Ihoseya 3:4 - IWE ỌNỊNỊ

⁴ Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ihoseya 3:4 ပူးပေါင်းရင်းမြစ်များ

Oyinyima 31:19

Ịrabanị oni o si hu aa naa yẹrẹ ẹyị atẹmẹ anị, di Irechẹrị reè yi ori ene hi ini eehi ada anị nị.

Oyinyima 31:34

Irechẹrị mẹ̀ sị ori ini eehi ẹnẹẹ dị ọ sị wa tẹ̀ ịnị ampo ana a jị tụ́ ịnị ịsa ana a sịị̄ yàyịtẹ tụra ịnyaakụmị, dị ọ yaayịtẹ tụra wa nị. Ịrabanị ộ gara avaba ajẹngụ anị o yi re e.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

2 Ịsamụwẹrị 6:14

Di Idevidi chire ịharamịra ana a si owu ozoza hi ịta anị, dị aa sị avaba ẹngụ anịị nyị ẹzẹ, dị a sịị sị ụbanyịị yị Ẹnẹyịmavara nị.

2 Ohinọyị 23:24

Dị a zụ sị ọda ana chẹrẹ tụ ịnị iwe ọnị Ihirikaya ohirẹsụ irehi Ẹnẹyịmavara ọbanyị re mẹ̀ ụkọrọ, Ohinọyị Ijosaya kụ́ ẹnẹbẹ nịnị, ọhẹva nịnị, ọnịrị ori ana dọ tụ ịnị eehi, ori ne beri avaba ịsa enyisi ene hi ini ẹtẹ Ijuda ọnịrị Ijerusarẹmị hụrẹ ẹtẹ nị.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

Ọyịkụra 28:4

Aanị ẹ mẹ̀ vaa jị ẹnya Eerọnị nị: Ọ vaa nyị ọtịnịnẹ ēni e hi, dị ọ va nyị awuru ọgọdọ ene ee chiree tụra a. Di e ve chire ịharamịra kú awuru ọgọdọ ọnọọ. Dị a va jị ọsa ọnị ọ vaa sị gẹ ịrachị. Dị ọ jị ubobo tụ́ ọ. Di a va nyị ēni e hi anka ụbaja, dị ọ sị za ọtẹ. Ẹngụ ẹnya ọnọọ ẹ vaa jịị yị Eerọnị ẹnẹbẹnị awụ ọnịrị ezi anị nị. Dị ẹnịnị ẹ̀ vị ohirẹsụ irehi amị dị ẹ̀ sịị mẹ ụkọrọọ mị.

Ọyịkụra 28:6

Owu ēni e ve sii hi ịta ịharamịra ọnọọ vị eni enyi anị vaa vi igooru, ivuru, ọnịrị enyi ivuru ọnịrị ovivi ēni e pō vabẹ ne beri owu ovivi. Dị ụ sị owu ozoza ana a ta vabẹ tụ́ ọ. Dị ahịka ọza ana yẹ eyi ụkọrọ ẹtẹẹtẹrẹ o hi ọ nị.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Ezikẹẹrị 19:14

 jị ịra da akamava ọchị ịvayịnị ọnọnị, dị ịra ọnọọ rị avaba avọ anị ọnịrị ẹtụtụ anịị ịra nị. Avọ anị ẹ́ yị ma vana katẹngụ. Ẹ́ yị ma vana wụra mẹ okutẹ ohinọyị. Ahẹ ayodu ọnọọ yị, dị a vanaa jịị jị ọ pooro nị.

Ezikẹẹrị 20:32

Wa sị ẹngụ tenyi nịnị ka ẹwụrị anẹkụra ana vọ ẹ̀ vị ọnyọọnya dị waa vàa ku ẹtẹ yị ọchị ọnịrị ịrẹta nịnị. Ama ẹ́ yị vaa vị wụ nịnị mẹ.

Ezikẹẹrị 21:21

Ohinọyị Ịbabịrọnị ộ jẹẹ oze ahẹva ịzị asịyẹ jẹẹ. Ê sị ka ọnị ọ̀ yẹ oze ana vọrọ ka ọnị ọ̀ zị. Ô henyi ọpa anị re; ộ họ̀ ori anị nịnị usirẹyị, dị ó tu ụpẹ ọnya dị aa zama ayị uye ana a sị mẹ ịsọvọọ re nị.

