Ihoseya 4:14 - IWE ỌNỊNỊ

¹⁴ Ẹnẹyịmavara kà ọnị ẹ yị vaa sị̀ ụya rị wa agụvị ka anọrụ ẹnịnị vị anaa na irehi ori ne pe ọsẹrẹka sụ̀. Anka ụhịrẹyị mẹẹ kà a, “aza ẹnẹ ẹ yị yẹ ịrẹyị vị ene ee vu.”

Ihoseya 4:14 ပူးပေါင်းရင်းမြစ်များ

1 Ohinọyị 15:12

Asa ô kụ́ ọsẹrẹka ọnọrụ hụụnị irehi Ohomorihi dị ọ rẹ kụ́ avaba ori ana ada anị vịdịị hẹkẹ hụụnị ẹtẹ ọnọọ nị.

2 Ohinọyị 23:7

Dị ọ chaka irehi ana kụ́ ọsẹrẹka anọrụ ọnịrị anyẹnẹẹ ana sẹ̀ ịrẹka ini irehi ori Asẹra hi ini irehi Ẹnẹyịmavara Ohomorihi. Anẹẹ ẹnẹẹ eē hí ịta ana aā sị hẹkẹ ori ọnọọ nị.

Ụhịrẹyị 28:5

Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị.

Ayịsaya 1:5

Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ayịsaya 56:11

Ẹnịnị vị ana sị mẹẹ irezi ọnọhọha ọnị ịnẹ ẹ̀ yị ma ha avọọ. Oseratẹmẹ ẹnẹnị ẹ yị yẹ ịsọnyị-ịsọnyị. Ọzọza vị anaa mẹ̀ ịsa ene ze e eyi. Ịsị ẹ vaa vị ọgụụ yị ọzọza kẹnẹ ẹẹ̄ dụ nị.

Ịdanịyẹrị 12:10

Anggẹẹrị ọnọọ ka Ohomorihi vaa nyịna aza ọrụrụ-ọrụrụ hụụnị ịdọtị ẹnịnị, dị ẹ kụkụ vị ọnịnị. Aza anaa mẹ̀ ebira odivi ẹ yị vaa yẹ ịsị aa na, ama dị ẹ yaa yịị mẹ odivi ẹnịnị. Aza ana sị ụvọ za ịrẹyị Ohomorihi kẹnẹ ẹ vaa yẹ ịsị aa na nị.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Ihoseya 5:4

Ebira odivi ọnị ệ mẹ̀ ọ yị zẹ ka ẹ varẹma vẹ ịdị Ẹnẹyịmavara.

Emọsị 2:7

Ẹnịnị a sị onosiye nịnị ịrẹsụ nyịna ịpapara, dị ẹ yi tẹsị aza anaa rị ụya nị. Dị ada ẹnịrị ezi ẹnịnị aa sị ọnẹẹ ọnyara nị. Ẹnịnị ẹ raa sị ịrẹha Ẹnẹyịmavara sisi ẹtẹ

Emọsị 7:17

Dị Emọsị ka ẹnịnị wụ́ ịsị Ẹnẹyịmavara kà booro aanị, Ẹnẹyịmavara kà ịrẹkụ aa vaa rị ezi anọrụ ọnịrị anẹẹ ẹnịnị. A vaa za wa ọrịhị nọ ẹkụra anikinami. Ịzọọ anọrụ ẹnịnị vee su hi nị. Dị ose ẹnịnị vara ọsẹrẹka hi ịnị ẹkụra. Dị anẹkụra ọsa vaa dọ ẹtẹ ẹnịnị dị ẹ ga hi ẹngụ ụvọ.

Ịrịka 25:3

Ẹnẹyịmavara ộ kụ́ ayị hi wa agụvị ka ẹnịnị ẹ kụ́ ẹngụ vahụra wa hẹkẹ ori ana aā hị́ Ịbaarị-Ịpẹyọ.

Ịjọọnụ 8:43

Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

Aniroomi 3:11

Ẹ yị nyị ọza ana yẹ ịsa ana vọrọ, ẹ yị nyị ọza ene ee sì ka ọnị ọ̀ saasa Ohomorihi.

1 Anịkọrịntị 6:16

Mee ro ka wẹ yị yẹ nịnị ka ọza ọnị ọnịrị ọsẹrẹka ọ̀ọ sị và hura ka ọnịrị ọ kụkụ vị ọnya? Agụvị ka áa chẹrẹ tụ́ ini Iwe Ohomorihi ka: Ẹnị ẹyịva vaa vara ẹngụ ọnya.

Anẹhwẹsọsị 4:18

Ayị ẹnịnị vị ịrahụ; ẹnịnị ẹ́ yị nyị tụ́ ịnị ẹhẹ obooro oni Ohomorihiī sịị yị ọza, agụvị ka ẹ yị nyị ịsị ẹ yẹ, dị ẹ rẹ yaa mẹ ayọkatẹngụ nị.

Iwe Ọhụhị Imosiisi ana aa hị́ Ọyịvatụrọda 23:17

Imosiisi ka: A sị a nyị Anisirẹrị ọnyọọnyị, ọ̀ọ vị ọnọrụ, ọ̀ọ vị ọnẹẹ, anaa sẹ̀ ịrẹka ini irehi Ohomorihi.

Anihiburu 12:8

Wẹ̀ yị mā rị ụya nịnị, anka avaba ezi anị mẹ̀ẹ̄ rị ụya, ọnị ọ vị ka ozi ọta ụ vị nịnị nị, wẹ yị vị ezi obooro nịnị.