Ihoseya 4:16 - IWE ỌNỊNỊ

¹⁶ Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ?

Ihoseya 4:16 ပူးပေါင်းရင်းမြစ်များ

Ahẹ Ụgama 78:8

Dị asị ẹnịnị na hama ada ẹnịnị ana vị anakamawụ ọnịrị Ananyị ọkatẹngụ. Ada ẹnịnị ẹ yị sị ayị ẹnịnị yị Ohomorihi tù ịnẹ tù ịnẹ.

Ayịsaya 22:18

Ohomorihi ka ọnị vaa sị ọ, dị ọnị kara a bịịbịrị anka ódoodò avọọ, dị ọnị tụ̀ ọ òkòkó nọ ẹkụra ọbanyị ọnya. Ọ kà ịzọọ ọ vaa yà, di o sú pè umaata ịrẹkụ ọnị ọ vavọọ aa sịị mẹ eyi nị. Ọ kà ọ raà mẹ̀ ụhị nyị ọga anị.

Ayịsaya 30:23

Wèe chire ịsa, Ohomorihi vaa zụ̀ orihii hị́ ọ wụ, dị ẹtẹ awụ nyayịnẹ mẹ, dị ọ gwẹtẹ. Avị vị ana vaa gwẹtẹ ọnị ịsụpa awụ aa rị.

Ayịsaya 5:17

Atẹmẹ nịnị vaa naa rị anka ịnị avị ịzị ẹẹ̄ rị, di ozi atẹmẹ nịnị aa rị ini eburu aza ẹbanyị nịnị.

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ijeremaya 3:11

Ijeremaya ka, dị Ẹnẹyịmavara kà a yị ọnị ka ọọ daka vị ka Isirẹrị ọ raa va ịrẹma ka ọnị, aanị ọ dahi huni Ijuda ẹnẹẹ yị nyị ịzẹyịza nị.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ijeremaya 31:18

Ẹnẹyịmavara kà ọnị ộ wụ́ Anisirẹrị nịnị mee du ayị dị ẹ ka, Ẹnẹyịmavara, vị́ ẹnị sị mẹẹ uye odivi avọọ nị, ama ọnị vị ana kọ ẹnị ka ẹnị ẹẹ saasa ịrẹyị anị. Ẹ ka ọnị ọ̀ kụ ẹnị vàka ẹngụ anị vẹ; ẹnị ee tenyi ẹngụ ka ẹnị aa vaa ka Ẹnẹyịmavara Ohomorihi ẹnịnịị vẹ.

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ijeremaya 7:24

Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ihoseya 10:11

Anehwireemi nịnị vịdị aa mẹ̀ ebira anka ozi ụnọ anaa pà ene si aā sị ọnị tụ́ ịsa ọyịna avọọ. Ẹnẹyịmavara kà a ọnị vaa da ẹnya tụ́ ịnị ọkẹkẹrẹ anị, dị ọọ mẹ̀ ụkọrọ ana katẹngụ hu avọọ. Ẹnịrị Anijuda nịnị ee du avị dị ẹ rẹ jị ịrụkụ anị.

Ihoseya 11:6

Ịrẹkụ vị ana vaa ngụ tụ́ ẹkụra ọbanyị-ọbanyị ẹnịnị, dị ọnịvị ẹnịnị gara avaba oze ẹkụra ẹnịnị na wụ̀ wa va ha. Eto odivi ẹnịnị a vị ịrẹpa ana za wa nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Ịzakaraya 7:11

Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.