Ihoseya 3:1 - IWE ỌNỊNỊ

¹ Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.

Ihoseya 3:1 ပူးပေါင်းရင်းမြစ်များ

2 Ịsamụwẹrị 6:19

Di Idevidi gà ịsọyịrị yị avaba ọkọnị aza ẹnẹẹ nị. Ọnọrụ ọnịrị anẹẹ vị ọnị ọ gà ịsa yị. Ịbụrẹẹdị ọnịrị akara ana a sị ẹtụtụ ịvayịnị jị ne beri Ịbụrẹẹdị ana a sị ẹtụtụ agịga tụ́ ịnị anị ọ vavọọ gà yị wa nị. Ịjị ẹ sị mẹ ta, dị ọzọza aa nọ eehi anị nị.

2 Ohinọyị 13:23

Ẹnẹyịmavara ộ vayị ẹnịnị, dị ọ mẹ ọyịza yị wa nị. Ẹ yị zẹẹ ka è vu wa ẹtẹ; ama ộ mẹ̀ ọgụvọ yị wa agụvị oto oni o wo yị Abụrahamị, Ayiziiki, ọnịrị Ijekọvụ. Ẹnẹyịmavara e yi hi ayị aza anị.

1 Ịtọpa 16:3

Ọ́ mẹ̀ sị aduwa mẹ̀, dị ọ gà ụbụrẹẹdị vaka akara idevina ọnịrị uye ene e wu yị Anisirẹrị nịnị ikonya-ikonya nị; anọrụ ọnịrị anẹẹ.

Inehemaya 9:31

Ama agụvị ka ayamva awụ ộ banyị ẹnẹmẹhị, we yi du wa ha saka-saka, wẹ yị rẹ ne wa ta paa. Ohomorihi ẹyịza ọọhẹ ọnịrị ayamva awụ ộ da dẹngụ kẹnẹ!

Ahẹ Ụgama 123:2

Wâ yẹ ezi ahụ mẹ̀ẹ tụra ọga ẹnịnị eyi, avọọ ị maa tụra wụ eyi nọ, Ẹnẹyịmavara ana vị Ohomorihi ayị. Avọọ ị maa tụra wụ eyi pooro dị wa mẹ ayamva yị nị.

Ọyịkụra 32:6

Ịzẹyịza eyinẹhẹ anị dị aza ẹnẹẹ jintu kwẹẹtẹ dị ẹ mẹ̀ ịsọvọ ana aā rị ịra ọnịrị ịsọvọ ana aā mẹ dị à gà a rị nị. Ịjị ẹ sị ọnọọ mẹ, di e kuku hi ẹtẹ dị ẹ yaa rị, di eyee hú dị ẹ rẹ yaa nyị ẹzẹ nị.

Ahẹ Isoromọnị 2:5

Dà ịsọyịrị yị mi, dị ma varẹma nyị ụkata. Sị apụrụ mị ma rị ọ, dị ẹngụ amị ò hi ahị, agụvị ka mme sì ịrẹyị awụ pooro, ọ sị vara ẹngụ aa zị mị.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ijeremaya 3:20

Ẹnẹyịmavara kà, ama ẹwụ nịnị Anisirẹrị, anka ọnẹẹ ẹnẹẹ yị nyị ịzẹyịza ana para ọva anị hu avọọ, avọọ ụ wẹ yị mẹ mẹ ịzẹyịza hi ọnị nịnị nị.

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Ihoseya 11:8

Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.

Ihoseya 2:5

Ọnyị ẹnịnị vị ọsẹrẹka ana sị ụhị wara rị. Ịnị ịrẹkọyịsẹ ọ ya dọ ịrẹẹ ẹnẹẹ nị. Ọ kà ọnị aa dụ onyeehi zịị agụvị dị ọnị ọ rị, dị ọnị o hu, dị ọnị nyị achị ọnịrị angwẹ orivi ne beri eche nị.

Ihoseya 4:11

Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ.

