Ihoseya 4:1 - IWE ỌNỊNỊ

¹ Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ihoseya 4:1 ပူးပေါင်းရင်းမြစ်များ

1 Ohinọyị 22:19

Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị.

Ahẹ Ụgama 81:9

Asị a na nyị ori ọnyị-ọnyị ọnị ụ dọ pè ẹngụ nịnị o! wẹ yị nyayịnẹ ne kú ẹtẹ kụ́ ori ọnyị-ọnyị.

Ayịsaya 1:10

Ẹwụ nịnị Anijerusarẹmị ẹwụrị ohinọyị awụ nịnị vị ana aa mẹ̀ ebira odivi anka Anisodọmị ọnịrị Anigomora avọọ. Batọ ịrẹyị ẹnị Ẹnẹyịmavara aa kà wụ nịnị. Sị ụtọ pe ọda Ohomorihi ayị ana aa sịị zụ̀ wụ nịnị.

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Ayịsaya 28:14

Ẹwụ nịnị ana aā mẹ̀ isiya, ana vị ọdọvịdị Anijerusarẹmị, batọ dị wa wụ́ ịrẹyị ẹnị Ẹnẹyịmavara aa kà.

Ayịsaya 34:1

Ẹwụ nịnị avaba anẹhẹ, vẹ dị wa va wụ́ ịrẹyị nịnị. Avaba ẹhẹ ọnịrị avaba ịsị e hi ịnị anị ẹ̀ batọ dị ẹ̀ wụ́ ịrẹyị.

Ayịsaya 34:8

Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.

Ayịsaya 5:3

Ọta amị aa hị́ ẹwụ nịnị Anijerusarẹmị ọnịrị Anijuda ka wa mẹ̀ ọkarẹyị tụ́ ịnị ịrẹyị ọnịrị ụbazị amị nịnị dị a re.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ayịsaya 59:8

Ẹnịnị ẹ yị yẹ oze ẹngwọọrọ, ẹ yị nyị ịzẹyịza. Ẹhẹ akụvị ẹ yaa mẹ nị; ẹ yị nyị ọza ana saasa ebira ẹnịnị ana a nyị ẹngwọọrọ.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ijeremaya 11:7

Ẹnẹyịmavara kà, ọnị mẹ kụ ohiku ẹnịnị hụrị Ijipiti ọnị ộ kà wa ọnọ ẹtẹẹtẹrẹ ka ẹnịnị ẹẹ saasa ịrẹyị anị. Vị va ngụ ajịnị vị ọnị ọnị aa kịị kà wa ọnọọ.

Ijeremaya 19:3

Ijeremaya ka, Ẹnẹyịmavara kà ọnị kà a yị ohinọyị Anijuda nịnị ọnịrị Anijerusarẹmị nịnị ka, ẹnịnị ẹ̀ sị ụtọ pe ịrẹyị ọnị ọnị Ẹnẹyịmavara Ochẹtẹẹngụ aa kà. Ọnị ọ̀ Ohomorihi Anisirẹrị nịnị nị. Ẹnẹyịmavara kà ọnị vaa sị ụyaa rị ẹkụra ọnọnị divi-divi, dị o hi avaba aza anaa wụ ọ irenu.

Ijeremaya 2:4

Wụ ịrẹyị ọnị Ẹnẹyịmavara aa ka nịnị, avaba ẹwụ nịnị evere Ijekọvụ ana vị Anisirẹrị.

Ijeremaya 2:9

Ẹnẹyịmavara kà agụvị avọọ, ọnị vee pe aza anị ọnịrị evere ẹnịnị zyaazị.

Ijeremaya 25:31

Avaba ẹhẹ vaa dọ ọ ọngwẹ Ẹnẹyịmavara ọnịrị avaba anẹkụra ẹẹ nyị ịrẹyị, ọ vaa mẹ̀ ọkarẹyị yị avaba aza, dị ọ wụ̀ avaba aza edivi ha.

Ijeremaya 34:4

Ẹnẹyịmavara kà, Ịzẹdẹkaya ọ̀ wụ́ ịrẹyị ọnị ọnị aa kà: Wé yi vee sú ịnị ịrẹkụ ọnọnị. Ẹngwọọrọ-ẹngwọọrọ u vee sú nị.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 4:28

Ọ kà, avaba anẹhẹ vaa va ẹngụụ hi, dị ẹbẹẹba hozi, agụvị ka ọnị Ẹnẹyịmavara ọ sị ịrẹyị ka, ọnị ẹ yị vaa vara a. Ịsị ọnị ka ọnị aa mẹ, ọnị ẹ yị vaa và ịnị anị.

