Ihoseya 4:18 - IWE ỌNỊNỊ

¹⁸ Ee sị eche hu, dị ẹ nyima ee sì ọsẹrẹka ọnị ẹnịrị waa sụ. Ẹnịnị e sì ịrẹyị ịsị ụhị hụụnị ịsị ẹ vaa sị ụbanyị yị wa.

Ihoseya 4:18 ပူးပေါင်းရင်းမြစ်များ

Oyinyima 38:24

Ọ sị mẹ ẹhụ ụhwẹ ẹẹta kwooze, di a va kà a yị Ijuda dị a ka: Ịtama ose ozi anị ọ na sẹ̀ ịrẹka ka ộ hyakụ sị ịrẹẹ dọ bẹẹ. Di Ijuda ka, “Tura a tụ́ ẹhẹ nịnị dị à rị ọ ịra.”

Ahẹ Ụgama 47:9

Ohinọyị anẹkụra nịnị ẹ raà kụ́ gụ na vaka aza Ohomorihi Abụrahamị Ohomorihi ộ nyị ụkata hu avaba aza ana kụ́ gụ ọnị ọ nyị ụbanyị hu keekere nị.

Ọyịkụra 23:8

Asị ụ dọ ochirerenu. Ochirerenu vi eneē gu ọza eyi. Ọza anaā vịdịị ka ịzẹyịza ọ̀ọ na sị ochirerenu dọ, ọ yị kụkụ zụ kà ịzẹyịza.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ezikẹẹrị 16:15

Ama waa hụ̀ agụvị uzoza awụ ọnịrị agụvị ka waa ngụrẹyị dị ụ kụkụ aa sẹ̀ ịrẹkaa zị nị.

Ihoseya 4:10

Ịsa ọyịrị ọnị ẹ yaa rị ọ yị vaa ha wa ịnẹ. Ịrẹkọyịsẹ ọnị ẹ yaa sẹ aha ori irenyi-irenyi ọ yị vaa sị ozi yị wa agụvị ka e re yi Ẹnẹyịmavara tịtẹ na saasa ori.

Ihoseya 4:2

Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Emọsị 5:12

Ẹnẹyịmavara kà ọnị ọ yẹ ebira odivi ọdẹngụ ọnị ẹ yaa mẹ̀. Ẹ yaa mẹ̀ ọnịzẹyịza rị, dị ẹ yaa dọ ochirerenu, dị ẹ yaa mẹ̀ ọkarẹyị irikiti yị onosiye nịnị nị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Iwe Ọhụhị Imosiisi ana aa hị́ Ọyịvatụrọda 16:19

A sị u sima ịrẹyị ka waa mẹ̀ ọkarẹyị nịnị. A sị ụ nyị ọza remeyi nịnị, dị a sị ụ dọ ochirerenu o. Agụvị ka ochirerenu vi eneē gù ọza eyi, ẹ yị nyị ọza mẹ ye ịrẹyị dị ọ nyị ịzẹyịza na za.

1 Ịsamụwẹrị 8:3

Ama ezi Ịsamụwẹrị ẹnẹẹ ẹ yị sị ebira ada ẹnịnị Ịrẹyị ẹkẹhị kẹnẹ ọ jị wa areyi nị; ẹ yaa dọ ochirerenu, di eyee sima ọkarẹyị mẹ nị.