Ezikẹẹrị 21:31

Ọnị vaa sị ọyịkụ anịị zụ̀ wụ nịnị, dị ẹngụ awụ nịnị kà ịra anka èe rere ká ịra ku ọza avọọ. Ọnị vaa hụrẹ ụ nịnị ụvọ yị aza edivi, ana yara sị ụya rị aza obooro-obooro.

Ịdanịyẹrị 11:31

Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ.

Ịdanịyẹrị 12:11

Ọ kà hụrị ụmẹ ana sị za ịsọvọ eyinị-eyinị ọ yị mẹ hi Ohomorihi jẹẹ ọnịrị ụmẹ ana sị sị ịsị eenyisi na jẹẹ ịnị irehi Ohomorihi vaa gụ ẹkụhị akahị tụra ịrẹka tụra ẹnarẹẹwụ (1,290). Ịsị eenyisi ọnọnị vaa vị ayodu yị aza, dị ọ mẹ ka à sị a kụkụ nyị aza ịnị irehi Ohomorihi.

Ịdanịyẹrị 9:27

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.

Ihoseya 13:10

Ộ họ̀ wa use ka, ịzị ohinọyị ẹnịnị ya booro aanị agụvị dị ọ dọ wa ha? Ẹ ka ene e si ohinọyị ọnịrị ọdọvịdị nịnị. Ịzị ẹnịnị hì?

Ihoseya 13:11

Ọ kà ọnị ọ sị ọyịkụ-ọyịkụ sị ohinọyị yị wa, avọọ ọnị mẹ raà sị ayodu dọ wa nị.

Ihoseya 2:11

Ộ kà ọnị rẹ vaa za avaba eche Anisirẹrị jẹẹ; eche ụhwẹ-ụhwẹ ọnịrị eche ịrayị-ịrayị ẹnịnị ne beri eche ụhwọtụ irenyi-irenyi ọnịrị avaba eche ana vọ.

Ireevi 8:7

Ô chire Eerọnị ọtịnịnẹ awuru, ọnịrị awuru ọgọdọ, dị ọ jị obo sụ́ ọ ọtẹ nị. Ô re chire e ịharamịra, dị ọ sị obo ana a ta ọyịza-ọyịza tụ ọ sụ́ ọ za ẹngụ nị.

Ịzakaraya 10:2

Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa.

Ịzakaraya 13:2

Ịhị ọnọọ, Ẹnẹyịmavara Ochẹtẹẹngụ kà ọnị vaa kụ́ ịrẹha ori hụrẹ ẹtẹ, dị ayị ẹnịnị hí. Dị ọnị rẹ kụ́ aza ana hị́ ẹngụ ẹnịnị ọnịsẹ ẹnịrị ọyị hẹkẹ ori nịnị hụrẹ ẹtẹ.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Ịjọọnụ 19:15

Di e nowu zẹtẹ, dị ẹ ka, “Sị ọọ hụrẹ oze! Sị ọọ hụrẹ oze! Na kanyị ọọ za apavahị!” Dị Ipayireti họ̀ wa ka, “Ma kanyị ohinọyị awụ nịnị za apavahịị?” Di ohirẹsụ ẹbanyị irehi Ohomorihi tụ́ ohi, dị ẹ ka, “Yẹ yị nyị ohinọyị ọsa, ẹ̀ yị vị ohinọyị Aniroomi.”

Anihiburu 10:26

Ya sị ịzẹyịza yẹ; yèe kuku ee yii re ịsa odivi googoro dị ị naa mẹẹ nị, ẹ yị kụkụ nyị ịsọvọ ana aa kụ́ ọọ kwooze.

Ọdọvịdị 17:5

Dị Imika jị ịrẹba yị ori ọnọọ dị ọ nyị ịharamịra dị ọ rẹ nyị ori nị, ọ sị ozi anị ọnya mẹ ọnụtụ ori.

