Ihoseya 6:9 - IWE ỌNỊNỊ

⁹ Aza ana ra hi ịzọọ vị anaā mẹ̀ ako. Ẹẹ̄ vaka jị aza anaa ngụ wa ụvọ hi nị. Ẹ yaa wụ́ aza oze ana na ngụ Ịsẹkẹmị, dị ẹ rẹẹ̀ yaa mẹ̀ ebira odivi-odivi ẹnẹ ẹ yị wụrị ụtọ wụ́ nị.

Ihoseya 6:9 ပူးပေါင်းရင်းမြစ်များ

Oyinyima 12:6

di Abụramị che ẹtẹ ọnọọ na para hu na ngụ ịzị aā hị́ Ịsẹkẹmị, dị ọ na ngụ iruvo ọchị Imore nị. Ịnị ụmẹ ọnọọ Anikenaani nịnị ẹ vị anịzọọ nị.

1 Ohinọyị 12:25

Ịnị ụmẹ ọnya di Ijerobowami tenyi ẹkụra Ịsẹkẹmị dà tụ́ ịrẹsụ ataba Ehwireemi nị. Ọ mẹ̀ sị ọ da, dị ọ yà ịzọọ nị. Dị ọ hụrẹ ịzọọ dị ọ na dà ẹkụra Ipanaweri nị.

Ẹzịra 8:31

Ịnị ẹkụhị ẹwụrẹva ịnị ụhwẹ ịpaapa, ẹ́ hụrẹ irehu Ahava aa nọ Ijerusarẹmị nị. Ohomorihi ẹnịnị ô sere wa, dị ọnịvị ẹnịnị ẹ yị jẹẹ zi wa oze nị.

Ijeremaya 11:9

Ijeremaya ka Ẹnẹyịmavara ộ rẹ kà a yị ọnị ka, Anijuda ọnịrị Anijerusarẹmị nịnị aa gẹ eyi ọyị kwẹẹtẹ tụ ọnị, Ẹnẹyịmavara.

Ezikẹẹrị 22:25

Ẹnị ọdọvịdị ẹnịnị vị ana sị mẹẹ idu enee nowu kara uye ọnị ọ za, dị aa nàa a rị avọọ. Ẹ́ kụ aza wụ; dị ẹ́ kụ ogu ọnịrị ẹnya akàaka o me zee wa eyi nị. Ẹ́ sị anẹẹ ọrụrụ-ọrụrụ jị osoku và hí ịnị ẹkụra.

Ezikẹẹrị 22:27

Ẹnị ọdọvịdị ene hi ịnị ịjọva vị ana sị mẹẹ anka akatapooro ana wụ̀ uye, di aa na rị avọọ. Ẹnịnị vị anaā wụ̀ aza agụvị ẹnị ẹ̀ sị nyị ẹkẹhị.

Ezikẹẹrị 22:9

Aza ẹnyị ịnị ẹngụ awụ nịnị vị enee du azaa zị ụvị dị aa wụ̀ aza ẹnẹẹ. Aza ẹnyị ịnị awụ nịnị aa nọ ịrẹsụ ataba naa rị ịsị aa sị mẹ̀ ịsọvọ yị ori nịnị. Dị ahịka ịsị ọchẹngụ aza enyi èe sì kẹnẹ ẹẹ mẹ nị.

Ezikẹẹrị 23:27

Avọọ ọnị mẹ vaa dụ wụ nịnị hụụnị ịrẹkọyịsẹ ọnị ụ nyima anị hụrị Ijipiti nịnị nị. Wẹ́ yị ma vana si eyi nọ ịnị ịrẹyị ori nịnị à vị ka we kuku ro ịrẹyị Ijipiti nịnị.

Ihoseya 2:10

Ẹnẹyịmavara kà ọnị vaa tụ́ wa ahwaahụ eyi aza ana vị onyeehi anị nị. Ộ kà a yị nyị ọza ana vaa zụụ dọ ọ ha.

Ihoseya 4:2

Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Ihoseya 5:2

ne beri Isitimi. Ẹnẹyịmavara kà ọnị vaa sị ụya anị rị wa.

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Imika 3:9

Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Ịmaakị 14:1

Ọ sị vọ ẹkụhị ẹẹva, dị à rị eche ana aā hị́ Eche Ọyịparahu, ọnịrị eche ana a rẹ sịị̄ rị Ịbụrẹẹdị ọnị ọza ọ̀ yị mā sị òwù tụ́. Dị ohirẹsụ ẹbanyị irehi Ohomorihi beri ọzwọzọda nịnị ee sì oze ka ẹ́nị mẹ̀ vaa mẹ vene Ijeesuu za, dị ẹnị ẹ̀ na wụ ọọ nị.

Ịjọọnụ 11:47

Dị ohirẹsụ ẹbanyị irehi Ohomorihi ọnịrị Anihwarisi nịnị kụ́ gụ, dị ẹ ka, “Sị a vọrọ ka ya mẹ? Ọnọrụ ọnọnị aa mẹ̀ ụkọrọ apọtẹrẹwa ọrụrụ-ọrụrụ aanị nị.

Odeyi 4:24

Ẹ mẹ̀ vavọọ wụ́, di e dudu sị ayị vị ọnya, di e nowu hị́ Ohomorihi nị. Dị ẹ ka: Ohi-ọmenezeyi Ananyịwa, ẹwa mẹ ẹbẹẹba ọnịrị ẹtẹ nị. Ẹwa rẹ mẹ òkū ọnịrị avaba ịsị e hi ịnị anị nị.