Ihoseya 5:14 - IWE ỌNỊNỊ

¹⁴ Ohomorihi ka ọnị vavẹ ịrẹsụ Isirẹrị ọnịrị Ijuda anka idu anaa kụ́ ayị avọọ nị. Ọnị ọ na wa dị ọnị kụ́ wa, dị ẹ yị nyị ọza ene zụ họ̀ use.

Ihoseya 5:14 ပူးပေါင်းရင်းမြစ်များ

Ijoovu 10:16

Àa nyị ịsị mị mẹ ana ka ọnị ọ sị tụ ẹba, dị Ẹnẹyịmavara e be mị ka ọnị ọ pịva yị mị anka idu avọọ.

Ijoovu 10:7

Ọ yẹ ka ọnị ọ rị ịvị dị ẹ yị nyị ọza ana zụ dọ ọnị ha hụrẹ ụvọ nị.

Ahẹ Ụgama 50:22

Ohomorihi ka ẹwụ nịnị ene hi ayị anị ọ̀ wụ́ ịrẹyị, ọ! Ọ kà asị ụ zẹẹ ka ọnị ọ̀ pa ịva wụ nịnị ka à yị vị avọọ ẹ yị nyị ọza ana va zụụ dọ wụ nịnịị tụ́.

Ahẹ Ụgama 7:2

Wẹ̀ yị dọ mị, vị ẹ yaa za mị dị ẹ gara mị ha anka idu mẹ gara uyee ha avọọ nị. Ẹ zụ na mị ha di me yi re ọza gụ mị ụvọ.

Ayịsaya 5:29

Ezirẹkụ ẹnịnị èe nowu, vị ọ sị mẹẹ anka idu avọọ nị. Vi eē nowu anka ezi idu mẹ̀ẹ ẹ̀ẹ si uye za avọọ nị. Ịsị ẹ̀ẹ za dị ẹ sị ọ aa na, ẹ yị nyị ọza ana zụ dọ wa.

Ijeremaya 25:38

Ẹnẹyịmavara ọ raa para aza anị hu anka idu mẹẹ jịnẹ hụụ ịzị ọ yà avọọ. Ịrẹkụ ọnịrị ọyịkụ Ẹnẹyịmavara ọ sị ẹkụra ẹnịnị tụ osusu.

Arụwẹ 3:10

Ê zị ọnị anka ọdụmị avọọ nị. Ô ne va za ọnị anka idu ene be ịsa avọọ nị.

Ihoseya 13:6

Ama ịjị ẹ sị ịsa rị, dị ịnẹ sị wa ha, dị e yee wu, dị ayị anị hi wa nị.

Ihoseya 2:12

Ẹnẹyịmavara kà ọnị vee du ụbazị ịvayịnị ọnịrị ọchị ihwigi ọnị onyeehi anị sị si ọ ụta ịbẹhị anị ha. Ọ́ kà ọnị vaa vara ịzọọ iruku, dị uye ini avị aa rị ịsa ene hi ịnị anị.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Emọsị 2:14

Ịzị ẹnịnị ẹẹ rẹ na za, ẹnịnị ẹ yị vaa ha. Ẹ yị nyị ẹ mẹmẹ nyị ụkata na za, ẹ vaa tụ ọkụmị. Ẹnịnị ẹ yị vaa zụ dọ ẹngụ ẹnịnịị ha.

Imika 5:8

Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.

Iwe Ọhụhị Imosiisi ana aa hị́ Ọyịvatụrọda 28:31

A vaa wụ̀ imaaru awụ eyi awụ, ama wẹ yị vaa rị ini uye anị. A vaa yà eyi awụ dị a sị ịkẹrịkẹtẹ awụ, dị ọza ẹ́ ma vana và a ịrẹma va wụ. Ọnịvị awụ nịnị vaa kụ atẹmẹ awụ di u we yi re ọza gụ wụ ụvọ.

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.