Ihoseya 3:5 - IWE ỌNỊNỊ

⁵ Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ihoseya 3:5 ပူးပေါင်းရင်းမြစ်များ

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

Ayịsaya 17:7

Ịhị ẹkụhị, ọnọọ òo si tù, aza vaa vaa vàa ka Ohomorihi vẹ ka ọ̀ gụ ẹnị ụvọ. Ọnị ọ vị Ohomorihi Anisirẹrị nị. Ọnịnị ọ vị nị. Ọnị ọ tụ́ ẹhẹ nị.

Ayịsaya 2:2

Ụmẹ aa vẹ, ịrẹsụ ataba ọnị irehi Ẹnẹyịmavara ya vaa vị Ataba ana nẹba hu kerekere, dị ọ va avaba ataba ana vọ chire. Anẹkụra ọrụrụ-ọrụrụ vee turaa hi ịzọọ,

Ayịsaya 2:3

dị ẹ kà, vẹ ya nọ ịnị ataba Ẹnẹyịmavara nịnị, dị ya nọ ịnị irehi Ohomorihi Ijekọvụ. Ohomorihi vaa sịị zụ̀ yị ịsị a vọrọ ka ya mẹ yị vaa saasa ịrẹyị ọnị ọọ ka. Íjerusarẹmị Ẹnẹyịmavara vaa yà aa sị ọda anịị zụ̀ nị, Hụrị Ịzayọnị ọ vaa kà ịrẹyị yị aza anị nị.

Ayịsaya 60:5

U vee re ịsa ọnọnị, dị ọ vị ịrajẹ yị wụ. Dị ụ mẹrị ayohine. Ogu anẹkụra nịnị vị ana vaa kụ va yị wu; hụrẹ akẹnẹ oku vị ana vaa kụ ẹkẹhị vẹ.

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 30:9

Ama ẹnịnị vaa hẹkẹ ọnị, Ẹnẹyịmavara Ohomorihi ẹnịnị. Ẹ vaa vàa ku ẹtẹ yị ozi Idevidi ọnị ọnị vaa sịị rị ohinọyịị yị wa.

Ijeremaya 33:17

Ẹnẹyịmavara kà, ezi Idevidi ẹ vaa rị ohinọyị Isirẹrị pooro nị.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ezikẹẹrị 16:63

Ẹnẹyịmavara kà, ọnị vaa vagu avaba ebira odivi ọnị ụ mẹ yị wụ, ama ụ vaa tamayị ẹnịnị dị ụhị nyị wụ pooro ne tu ka wẹ́ yị va zụ ha irenuu kà ịrẹyị.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

Ezikẹẹrị 38:8

Ẹnẹyịmavara kà, ịrayị ọrụrụ-ọrụrụ ọ̀ọ sị mẹ, ọnị vaa mẹ ka Ịgọgị ọ̀ kụ́ ịrẹkụ na ngụ ẹkụra ana a kụ́ aza anị và hụrẹ ẹkụra ọsa ve hi, dị ẹnịnị è yị kuku hí angwa ka ịrẹkụ wáa vẹ. Ọ vaa kụ́ ịrẹkụ naa ngụ ataba Isirẹrị ọnị ó sị ku ọnị ọ tu osusu aza mẹ hụ́ hụụnị anị. Ama aza vị ene kuku hi ịzọọ ẹngwọọrọ-ẹngwọọrọ booro aanị.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 2:28

Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị.

Ihoseya 1:11

Anijuda ọnịrị Anisirẹrị nịnị vaa vabẹ, dị ẹ nyị ọdọvịdị ọnyara yị ẹngụ ẹnịnị. Dị ẹ varẹma dọ ẹtẹ ẹnịnị agụvị ka ẹkụhị Ijezirẹẹrị vaa nyị ẹngụ anị.

Ihoseya 11:10

Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.

Ihoseya 5:6

Ẹnịnị ẹ̀ẹ sị atẹmẹ ọnịrị ụnọ va mẹ̀ ịsọvọ yị ọnị, ọnị ẹ yị dọ wa agụvị ka ọnị ọ sị ayị hụụnị ịrẹyị ẹnịnị. Ẹnịnị ẹ yị kụkụ vee re eyi ọyịza anị.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Imika 4:1

Ụmẹ aa vẹ dị ataba ịzị dà irehi Ẹnẹyịmavara tụ́ aanị kuku vaa vị ataba ana nẹba hu ataba ana vọ, dị ọ da jịnẹ wa. Anẹkụra ọrụrụ-ọrụrụ vee tụraa hi ịzọọ.

Ịrịka 24:14

Avọọ ọnị aa nọ eehi, ama ọnị aa ka a ọnọ ịsa ọnị Anisirẹrị nịnị vaa mẹ aza ụhụụhwọ.

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

Iwe Ọhụhị Imosiisi ana aa hị́ Ọyịvatụrọda 4:30

Ụmẹ ọnị ụya aa rị wa, dị ẹngụkata ẹnẹnị ee tù wa nị, ịjọnọọ ẹ vaa varẹma ka Ẹnẹyịmavara na, dị ẹ wụ̀ chire e.