Ihoseya 6:2 - IWE ỌNỊNỊ

² O yi vee ku dị Ẹnẹyịmavara ọ va ẹnị nọ udi ẹnịnị agụvị dị ẹnị ẹ ra di oo re wa.

Ihoseya 6:2 ပူးပေါင်းရင်းမြစ်များ

Oyinyima 17:18

Di Abụrahamị kà a yị Ohomorihi dị ọ ka ọ̀ọ kụkụ sị Isimẹrị ka ọ̀ dọ ọnị ịrẹsụ yọ?

2 Ohinọyị 20:5

Ọ kà ọ na ka yị Ihezekaya ana vị ọdọvịdị aza anị ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị.

Ahẹ Ụgama 61:7

Ohomorihi, navọ kwogwo ohinọyị ọ̀ maanị yị yà eyi awụ dị ọọ mẹ ohinọyị pooro Navọ we sere e anka u mè sii sì ịrẹyị ọza, dị ụ rẹ nyị ịzẹyịza.

Ahẹ Ụgama 71:20

Ohomorihi, wâ sị eyi amị re ịrẹyị. Mâ rị ụya ana ngụ ajẹ, ama ụ vaa sị mịị varẹma kwẹẹtẹ, ụ rẹ vanaa sị mị kwẹẹtẹ hụụnị eteesu oni mi chì ngụ.

Ịrẹyị Ọzwọzịsa 3:3

Aa nyị ụmẹ ana a sịị wụ̀ ọza, dị a nyị ụmẹ ana a sịị mẹ ọza ụkụ nị. Aa nyị ụmẹ ene e sii wú irehi hi ẹtẹ, dị a nyị ụmẹ ana a sịị tenyi ọ tụra nị.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Ihoseya 7:2

Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.

Ịjọọnụ 14:19

Òo nee kù chee, anẹhẹ e yi kuku vee re mi. Ẹwụ nịnị vee re mi. Mị yàra, ẹwụ nịnị rẹ vaa yàra bẹẹ.

Aniroomi 14:8

Yàa yàra, Ananyị yị ị yàra yị nị. Yèe re ve sú, Ananyị yị i re sú yị nị. Agụvị avọọ, yèe sú, yàa yàra, Áananyị yị ị yị vị nị.

1 Anịkọrịntị 15:4

 sị ọọ tụ́ ịnị ụsị, dị a haa hụụnị isu ịhyẹgwẹta anị nị. Avọọ a mẹ̀ rẹ vịdị chẹrẹ ẹ tụ́ ini Iwe Ohomorihi nị.