Ihoseya 3:2 - IWE ỌNỊNỊ

² Ọnị o si ụta anị isiriva ẹwụrẹhị ne beri ibaari ikirogirami ẹchẹhị tụra ẹvarẹwụ.

Ihoseya 3:2 ပူးပေါင်းရင်းမြစ်များ

Oyinyima 31:41

Ọ rẹ ka ịrayị oohu ọnị ọnị hụrẹ yà ịda anị avọọ yị. Ọ kà ọnị ọ sị ịrayị ẹwụrẹna hẹkẹ ẹ agụvị ezi anẹẹ anị ẹẹva. Ọnị ọ rẹ sị ịrayị ịhịnọnyị sị eyi pè ịsụpa anị. Dị ọ rẹ ka ụpẹ ẹẹwụ ọ vara ụta ọnị ọ ka ọnị ee si ọnị nị.

Oyinyima 34:12

Ọ kà ọpa ẹkẹhị ịrẹsụ ọnị ọ̀ọ ka ọnị aa dọ kẹnẹ, ọnị aa mẹ̀ ẹ. Ọ rẹ ka ịsị ẹ̀ẹ ka ọnị ọ̀ sị mẹ wa ẹyịza ọnị vaa sịị yị wa. Ọ kà ẹ̀ navọ ẹ̀ sị ọ gà ọnị kẹnẹ.”

Ọyịkụra 22:17

Ada ozi ọnọọ òo yi dị ọ ka ọnị ọ yị sị ga a nị, ẹkẹhị ịrẹsụ ozwoorihi ọnọọ vị ana aa mịị mẹẹ yị ada anị.

Ayịsaya 5:10

Ẹtẹ ana aza ẹnị ẹẹhị jị ịrịkụ anị ẹkụhị ọnya, a vaa há ẹtụtụ ọchị ịvayịnị ene e chire tụ́ ọ dị a kama a dị ahịka eche ịgarụwa ọnya kẹnẹ e re ịnị anị nị. Ọza vaa sị ayị orogo ẹẹhị di o ne chire e. Ịhị ọ̀ọ na mẹ akụ ọnọọ dị ahịka ayị orogo ọnya kẹnẹ o re sị nị.

Ezikẹẹrị 45:11

Ẹnya anaa sịị mọ ịsa ọyịwụ ọnịrị ẹnya anaa sịị mọ ịsa enyeenyi ẹ̀ vị ẹbẹẹbẹ. Orogo o vị ẹnya ọbanyị ana a ka a sịị mọ ịsa nị. Ẹnya ana a sịị mẹ̀ ịsa ọyị wụ ẹẹwụ ọ yà ịnị orogo ọnyara nị. Avọọ ẹnya ana sịị mọ ịsa enyeenyi ọnị mẹ rẹ ya nị.

Ihoseya 3:3

Dị Ihoseya kà booro aanị Igoma ọ sị vị ose anị, asị ọ kụkụ sẹ̀ ịrẹka. Asị ọ na ịda ọnọrụ ọsa. Ịnị avaba ụmẹ ọnị ọ sị ee zi ọnị ọnịrị ọ ẹ yị vaa sụ̀.

Ireevi 27:16

Ọza ọ̀ọ da ịnị ẹtẹ ọnị ọ nyị yị Ẹnẹyịmavara ọpa ẹkẹhị uhu ana hụ chire tụ ọ a vaa jị irihii tụ ọ nị. Uhu ibaari ikirogirami oohu vị Ịnayịra ẹẹwụ.

Iruutu 4:10

Ẹma kụkụ nyị Iruutu ana vị Animowabi ana vịdị vị ose Imahironi nị. Ose emi ọ kụkụ vị nị. Ozi ọnị ọ̀ọ na ma ọnị ọ vaa sịị hị́ ịrẹha ada anị ene sú nị. Ọsọnị ọ vaa mẹ ka asị anda ẹnịnị ọnịrị anẹkụra amị hi ayị ada anị ịzị ọvịdị ra nị. Ẹwụ nịnị ọ vị onivenu amị ajịnị nị o!”

1 Ịsamụwẹrị 18:25

Dị Ịsọọrụ ka ẹ̀ na kà a yi Idevidi dị ẹ̀ kà a ka, “Ohinọyị, o yi sì ẹkẹhị ịrẹsụ. Ịsị ee sì kẹnẹ ọ vị ka ọ̀ na wụ̀ Anihwirisiti ẹchẹhị, dị yẹrẹ ụpa ene ku wa aha enyisi, dị ọ̀ kụ ọ va yị ọnị. Ohinọyị ka avọọ oni mee sì ka oni ò si Anihwirisiti ana vị ọnịvị anị atọ nị.” Ịsị Ịsọọrụ ee sì ọ vị ka Anihwirisiti nịnị è re oze wụ Idevidi.