Ijeremaya 5:4

Ijeremaya ka, dị ọnị ro nị ka, aza ẹnẹnị ẹẹ daa ụya rị, ọnụra ẹ vị nị. Ẹnịnị ẹ yị yẹ ịsị Ohomorihi ẹnịnị ee sì, ọnị Ẹnẹyịmavara ee sị ka ẹnịị ọ̀ mẹ.

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 7:28

Avọọ, ọnị ọ̀ kà a yị wa ka ẹnịnị vị anẹkụra ẹnị ẹ̀ yị ma wụ́ ịrẹyị Ohomorihi ẹnịnị Ẹnẹyịmavara. Ẹnịnị ma kọ ịrẹyọyẹ aa daka sị ụya rị wa. Ịzẹyịza ộ ta, aza ẹ yị kụkụ ka ịzẹyịza.

Ijeremaya 9:20

Ijeremaya ka, dị ọnị ka, ẹwụ nịnị anyẹnẹẹ ẹ wụ́ ịrẹyị ọnị Ẹnẹyịmavara aa kà: Na kọ ọ yị ezi anẹẹ awụ nịnị a mẹmẹẹ jị òrèrè, dị waa rẹ kọ ọ yị ẹngụ nịnị a mẹmẹẹ jị ahẹ izoku nịnị.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ijeremaya 9:7

Avọọ, Ẹnẹyịmavara Ochẹtẹẹngụ ka, re, ọnị vee tenyi aza anị ka ẹ zoza hu avọọ anka a mẹẹ tenyi enyusẹ avọọ, dị ọnị ọ̀ zama wa re. Ọ kà, aza anị ẹ sị odivi mẹ, ọnị mẹ vaa mẹ wa.

Ezikẹẹrị 16:35

Avọọ, ẹwụ Ijerusarẹmị, ọsẹrẹka odivi ọnọnị, wụ́ ịrẹyị ọnị Ẹnẹyịmavara aa ka.

Ihoseya 12:2

Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀.

Ihoseya 12:3

Dị a va ma ada ẹnịnị Ijekọvụ, ô sị vụrị ka ọnị ọ mẹ ẹnẹbẹnị anị Iisọ rị ịnị ịrẹka ọnyị anị. Avọọ ọ mẹ rẹ beri Ohomorihi vụ ịrẹvụ ọ mẹ vị ọmụha nị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Ihoseya 5:4

Ebira odivi ọnị ệ mẹ̀ ọ yị zẹ ka ẹ varẹma vẹ ịdị Ẹnẹyịmavara.

Ijowẹrị 1:2

Batọ ẹwụ nịnị azọkụ; Ẹwụ nịnị ene hi Ijuda ọzọza ọ sị ụtọ pe ẹtẹ. Áá maanị nyị ịrẹyị ana vịdị mẹ̀ da ịnị ụmẹ awụ nịnị, a vị ịnị ụmẹ ohiku awụ nịnị?

Emọsị 3:1

Ẹnẹyịmavara ọ hị́ Anisirẹrị ka e batọ ịrẹyị ọnị ọnị vaa ka yị wa. Ịrẹyị ọnọọ ọ za avaba ẹnịnị ọnị ọ kụ̀ hụrị ẹtẹ Ijipiti vẹ.

Emọsị 7:16

Amaziya mẹmẹ vaa ya ịzẹnị ka asị ọnị ka ụtụ ọnị aa tụ́ ọnị hị́ Anisirẹrị.

Imika 6:2

Ẹwụ nịnị ataba, wụ́ ịsa ọnị Ẹnẹyịmavara kà oni ô re. Ẹwụ nịnị ịsị ẹhẹ jẹẹ ịrẹsụ anị ọ̀ wụ́ ịrẹyị Ẹnẹyịmavara Ộ kà a nyị ịsị aza anị mẹ̀ ọnị. Aa vaa kà a ịsị Anisirẹrị mẹ̀ ọnị.

Ịjọọnụ 8:55

Ama wẹ yị yẹ ẹ nịnị, ẹmị â yẹ ẹ. Màa na kà a ka mẹ yị yẹ ẹ, ẹmị rẹ sị vị onireche anka ẹwụ nịnị. Ama ẹmị â yẹ ẹ, ma rẹ sị ụvọ za ịrẹyị anị.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

Ẹtore 2:11

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, e mē vene sú ụpẹ ọhụva.”

Ẹtore 2:29

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi!”