Ihoseya 7:5

Ịnị ụmẹ ana aa nyị ohinọyị, ọdọvịdị nịnị vị eneē hu eche dị aa mẹrị wa, dị ohinọyị saasa aza ana sị ọ mẹ̀ enyinyii hu eche.

Emọsị 2:8

Avaba ịzị a yaa mẹ ahẹkẹ, vị ẹnẹẹ̄ tụ́ achị ẹnẹ ẹ dọ onuruwa ana rị wa ụtaa hụtụ. Ini irehi Ohomorihi ẹnịnị vị anaā sịị ọtụrọsarẹsụ ẹkẹhị ẹnẹ ẹ dà yị ọnụta ẹnịnịị hị́ echee hú.

Emọsị 6:6

Ẹnịnị vị ene hu eche ahaahara, dị ẹ va eturare ọkatarihi hị́ ẹngụ. Ama ịrẹyị ẹkụra ene vú ẹtẹ ẹ yị jị wa areyi.

Imika 7:7

Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.

Ịzakaraya 1:16

Avọọ Ẹnẹyịmavara kà a ọnị vaa varẹma nyị ayamva yị Ijerusarẹmị, dị a varẹma tenyi irehi anị dà. Ẹnẹyịmavara Ochẹtẹẹngụ kà Ijerusarẹmị vị ọnị e vee tenyi dà.

Imatiwu 26:50

Dị Ijeesu kà a yọ ka, “Ọta amị, ịsị ụ va mẹ wáá yị? Dị aza ẹnẹẹ vẹ, dị ụvọ ẹnịnị ngụ Ijeesu, dị ẹ za a nị.”

1 Anịkọrịntị 10:21

Ọza ọ yị nyẹngụ sị ako Ananyị yị hú eche, dị ọ̀ rẹ varẹma na sị ako ụhwẹ echu di ò re sii hú eche. Ọza ọ yị rẹ nyẹngụ rị ịsọyịrị Ananyị yị, dị ọ̀ rẹ varẹma na aa rị ịsọyịrị ụhwẹ echu.

1 Anịkọrịntị 10:7

Asị ụ rẹ na vị ọhẹkẹ ori nịnị anka ẹnyị ịnị aza ẹnẹẹ! Â chẹrẹẹ tụ́ ini Iwe Ohomorihi ka, “Aza ẹnẹẹ ê nyima ẹyaa rị, eyee hú; dị ẹ kwẹẹtẹ dị ẹyaa nyị ẹzẹ nị”.

1Ipita 4:3

Ụmẹ ọnị vịdị sị mẹ̀ ịsa ọnị anarịmadọwụ nịnịị̄ mẹ avọọ, óo ze. Ịsị ụ vịdịị mẹ nịnị yị: Ebira kẹnẹ-kẹnẹ, ịsa edivi ọnị ọchẹngụ ọzaā sì, di u wee hú eche dị aa mẹrị wụ nịnị; dị ụ raa rị ịsa di u wee hú eche chavaa nịnị kẹnẹ. Ụ rẹẹ̄ hẹkẹ ori nịnị ana vị ịsa Ohomorihi ò yi sì vụrụ-vụrụ nịnị.

Ọdọvịdị 10:16

Ịjị ẹ maanị raa da ịpẹ, dị ezi Anisirẹrị nịnị va avaba ori ẹnịnị ha, dị ẹ kụkụ a hẹkẹ Ẹnẹyịmavara nị. Ụyọrị ezi Anisirẹrị ọ zị Ẹnẹyịmavara ẹngụ ẹtẹẹtẹrẹ.

Ọdọvịdị 9:27

Ịjị ụmẹ ịsa ọyịna ịvayịnị si tu, dị Anisekumi ọzọza tọ̀ igirepi, dị ẹ mẹ eche, dị ẹ rị eche nị. Ẹnịnị ệ nọ ịnị irehi ori ẹnịnị ịzị ẹ ya rị ịsa, di e hu eche, dị ẹ ya ịzọọ aa kụ Abimẹrẹkị ụhụ nị.