Ihoseya 5:8 - IWE ỌNỊNỊ

⁸ Ẹnẹyịmavara kà e hu ọpanyị Igibeya. E hu ọpanyị ịrẹkụ Ịrama. E na owu ịrẹkụ Ịbẹtị-aveni. Anịbẹnjamịnị nịnị e si eyi pe ẹtẹ ka ịrẹyị aa vẹ.

Ihoseya 5:8 ပူးပေါင်းရင်းမြစ်များ

2 Ịsamụwẹrị 21:6

Sị aza ẹnị ịhịmba ini ezi Ịsọọrụ yị di ye zù wa gẹ ọchị ọvịdị Ẹnẹyịmavara ịnị ataba Ịsọọrụ, ataba ẹnị Ẹnẹyịmavara sị nyị.” Di ohinọyị ka ọnị vaa kụ́ waa yị wa nị.

1 Ohinọyị 12:29

Di Ijerobowami sị ọnya ịnị imaaru ẹnẹẹ dị ọ sị tụ́ Ịbẹtẹrị nị, dị ọ sị ọsa dị ọ rẹ sị tụ̀ Ịdaanị nị.

Ayịsaya 10:29

Anirama aa dá ẹgahị ángwa m èe hí wa. Anigibiya ana vị ẹkụra Ịsọọrụ ene kú zwe.

Ijeremaya 4:5

Ẹnẹyịmavara kà, nọ̀ọ ẹtẹ Ijuda ọnịrị Ijerusarẹmị ka, è hú ịkakanchị ngụ avaba ẹkụra zịịzị, è na owu tụ ẹba dị ẹ̀ kà a ka, à kụ ẹngụ gụ dị aa nọ ịnị ẹkụra ana a jị ọvọ kara.

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

Ihoseya 10:5

Aza ana ra hi Isamariya vee hí angwa agụvị ịrẹyị ene tụ́ ori ẹnịnị, dị ẹ yaa zị ẹngụ anị agụvị ka a raà mẹ̀ ụhị nyị ori ẹnẹẹ.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Ihoseya 9:9

Ẹnịnị vị ana nyayịnẹ du ha anka ẹ mẹ vịdị ya Igibiya ịyẹẹyẹ. Ohomorihi e yi vee hi ayị ebira ọhịmị ẹnịnị. Ọ vaa sị ụya anị rị wa.

Ijowẹrị 2:1

Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Ijowẹrị 2:15

Hú ọpanyị ịrẹsụ ataba Ịzayọnị; dị ẹ sị hị́ aza gụ, dị asị ọzọza rị ịsa agụvị ka ayị ẹnịnị o yi hine.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Ijosuwa 7:2

Ịrẹma ọnị Anisirẹrị ra rị Ijeriko, Â nyị ẹkụra ọnya aanị ana hị́ Eyayị ana gụrị Ịbẹtẹrị Aveni, ana ya eyi ịzị ọyị zị hụrẹ vẹ. Ijosuwa ô tu anọrụ ẹnyị ka ẹ were-were re ẹkụra ọnọọ va ka yị ọnị nị, ịzẹyịza, dị aza ẹnẹẹ na ịzọọ nị.

Ọdọvịdị 5:14

Isoja ộ rẹ hụrị Ehwireemi, ịzị Anamarẹkị vịdị ra Aza ẹnyị ệ hụrị Ịbẹnjamịnị vẹ; Ẹnị ọga isoja nịnị ệ hụrị Imakiri vẹ dị ọdọvịdị ẹkụra nịnị ệ hụrị Izeburuni

1 Ịsamụwẹrị 15:34

Dị Ịsamụwẹrị si hu dị aa nọ Iraama nị. Dị Ịsọọrụ ọnị aa nọ eehi anị ịzị aā hị́ Igibiya Ịsọọrụ nị.

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.

1 Ịsamụwẹrị 8:4

Ẹkụhị ọnya dị ọdọvịdị Anisirẹrị nịnị kụ́ ẹngụ gụ, di e ne tù Ịsamụwẹrị Iraama nị. É mè tù ịzọọ