Ihoseya 6:3 - IWE ỌNỊNỊ

³ Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Ihoseya 6:3 ပူးပေါင်းရင်းမြစ်များ

2 Ịsamụwẹrị 23:4

Irima ẹngụ aza ẹnẹẹ, vị ana sị mẹẹ ẹtohweyi ẹnịnị. Ẹnịnị vị ana sị mẹẹ ọ́yị ana yaa tụ̀ụ vẹ. Ọyị ẹnẹnẹ ẹnẹ ẹ̀ yị nyị eguhi ana dà kú ọ. Aa zẹtẹ ini orihi ana yaā zụ̀ hi avị eteesu.

Ijoovu 29:23

E yee zi ọ anka ọza ee zi orihi eyi avọọ nị; E hi ụvọ ee zi ịrẹyị anị anka ọza ene zi orihi ị̀rẹ̀sụ̀ eyi avọọ nị

Ahẹ Ụgama 19:4

Ama ịrẹyị ẹnịnị ê tù ịzị ẹhẹ tù Mị ka avaba ẹhẹ ệ wụ́ ọ ịsa ẹnị ẹ yaa kà

Ahẹ Ụgama 19:6

Ọ mẹ̀ hụrẹ hụrị eyi ọnyara dị ọ na ngụ ẹtẹ tụ́ eyi ọsa nị. Avaba ịsa ana yà oze anị, ọnị oō há kú nị.

Ahẹ Ụgama 63:8

Ẹwụ mị taku nị ụkata awụ ụ sị sị mị jẹẹ nị.

Ahẹ Ụgama 65:9

We yi hi ayị ẹtẹ aza awụ, dị waa zụ̀ orihii tụ́ ọ nị Wâ mẹ ka ẹtẹ ọnọọ ò zoza dị ọ̀ọ mẹ̀ ịsa ẹtẹẹtẹrẹ. Ohomorihi, wâ mẹ ka enyi è hi ini okuha awụ agụvị aza è zụ re enyi kụ́ ịsa tụ́ ịnị aarẹ.

Ahẹ Ụgama 72:6

Ohomorihi ọ̀ navọ ohinọyị ọ̀ va sị ẹngụ aza hunẹnẹ anka orihi mẹ̀ẹ zụ̀ dọ ọ sị ẹtẹ hunẹnẹ avọọ.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ayịsaya 2:3

dị ẹ kà, vẹ ya nọ ịnị ataba Ẹnẹyịmavara nịnị, dị ya nọ ịnị irehi Ohomorihi Ijekọvụ. Ohomorihi vaa sịị zụ̀ yị ịsị a vọrọ ka ya mẹ yị vaa saasa ịrẹyị ọnị ọọ ka. Íjerusarẹmị Ẹnẹyịmavara vaa yà aa sị ọda anịị zụ̀ nị, Hụrị Ịzayọnị ọ vaa kà ịrẹyị yị aza anị nị.

Ayịsaya 32:15

Avọọ ọ mẹ̀ vaa yà pooro di Ohomorihi ọ̀ tụ́ ụhwẹ anị hụrẹ ẹbẹẹba vẹ dị ọ̀ va mẹ ka ẹtẹ ana vịdị tịtẹ paapara ọ̀ vara ẹtẹ ozoza. Ọ hyakụ vee zozaa huna ẹtẹ ene ozoza ẹtẹẹtẹrẹ dị ọọ̄ mẹ̀ ịsa.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ayịsaya 54:13

Ẹmị ụvọta vaa zụ̀ ezi ewu ịsa. Mị vaa mẹ ka ò ze yị wa ẹtẹẹtẹrẹ, dị mị sị ẹngwọọrọ yị wa.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ihoseya 10:12

Anka ọgẹrẹva ana jị ịrụkụ ịsa ọyịna avọọ, ẹnịnị e tenyi ebira ẹnịnị, ẹ mẹ ịzẹyịza agụvị e re ọyịza. Ẹnẹyịmavara kà ụmẹ o si tụ́ ka ẹnịnị ẹẹ hẹkẹ ọnị agụvị ọnị ọ mẹ ọyịza yị wa anka orihi mẹẹ̄ zụ avọọ.

Ihoseya 14:5

Ọnị vaa ya yị Anisirẹrị nịnị anka orihi ini ẹtẹ ọyịwụ avọọ nị. Ẹnịnị vaa ha anka ododo, di e hi ẹpa anka ọchị ini iruku Ịrẹbanọnị avọọ nị.

Ihoseya 14:6

Ẹnịnị vaa yara, di e zoza anka ọchị orivi. Ẹnịnị vaa da agụ zoza anka ọchị Isida ini iruku Ịrẹbanọnị.

Ihoseya 2:20

Ộ kà ọnị vaa sị ọ mẹ ose anị ịnị ịzẹyịza, dị ọ yẹ ọnị anka ọva anị.

Imika 4:2

Anẹkụra ọrụrụ-ọrụrụ vaa vẹ di ẹ ka à vẹ ẹnị ẹ̀ nọ ịda Ẹnẹyịmavara. Dị ẹ ka ẹnị aa nọ ịzọọ ịzị a dà irehi Ohomorihi Anisirẹrị tụ́. Ohomorihi vaa sịị zụ̀ ịsị a vọrọ ka yaā mẹ di ebira ayị ò zụ zee e eyi. Ẹnẹyịmavara vaa sị ịrẹyị anịị zụ̀ aza ẹkụra Ijerusarẹmị. Ịzayọnị ọ vaa yàa kà ịrẹyị anịị yị aza nị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Ịzakaraya 10:1

Họ̀ use orihi hụụnị ụvọ Ẹnẹyịmavara ịnị ụmẹ ịrẹsụ. Ẹnẹyịmavara anaā mẹ ka eguhi o ka eyi, ọnị ọ rẹ zụ orihi hi ịsa ịnị aarẹ yị avaba ọza nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 13:11

Di o tụ́ wa ohi, dị ọ ka, “Ohomorihi ọ raà mẹ ka wa yẹ nịnị ịrẹyị ịjọva Ada ayị ẹbẹẹba oni iruvo anị nyịnẹ. Ama ọza ẹ yị zẹẹ ka ẹnị ẹ̀ yẹ.

Iruuku 1:78

Ohomorihi ayịị̄ vayị ọza ẹtẹẹtẹrẹ, agụvị avọọ ọ vaa mẹ ka ẹtohweyi ana sị mẹẹ anka ọyị anaa tụ̀ụ vẹ avọọ ọ̀ và ọpa tụra ayị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

Iwe Ọhụhị Imosiisi ana aa hị́ Ọyịvatụrọda 32:2

Ọ kà ọnị vaa zụ́ Anisirẹrị nịnị ịsa. Ịrẹyị anị vị ana vaa ngụ wụ ẹngụ anka orihi ana banyị ku avị ohwoohu avọọ nị. Ọ rẹ vaa sị mẹẹ anka eguhi ene chire kú avị avọọ nị.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

2Ipita 1:19

Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.