Ihoseya 5:10 - IWE ỌNỊNỊ

¹⁰ Ọdọvịdị Ijuda nịnị sị mẹẹ anka oyi ọkatẹngụ ana jesi ịsa ana sị tẹ ẹhwị ẹtẹ. Ohomorihi ka ọnị vaa kụ́ ayị hi wa anka ọhaara enyi mẹẹ̄ kụ ịsa avọọ.

Ihoseya 5:10 ပူးပေါင်းရင်းမြစ်များ

Ahẹ Ụgama 32:6

Ẹngụkata ọ̀ọ vẹ, â vọrọ ka aza Ohomorihi ẹ̀ẹ mẹ̀ aduwaa hi ọ Ẹngụkata ọnọọ ọ zụ vẹ kúkùkù ama o yi vee tù wa.

Ahẹ Ụgama 69:24

Sị ọyịkụ pa ịva yị wa ẹtẹẹtẹrẹ, dị wa dà jị wa asị e re oze zwe.

Ahẹ Ụgama 88:17

Eyinị-eyinị vị ọnị mị yà ịnị akakana ụya anka ọza ene horo ngụ adagu avọọ, Ọ sị mị mụnẹ saka-saka

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ụhịrẹyị 22:28

Asị ụ vara udi ịsa ọnị ohiku awụ nịnị sị tọ ẹtẹ ẹhwị ịrẹwa.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ezikẹẹrị 22:22

Ọnị vaa mẹ wa pẹpẹpẹ vàa hi ẹtẹ Ijerusarẹmị anka a mẹẹ kà ịraa hi isiriva dị ọ na và hi ịzị aā yaa kà ịraa hi enyusẹ avọọ.

Ezikẹẹrị 7:8

Ọka, é yị vee kù dị ọnị ọ̀ sị ọyịkụ zụ̀ wụ nịnị ẹtẹẹtẹrẹ ọnị vaa mẹ̀ ọkarẹyị avaba ịsị ụ mẹ yị wụ nịnị. Ọnị vaa sị́ ụya avaba ịsị enyisi ọnị waa mẹẹ rị wụ nịnị.

Imatiwu 7:27

Orihi ộ zụ̀, dị okuha vẹ, dị ahị tụ́ nị. Ộ tụ́ kú irehi ọnọọ, di o si wú nị. Avaba anị saka-saka o wú nẹrẹ-nẹrẹ nị.”

Iruuku 6:49

Ama ọza ana àa wụ́ ịrẹyị amị, dị ọ̀ yị mẹ ịsị mị kà nị, vị ana sị mẹẹ anka ọza ana dà irehi tụ́ ịrẹsụ ezi, dị ọ̀ yị ká a ẹtẹ vụrụ-vụrụ. Ịjị okuha vẹ, dị ọ dà nya irehi ọnọọ nị, dị ọ wụsẹ wú nị; avaba irehi ọnọọ o wú ha saka-saka nị.”

Iwe Ọhụhị Imosiisi ana aa hị́ Ọyịvatụrọda 19:14

Asị u hu ọtẹhwị ẹtẹ ọnọhụva awụ hụrẹ udi anị ọnị anịyẹẹyẹ sị tẹ ẹhwị ẹtẹ ọnị Ẹnẹyịmavara Ohomorihi awụ nịnị aa sị yị wụ ka ọ vị awụ nịnị.

Iwe Ọhụhị Imosiisi ana aa hị́ Ọyịvatụrọda 27:17

O yi vee ze yị ọza tụra ọza ana aa hu ahụ ọtẹhwị ẹtẹ ọnọhụva anị. Dị avaba aza ọ̀ ha aamị!