Ihoseya 7:1 - IWE ỌNỊNỊ

¹ Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Ihoseya 7:1 ပူးပေါင်းရင်းမြစ်များ

Ayịsaya 28:1

Wa sị da nịnị, ẹwụ nịnị Anehwireemi ana aa mẹ eyii zị. Ụbanyị awụ nịnị aa sa anka amu ohinọyị ọnị ọdọvịdị awụ nịnị kú avọọ. Amu ọnọọ aa saa tụ́ ịrẹsụ ọdọvịdị awụ nịnị ana ahịka ohweche ẹnị vị nị. Wa sị dà, ẹwụ ọnọọ ana vị ohirẹsụ ẹtẹ ene zoza oni ohweche ene hi ịzọọ aa sịị mẹ eyi. Dị ẹ daka vavọọ aa mii mẹ eyi, eche vi ene hú wa ẹtẹ.

Ayịsaya 59:12

Ebira odivi ẹnịnị vị ana gwẹẹtẹ ọvịdị Ohomorihi, dị ẹ yaa jị ịvị yị wa. Ẹnịnị ẹ yẹ avaba ebira odivi ẹnẹ mẹ̀.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 59:14

Ẹ raà dụ ịzẹyịza ne vu, ẹnịrị ọ ẹ sị tara ẹngụ. Ịzẹyịza vị ọnị ẹ gụ hyẹdụ ịnị ikootu, dị ẹ sị tụ akaha ọnya.

Ijeremaya 51:9

Anẹkụra ọsa ene hi ịzọọ ka, ẹnị ệ sị vụrị ka ẹnị ẹ̀ gụ Ịbabịrọnị ụvọ, ama, ụmẹ ọ sị parahu. Ẹ ka à vẹ vị ẹnị para a hu dị ẹnị ẹẹ nọ eehi ẹnịnị; ka Ohomorihi ọ raa sị ụmẹzụ-ụmẹzụ sị ụya rị Anibabironi nịnị, ọ sị wa vú ẹtẹ saka-saka.

Ezikẹẹrị 16:46

Ẹtẹ Isamariya beri ẹkụra oweyi-oweyi ene hi ịnị anị ọ vị onyeyiza awụ ana vị ọzọkụ nị. Eyi ẹbẹẹba awụ ọ́ ya nị. Isodọmị ọnịrị ẹkụra oweyi-oweyi ene hi ịnị anị ọ vị ọhụva awụ ana vị ozweyi nị. Eyi ụvẹtẹ awụ ọnị yà nị.

Ezikẹẹrị 23:4

Ịrẹha ana vị ọzọkụ ọ rị Ohora nị, dị ịrẹha ana vị ozweyi rị Ohoriba nị. (Ohora vị ana jẹẹ yị Anịsamarịya nịnị, dị Ohoriba ọnị jẹẹ yị Anijerusarẹmị nịnị nị.) Ẹnẹyịmavara kà ọnị ộ nyị wa, dị ẹnịnị ma ezi yị ọnị nị.

Ezikẹẹrị 24:13

Ẹwụ nịnị Anijerusarẹmị, ebira ịrẹkọyịsẹ awụ nịnị ọ raa mẹ ka asị ụ kụkụ nị nịnị. Ọnị ộ sị vụrị ka ọnị ọ̀ dụ wụ hụụnị anị nịnị, ama vị waa yịị mẹẹ nịnị nị. Wẹ́ yị vaa hụụnị ịrẹkọyịsẹ nịnị ẹ̀ yị vị ọ̀ọ raa sị ọyịkụ anị zụ̀ wụ nịnị ẹtẹẹtẹrẹ.

Ihoseya 10:5

Aza ana ra hi Isamariya vee hí angwa agụvị ịrẹyị ene tụ́ ori ẹnịnị, dị ẹ yaa zị ẹngụ anị agụvị ka a raà mẹ̀ ụhị nyị ori ẹnẹẹ.

Ihoseya 11:12

Ọ kà a Anisirẹrị nịnị vị ana sị ireche ọnịrị evene kara ọnị. Anijuda nịnị vị ana yịị mẹ akamawụ hi ọnị Ohomorihi ọnịnị ana vị ọnịrẹyịzẹyịza.

Ihoseya 11:8

Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.

Ihoseya 12:1

Anehwireemi nịnị vị ana sị avaba ụmẹ ẹnịnị tịtẹ aa sị dụ osusu ọnịrị oyidu kẹnẹ. Dị ẹ dà ụvọ tụ́ ụvọ ịnị ireche ọnịrị ezigidi ọyịmẹ̀ huu avọọ nị. Dị ẹnịrị Anisiriya mẹ̀ eto vabẹ, dị ẹyaa sẹ̀ ohu angwẹ nọ Ijipiti nị.

Ihoseya 12:2

Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀.

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Ihoseya 4:2

Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ihoseya 8:5

Ẹnẹyịmavara kà tee ẹwụnị Anịsamarịya! Yere ụmẹ ọnị ụ vaa sị rị ịhị nịnị? Ọ kà ọnị aa kụ́ ayị hi wa agụvị ọchị ọnị ệ bẹ anka ụnọ ọnị ẹ sị mẹ̀ ori ẹnịnị.

Ihoseya 8:9

Anka ịkẹrịkẹtẹ ọnị ọnịnya anaa ngụ zịịzị avọọ, Anisirẹrị nịnị ê ne si tù Anasiriya nịnị. Ẹnịnị ẹ̀ na raà sị ẹngụ ẹnịnị tụ wa ahụ.

Emọsị 3:10

Ọ kà ẹnịnị ẹ yị yẹ a mẹẹ̄ mè ịsa ana vọrọ. Ẹnịnị vị ana sị àko kụ ogu aza hi irehi ẹnịnị.

Emọsị 3:9

Ẹnẹyịmavara kà Emosi ọ kà yị ohinọyị Anasiriya ọnịrị ohinọyị Anijipiti ka ẹnịnị ẹ jịnẹ nọ ịrẹsụ ataba Isamariya di e vee re ebira odivi Anisirẹrị nịnị nị.

Emọsị 8:14

Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Iruuku 13:34

“Ijerusarẹmị! Ijerusarẹmị! Ụụ̄ wụ ọnịsẹ nịnị, di u reē ne ọza oni Ohomorihi ọ̀ọ tụ́ hi wu nịnị ịrẹta nị. Wáá yẹ, ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ; ama dụ wẹ yị zẹẹ nịnị.

Iruuku 19:42

Dị ọ ka, “Àa yẹ wa hyakụ yẹ ajịnị ịsa ana zụ sị ẹngwọọrọ yị wụ! Ama we yi zụ re e nịnị booro aanị.