwe anka inomi me hira avọọ hụrị Ijipiti, dị aza ene hi Asiriya zwe vẹ anka arivadi avọọ. Ẹnẹyịmavara kà ọnị vaa kụ́ wa varẹma vẹ eehi.

Ihoseya 12:1

Anehwireemi nịnị vị ana sị avaba ụmẹ ẹnịnị tịtẹ aa sị dụ osusu ọnịrị oyidu kẹnẹ. Dị ẹ dà ụvọ tụ́ ụvọ ịnị ireche ọnịrị ezigidi ọyịmẹ̀ huu avọọ nị. Dị ẹnịrị Anisiriya mẹ̀ eto vabẹ, dị ẹyaa sẹ̀ ohu angwẹ nọ Ijipiti nị.

Ihoseya 12:2

Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀.

Ihoseya 14:3

Anasiriya nịnị ẹ yị zụ dọ ẹnị ha, a vị umaata ịrẹkụ zụ dọ ẹnị ha nị. Ẹnị ẹ yị kụkụ va hẹkẹ ori dọ ịrẹsụ Ohomorihi ẹnịnị nị. Ẹnẹyịmavara vaa vayị ozi oku ẹnẹ ẹ yị nyị ọza na va ẹngụ ya.

Ihoseya 4:11

Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ihoseya 5:13

Ịjị e re ụkụ ọnịrị ụnava ẹnịnị, dị ẹ nọ Asiriya ne tu ohinọyị ọbanyị ama ẹ yị va zụ gụ wa ụvọ a vị dị ọ mẹ ụkụ ẹnịnị yị wa.

Ihoseya 5:4

Ebira odivi ọnị ệ mẹ̀ ọ yị zẹ ka ẹ varẹma vẹ ịdị Ẹnẹyịmavara.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 9:3

Ẹnịnị ẹ yị vaa ra ịnị ẹtẹ Ẹnẹyịmavara. Aza ẹnyị ẹnịnị vị ana vaa kụ varẹma nọ Ijipiti, dị aa kụ ọba ẹnyị nọ Asiriya ịzị ẹ vaa rị ịsa enyisi.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Ọbadaya 1:7

Avaba anẹkụra ẹnị ẹwịrị wa vịdị ze vee vene wụ nịnị. Ẹnịnị vaa va ụvọ beri ọnịvị awụ nịnị, dị ẹ dụ wụ jịnẹ hụụnị ẹkụra awụ nịnị. Aza ẹnị ụ sị ayị tụra, dị ẹwịrị wa aa rị ịsa vabẹ, ẹ vaa va ịrẹpa zi wụ, di eyi awụ nịnị e yi hweyi tụ́ wa.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.