Ihoseya 6:1 - IWE ỌNỊNỊ

¹ Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ihoseya 6:1 ပူးပေါင်းရင်းမြစ်များ

2 Ịtọpa 30:6

Iwe ọnị ohinọyị ọnịrị ọdọvịdị anị nịnị mẹ̀ ọda ka ọnụtụ nịnị ẹ ga ịnị avaba ẹtẹ Anisirẹrị ọnịrị Ijuda vị ana a chẹrẹ tụ́ kà a, “Ẹnịnị Anisirẹrị ana ha hụụnị ụvọ ẹvaya ohinọyị Anisiriya nịnị. Varẹma vẹ ịdị Ẹnẹyịmavara ana vị Ohomorihi Abụrahamị, Ayiziiki, ọnịrị Isirẹrị agụvị ọ varẹma ka awụ nịnị vẹ.

Ijoovu 16:9

Ohomorihi vi ana sị eyi ayamụkụ re ọnị. Ộ sị ọyịkụ-ọyịkụ gara ọnị chẹkẹ va ha nị.

Ijoovu 22:23

Òo ro ịnẹ, dị ọ vaka Ohomorihi na, ee zee yọ nị.

Ijoovu 34:29

Ohomorihi ọ̀ọ ka ẹ yị nyị ịsị ọnị a mẹ̀ vụrụ-vụrụ. Ẹnẹ hwọ jị ịvị yọ? Ọ̀ọ ka ọnị aa sị̀ eyi tẹ̀, ẹ yị nyị ịsị ị zụ mẹ

Ijoovu 5:18

Ọ̀ọ nya ọza ịsa, dị ọ za gụrị ẹngụ. Ọ̀ọ tọ ọza ụnava dị ọ rẹ wụ ọ ụnanava.

Ahẹ Ụgama 30:7

Ẹnẹyịmavara, ịjị ọnọọ vị ọnị ụ sị mị jẹẹ nganganga anka ataba ana kara ẹkụra avọọ. Ama ịjị ụ va và eyi hụrẹ mị ẹngụ angwahi ộ ka mị vẹ.

Ahẹ Ụgama 6:2

Ẹnẹyịmavara, aarịhịnị vayị amị ka ọ kụ́ mị tụ́; aarịhịnị navọ wa sị ẹngụ amị nịya ka ẹngụkata ọnọnị vi ene chi mi ẹngụ.

Ahẹ Ụgama 71:20

Ohomorihi, wâ sị eyi amị re ịrẹyị. Mâ rị ụya ana ngụ ajẹ, ama ụ vaa sị mịị varẹma kwẹẹtẹ, ụ rẹ vanaa sị mị kwẹẹtẹ hụụnị eteesu oni mi chì ngụ.

Ịrẹyị Ọzwọzịsa 3:3

Aa nyị ụmẹ ana a sịị wụ̀ ọza, dị a nyị ụmẹ ana a sịị mẹ ọza ụkụ nị. Aa nyị ụmẹ ene e sii wú irehi hi ẹtẹ, dị a nyị ụmẹ ana a sịị tenyi ọ tụra nị.

Ayịsaya 17:7

Ịhị ẹkụhị, ọnọọ òo si tù, aza vaa vaa vàa ka Ohomorihi vẹ ka ọ̀ gụ ẹnị ụvọ. Ọnị ọ vị Ohomorihi Anisirẹrị nị. Ọnịnị ọ vị nị. Ọnị ọ tụ́ ẹhẹ nị.

Ayịsaya 2:3

dị ẹ kà, vẹ ya nọ ịnị ataba Ẹnẹyịmavara nịnị, dị ya nọ ịnị irehi Ohomorihi Ijekọvụ. Ohomorihi vaa sịị zụ̀ yị ịsị a vọrọ ka ya mẹ yị vaa saasa ịrẹyị ọnị ọọ ka. Íjerusarẹmị Ẹnẹyịmavara vaa yà aa sị ọda anịị zụ̀ nị, Hụrị Ịzayọnị ọ vaa kà ịrẹyị yị aza anị nị.

