Ihoseya 6:5 - IWE ỌNỊNỊ

⁵ Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị.

Ihoseya 6:5 ပူးပေါင်းရင်းမြစ်များ

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

1 Ohinọyị 14:6

Ịzẹyịza Ahija mẹ̀ wụ́ ahẹtẹ ahụ anị kẹnẹ ka ọ va sị ngụ enoze, dị ọ ka, “wa ngụ eehi vẹ, ose Ijerobowami. Sị ẹ vẹ dị waa mẹ apẹ ka ọnẹẹ ọsa wụ vị nị? Ụtụ ana a tụ́ mi hi wu vị ụtụ ọkatẹngụ.

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

1 Ohinọyị 18:17

Ahabị mè re Erija, dị ọ ka, “Te! Erija, ẹwụ ana maanị aa kụ́ ẹngụkata tù Anisirẹrị wáá yị?”

1 Ohinọyị 19:17

Aza ene èe zwe, di Ihazayẹrị ẹ̀ rẹ vaa zụụ wụ̀ wa nị, di Ijeehu ọnị wụ̀ wa. Aza ene èe re zwe oni Ijeehu ọ̀ yị zụ wụ, dị ahịka Erisa ọ wụ ẹnẹẹ nị.

2 Ohinọyị 1:16

Ộ kà a yi ohinọyị ka: Ẹnẹyịmavara kà, agụvị ka ộ tụ́ aza nọ ịdị Ịbaarị-Izebubi, ori Anekironi ne họ̀ use ịrẹyị, anka vị ẹ̀ yị nyị ori ịnị ẹtẹ Isirẹrị ana vọrọ ka ò họ̀ use ịrẹyị nị; ẹngụ anị ẹ yị vaa nịya, vị o vee su nị.

2 Ịtọpa 21:12

Ọnịsẹ Erija ộ sị iwe tụ́ hi Ijehorami ana a maanị chẹrẹ ịsa tụ́; Ẹnẹyịmavara ana vị Ohomorihi ohiku awụ Idevidi ộ jị ịvị yị wụ, agụvị ka wẹ yị saasa ada awụ ohinọyị Ijehosahwati, a vị ada awụ ọbanyị ohinọyị Asa.

Ijoovu 15:30

Ẹnịnị vene vee su. Ẹ vaa sị mẹ anka ọchị ọnị ịra rị avaba avọ anị avọọ nị.

Ijoovu 34:10

Wụ́ ịrẹyị amị ẹwụ nịnị ọyẹrẹyị, ọchọnọyịrẹsụ Ohomorihi Ochẹtẹẹngụ ọ yị mā mẹ ọhịmị.

Ahẹ Ụgama 119:120

Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.

Ahẹ Ụgama 37:6

Ọ vaa mẹ ka avaba ọza ò re e ka wẹ yị rị ịvị dị ọzọza ọ̀ yẹ ka ịsa ana vọrọ ụ waa mẹ nị.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Ijeremaya 1:18

Ọ kà dị Ẹnẹyịmavara kà, re, hụrị ajịnị, ọnị ọ mẹ̀ ọnị ka ọnị ọ̀ ya anka ẹkụra ana jị ọvọ kara avọọ, ọnị ọ̀ ya anka ọhẹ ana a sị enyusẹ mẹ, dị ọnị ọ̀ rẹ ya anka ugene ana sị enyusẹ ọkatẹngụ mẹ avọọ nị. Ẹnẹyịmavara kà agụvị ka avaba Anijerusarẹmị ẹnịrị ohinọyị Anịjuda nịnị, ẹnị ọdọvịdị nịnị beri ẹnị ohirẹsụ irehi Ohomorihi nịnị vaa kwẹẹtẹ tụ ọnị.

Ijeremaya 13:13

Ọ kà ịjọnọọ, dị Ijeremaya vaa ka ẹ yị wa ọgọnị ka ọnị Ẹnẹyịmavara vaa và avaba anẹkụra ọnọnịị zí anka aza ana a kà eche avọọ. Ọ kà ohinọyị ẹnịnị ana yaatụ ịrẹsụ aga ohinọyị Idevidi vị ọnị ọnị vaa kà eche, ẹnị ohirẹsụ irehi Ohomorihi nịnị, ọnịsẹ nịnị ọnịrị avaba Anijerusarẹmị vị ọnị ọnị vaa kà eche.

Ijeremaya 23:29

Ọ kà ịrẹyị ọnị ọnị ka vị ana sị mẹ anka ịra avọọ, dị ọ rẹ sị mẹẹ anka ịhama ana sị chaka ịrẹta avọọ nị.