Ọdọvịdị 18:14

Ịjọnọọ dị anọrụ ẹẹhị ana a tụ ka e ne were re ẹtẹ Irayisi va kà a yị ọnọhụva ẹnịnị ka ẹ́ẹ́ yẹ ka aa nyị awuru ịharamịra ọdọvịdị ahẹkẹ ne beri ọnyanọkụmị ana a sị ọchị bẹ ọnịrị ana a sị enyusẹ tu ịnị ọnya ịnị irehi ẹnẹẹ? Si a vọrọ ka ẹnịnị ẹ mẹ tụ ọ?

Ọdọvịdị 8:27

Dị Igidiyọnị dọ avaba ịsụtọ ana sị igooru mẹ aanị, dị ọ sị mẹ awuru oweyi ọkụ ụvọ tụ ịza anaa hị́ ẹhwọọdụ nị. Ịjị ẹ sị ẹhwọọdụ ọnọọ mẹ dị ọ sị ọ tụ ẹkụra anị ịzị aa hị́ Ọpaara nị. Dị Anisirẹrị nịnị kụkụ nyima dị ẹ yaa hẹkẹ ẹ nị.

1 Ịsamụwẹrị 14:3

Ahija eneē chire awuru ọnụkọrọ Ohomorihi yà ịnị aza ẹnẹẹ. Ahija ọnọọ vị ozi Ahitubi ana vị ọyịnyara Ikabedi. Ahitubi ọnị vị ozi Ihwinehasi ana vi ozi Eri. Eri ọnọọ ọ vị ohirẹsụ irehi Ohomorihi tụ́ Isiro nị. Á yị nyị ọza ana yẹ ka Ijonatani ọ sị hụụ ịzọọ.

1 Ịsamụwẹrị 15:23

Ọza ana aa mẹ akamawụ vị ana rị ịvị anka ọza ana aa há ẹva. Aza ene re ẹngụ ẹnịnị hu ịsa ọsa ọnịrị aza ana aa mẹ ori vị ana rị ịvị ọnya-ọnya. Ụ ka wẹ yị kụkụ saasa ịrẹyị Ananyị yị, ọnị ọ rẹ raà sị wụ hụụnị ohinọyị.”

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.

1 Ịsamụwẹrị 21:9

Di ohirẹsụ irehi Ohomorihi ọnọọ ka ụhwọ Igorayati Anihwirisiti ọnị ọ wụ ini ozi Era ịhị ọnọọ tịtẹ ịzẹnị. Â sị ịta para a tụ́ ịrẹma ịharamịra ịzọọ. Ọ kà òo sì ọnọọ dị ọ̀ sị ọ agụvị ka ẹ yị nyị ụhwọ ọsa ịzẹnị. Di Idevidi ka, “sị ọ mị, ka ẹ yị nyị ụhwọ ene huna ọnọọ.”

1 Ịsamụwẹrị 22:18

Di ohinọyị kà yị́ Idowegi ana vị Anedomi ka ọ vara eyi, dị ọ̀ va ịsa hi ohirẹsụ irehi Ohomorihi ẹnẹẹ ẹngụ nị. Ịzẹyịza dị ọ va ịsa hi ohirẹsụ irehi Ohomorihi ẹnẹẹ ẹngụ, dị ọ wụ̀ wa nị. Ịhị ọnọọ aza ọnị ọ wụ vị ẹnị ẹbẹẹna tụra ẹẹhị. Avaba ẹnị ẹnẹẹ vi ene eē chire ịharamịra ana a sị ịta ozoza hi.

1 Ịsamụwẹrị 23:6

Abiyata ozi Ahimẹrẹkị mè zwe ne tù Idevidi Ikeyira, ộ sị ịharamịra oni ohirẹsụ irehi Ohomorihi chire za nọ ịzọọ.

1 Ịsamụwẹrị 23:9

Idevidi ọ sị wụ́ ka Ịsọọrụ ee be ọnị, dị ọ va hị́ Abiyata ka ọ̀ sị ịharamịra ọnọọ vẹ nị.

1 Ịsamụwẹrị 30:7

Di Idevidi va hị́ Abiyata ana vị ohirẹsụ irehi Ohomorihi dị ọ ka ọ̀ sị ịharamịra oni ohirẹsụ irehi Ohomorihiī chire va yị ọnị nị. Ịzẹyịza dị Abiyata sị ọ va yọ nị.