Ayịsaya 30:22

Ịjọnọọ ụ vaa kụ́ ori ụ bẹ dị u kụ́ ẹkẹhị ọnịrị igooru kú ọ, dị ụ kụ́ wa aa và ha anka ụsẹ ana aa nyị ọza ịhyẹrẹ avọọ. Dị ụ ka, “Nyaanyị, mẹ yị kụkụ nyị!”

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ijeremaya 30:12

Ẹnẹyịmavara kà, ọza ẹ yị zụ mẹ ụnava ana a tọ ụ nịnị aanị, ụnava ọnọnị ẹ yị kụkụ zụ vị.

Ijeremaya 30:17

Ẹnẹyịmavara kà ọnịvị awụ nịnị ẹẹ daka kà a ka asị Anịzayọnị du tụ ẹhẹ, ẹ́ yị nyị ọza ọnị ịrẹyị anị kụkụ jị areyi, ọnị vanaa mẹ ka ẹngụ awụ nịnị ọ̀ nịya. Ọnị vaa mẹ ka ụnava awụ nịnị ọ̀ vị.

Ijeremaya 33:5

Anibabironi nịnị vaa wụ̀ aza vaa hi ẹtẹ vẹẹrẹ. Ẹnẹyịmavara kà aza ẹnẹẹ vị ọnị ọnị vịdị sị ọyịkụ-ọyịkụ wụ. Ọ kà ọnị vaa sị eyi kwooze yị Anijerusarẹmị agụvị ebira odivi ẹnịnị.

Ijeremaya 33:6

Tizọ-tizọọ, Ẹnẹyịmavara kà ọnị vanaa sị Ijerusarẹmị ọnịrị aza anị ẹngụụ nịya. Ọnị vaa mẹ ka ò zee yị wa eyi ụvọnị-ụvọnị, dị ọnị ee sere wa.

Ijeremaya 50:4

Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.

Ijeremaya 50:5

Ẹnịnị vee họ̀ use ka ịzị ẹ vị oze, dị ẹnịnị và tụra a. Ẹnịnị vaa vẹ vee wo oto yị ọnị, ka ọnị ẹnị vanaa saasa pooro zịna-zịna nị. Ẹnịnị ẹ́ yị vee hi ayị oto ọnọọ paa.

Arụwẹ 3:11

Ohomorihi ộ dụ ọnị hụrị oze, dị ọ na ọnị va hị́ ẹtẹ pẹrẹ-pẹrẹ nị. Ọ sị ọnị tụ avọ osusu.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ihoseya 12:6

Agụvị avọọ ẹwụ nịnị ezi Ijekọvụ sị ayị tụra Ohomorihi awụ nịnị, dị wa vaka a vẹ. Sì ịrẹyị anị, dị waa mẹ ịsẹ ẹ vọrọ, di wee zi Ohomorihi awụ nịnị pooro.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ihoseya 14:4

Ẹnẹyịmavara kà ọnị vaa kụ aza anị varẹma ka ẹngụ na. Avaba ayị anị ọnị sị sì ịrẹyị ẹnịnị: Ọnị ẹ yị kụkụ aa kụ ayị hi ẹnịnị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ireevi 14:48

Ama, ịrẹma ana a raa varẹma sisi irehi ọnọọ, ohirẹsụ irehi Ohomorihi ọ̀ọ vavẹ vaa zama a re, dị o re ka ẹ yị kụkụ nyị uru ịnị anị nị, ọ vaa nọ̀ọ ka irehi ọnọọ ọ́ọ nị, agụvị ka uru ana vịdị chị́ hi ọ ọ́ọ ta saka-saka.

Ịzẹhwanaya 2:1

Dị Ẹnẹyịmavara kà, ẹnịnị anẹkụra ọnị ụhị ẹ yị mā nyị aanị, ẹ́ẹ́ kụ ẹngụ gụ di ee ro ịnẹ varẹma?

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

1 Ịsamụwẹrị 2:6

Ẹnẹyịmavara ọ zụ mẹ ka ọza ò sú, dị ọ rẹ zụ mẹ ka ọza ọ̀ yàra nị. Ọ zụ mẹ ka ọza ọ̀ nọ ini ikuta, dị ọ rẹ zụ mẹ ka ọza ọ̀ ha hụụnị ikuta jịnẹ vẹ nị.

1 Ịsamụwẹrị 7:3

Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.