Ijeremaya 5:14

Ijeremaya ka, agụvị avọọ, dị Ẹnẹyịmavara Ohomorihi Ochẹtẹẹngụ va kà a yị ọnị ka, agụvị ẹngụ ịrẹyị ọnị aza ẹnẹnị aa kà aanị, ọnị vaa mẹ ka avaba ịrẹyị anị ọnị ọnị Ijeremaya vaa ka ọ̀ sị mẹẹ anka ịra avọọ, dị aza ẹnịnị ẹnị ẹ̀ sị mẹẹ anka ọkụ avọọ, dị ịra ọ̀ rị wa ịra va ha.

Ezikẹẹrị 11:4

Dị Ohomorihi ka, agụvị avọọ, ọnị ozi-ọza ọ̀ và eyi ịrazị ka wa dị ọnị ọ̀ ka ịrẹyị yị wa nị.

Ezikẹẹrị 3:9

Ẹnẹyịmavara kà, vị ọnị mẹ ịrẹsụ Ezikẹẹrị katẹngụ huna ịda ọnị ọza ẹ̀ yị zụ chaka avọọ nị. A sị o hú angwa ẹnịnị; a sị ayị hụrẹ ẹ ịnẹ ẹnịnị èee ré e, agụvị ka vị ẹnịnịī kụ̀ụ hịrẹ ọza nị.

Ezikẹẹrị 32:18

Ozi-ọza, ọnị ọọ jị òrèrè agụvị avaba Anijipiti otomiroku. Ọnị ọ̀ kà a ka, ẹnịrị anẹkụra nịnị ana nyị ụkata ẹẹ vaachi nọ ịdị aneku.

Ezikẹẹrị 43:3

Ọ kà ẹtẹ ọnị ọnị ré aanị vị ana sị mẹẹ anka ẹngụ ọnị ọnị ré ụmẹ ọnị Ohomorihi sị ve vú Ijerusarẹmị ẹtẹ. Ô re vene ẹngụ ẹtẹ ọnị ọnị ré ụtọ irehu Ịchẹẹba ụmẹ ọnya aanị. Dị ọnị ne ẹngụ anị nyẹtẹ, dị ọnị và eyi ku ẹtẹ nị.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Odeyi 7:31

Ịjị Imosiisi re e, ô hí oo irenu, di o tere pe e ka oni ò re e ẹtẹẹrẹ nị. Dị ọ wụ́ ka Ohomorihi Ananyị yị ộ kà ịrẹyị ka:

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

Anẹhwẹsọsị 6:17

Dọ ẹdọha oni Ohomorihiī sịị yị ọza nịnị! Ọnọọ vị ana rẹ sị mẹẹ anka amu enyusẹ-enyusẹ ene eē kú avọọ. Rẹ sị ịrẹyị Ohomorihi rị ụvọ. Ọnị vị ana rẹ sị mẹẹ anka ụhwọ ọnị. Ụhwẹ Ọnịnị sị wụ nịnị.

Anihiburu 4:12

Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.

Ẹtore 1:16

Dị ọ sị ụzọmị ịhịmba tụ́ ịnị ụvọrị anị nị. Dị ụhwọ onyeyẹva jịnẹ hụụnị irenu anị vẹ nị. Eyirẹsụ anị vị ana aa za anka ọyị ana aa há gaa-gaa ụmẹ ọọdụ avọọ.

Ẹtore 2:16

Ro ịnẹ varẹma nịnị, ka à yị vị avọọ, ọ yị jẹẹ dị ma vẹ ịdị awụ nịnị, dị ma sị ụhwọ ana yà amị irenu beri aza ẹnẹẹ kụ́ ịrẹkụ.

Ẹtore 9:15

Dị a ngwara anggẹẹrị ẹẹna ẹnẹẹ nị. Agụvị ụmẹ ọnọnị ịnị ẹkụhị ọnọnị, ọnịrị ịnị ụhwẹ ọnọnị beri ịrayị gẹdẹ-gẹdẹ ọnọnị e tenyi wa tịtẹ ka ẹ̀ va wụ achẹta anẹhẹ nị.

Ẹtore 9:21

E yi ro ịnẹ varẹma ka asị ẹnị rẹ̀ kụkụ wụ̀ ọza, dị asị ẹnị rẹ̀ mẹ ẹbẹ, dị asị ẹnị rẹ̀ sẹ̀ ịrẹka, à vị ka dị à sị ẹnị rè kuku yi oyi.

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.

1 Ịsamụwẹrị 15:32

Dị Ịsamụwẹrị ka ọ̀ sị Agagị ohinọyị Anamarẹkị ve tù ọnị nị. Agagị ọnị màa vẹ, dị aa jẹ nị, di ee ro o ka ọnị ộ yẹ ka ẹ yị kụkụ nyị ịrẹyị isu ana vịdị maanị ee hí ọnị angwa ẹnẹmẹhị.

1 Ịsamụwẹrị 15:33

Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.