Ihoseya 2:7 - IWE ỌNỊNỊ

⁷ Ọ̀ọ dụ onyeehi anị pooro, ụvọ anị e yi vee ku ọ. Òo si wa, o yi vee re wa. Ịjọnọọ ọ vaa kà a ka ọnị aa va ka ọva ịpaapa na, ịzị ẹhẹ anị yaa ze yọ hu.

Ihoseya 2:7 ပူးပေါင်းရင်းမြစ်များ

2 Ịtọpa 28:23

Ộ mẹ̀ ịsọvọ yị ori irenyi-irenyi Anịdamasịkọsị ene hu ọ ẹtẹ. Ọ kà agụvị ka ori ẹnịnị ẹ gụ ohinọyị Aramị ụvọ, ọnị raa mẹ̀ ịsọvọ yi wa agụvị ẹnị ẹ rẹ gụ ọnị ụvọ. Ama dị ahịka ẹnị e vee vụ ọnịrị avaba Anisirẹrị nịnị ẹtẹ nị.

Ahẹ Ụgama 116:7

Ma nyẹngụ hi ụhwẹ zẹtẹ booro aanị, agụvị ka Ẹnẹyịmavara ọ raà mẹ̀ ịsa ene zoza mị.

Ayịsaya 30:16

Ama wê yi nịnị. Ụ ka u waa tụra umaata di wee zwe nịnị nị. Ịzẹyịza u vee zwe nịnị nị. Wê ro ka umaata awụ nịnị ệ rẹ, yẹ ka umaata ọnịrị awụ nịnị ẹnị vị ana rẹ rẹ́.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ijeremaya 2:36

Wa sị ẹngụ awụ nịnị vara ọnịyẹyẹ ụ maa ngụ ori zịịzị nịnị hụrị ẹkụra ẹnyị naa ngụ ọsa. Anijipiti vị ana vaa mẹ̀ ụhị nyị ụ nịnị anka Anasiriya mẹ mẹ̀ ụhị nyị ụ nịnị avọọ.

Ijeremaya 3:1

Ẹnẹyịmavara kà, ọza ọ̀ọ jị ose anị ịjẹvụ, dị ose anị ọnọọ hụụ ịdị anị, dị ọ na va ọnọrụ ọsa nị, ọza ọnọọ ẹ yị kụkụ zụ dọ ọ varẹma. Ọza ọnọọ ọ̀ọ dọ ọ varẹma, ọ sị ẹtẹ du saka-saka. Ama, ẹwụ nịnị Anisirẹrị, ẹwụrị onyeehi ọrụrụ ọ na ra sẹ̀ ịrẹka zịịzị. Ụ́ wáá kụkụ a vaa vàa ka mịị vẹ nịnị booro aanị nị?

Ijeremaya 31:18

Ẹnẹyịmavara kà ọnị ộ wụ́ Anisirẹrị nịnị mee du ayị dị ẹ ka, Ẹnẹyịmavara, vị́ ẹnị sị mẹẹ uye odivi avọọ nị, ama ọnị vị ana kọ ẹnị ka ẹnị ẹẹ saasa ịrẹyị anị. Ẹ ka ọnị ọ̀ kụ ẹnị vàka ẹngụ anị vẹ; ẹnị ee tenyi ẹngụ ka ẹnị aa vaa ka Ẹnẹyịmavara Ohomorihi ẹnịnịị vẹ.

Ijeremaya 31:32

Ẹ́ yị vaa vị ẹngụ ịzẹzẹ ọkụkụ ọnị ọnị zẹẹ yị ohiku ẹnịnị ọnị mẹ kụ wa hụrị ẹtẹ Ijipiti. Dị ọ daka vị ka vị ọnị sị mẹẹ anka ọva ọnẹẹ avọọ yị wa nị, ẹnịnị ẹ yị sị ụvọ za ịzẹzẹ ọnọọ.

Ijeremaya 44:17

Ẹ ka, avaba ịsị ẹnị ka ẹnị aa mẹ, ẹnị vaa mẹ nị. Ịsọvọ vị ọnị ẹnị vaa mẹẹ hị́ ori ẹnịnị ana vị ọnyẹnẹẹ. Ọnị ọ vị ohinọyị anyẹnẹẹ tụ ẹbẹẹba nị. Ẹnị vaa sị ẹnịrị ohiku ẹnịnị, beri ohinọyị ẹnịnị ọnịrị ọdọvịdị ẹnịnị mẹẹ mẹ̀ ẹ ẹkụra ene hi Ijuda ọnịrị oze ene hi Ijerusarẹmị nị. Avọọ ẹnị mẹẹ mẹ̀ ẹ dị ẹnị nyị ịsọyịrị gwẹtẹ, dị o zee yị ẹnị, dị ẹnị ẹ̀ yị nyị ẹngụkata ọnyọọnyị nị.

Ezikẹẹrị 16:18

Awuru ana a mẹ̀ ụkọrọ hi ọnị ọnị sị yị wụ vị ọnị ụ sị chire sì e vene ọza ọnị u mẹ jẹẹ, dị waa sị angwẹ orivi ọnịrị eturare ọnị ọnị sị yị wụụ mẹ ịsọvọọ yị wa nị.

Ezikẹẹrị 16:8

Ọ kà ọnị mẹ rẹ vanaa paraahu dị ọnị ré wụ, ọnị ô ré ka wa sị hụụ ọ họ̀ ịrẹyị. Ọnị ộ chire wu awuru ka we si ku ahwaahụ awụ, dị ọnị ka ọnị oo sì ịrẹyị awụ nị. Ẹnẹyịmavara Ananyị ụkata hu ka, ịzẹyịza, ọnị ộ kà a ka ọnị vaa nyị wụ, dị ụ kụkụ sị vara áanị.

Ezikẹẹrị 20:32

Wa sị ẹngụ tenyi nịnị ka ẹwụrị anẹkụra ana vọ ẹ̀ vị ọnyọọnya dị waa vàa ku ẹtẹ yị ọchị ọnịrị ịrẹta nịnị. Ama ẹ́ yị vaa vị wụ nịnị mẹ.

Ezikẹẹrị 23:12

Ọnị nyẹmba vị anaa du aza ọkụmị-ọkụmị Anasiriya gògògò ẹnị Ịgọvọnọ nịnị, ọdọvịdị Isoja nịnị ẹnịrị ezwọọmụha ọyịza-ọyịza Anasiriya vị ọnị aa dụụ zị.

Ezikẹẹrị 23:22

Booro aanị ẹwụ Ohoriba, Ẹnẹyịmavara Ananyị ụkata hu ka ọnị aa kà a yị wụ ka, ụ ka ịrẹyị onyeehi awụ nịnị ọ sị wụ tụ ahẹ, ama ọnị vaa tụ wa ịrẹyị tu wu, dị ẹyaa kụ́ ayị hi wu. Ẹnịnị vaa taa kara wụ nịnị eyi ụvọnị-ụvọnị.

Ezikẹẹrị 23:4

Ịrẹha ana vị ọzọkụ ọ rị Ohora nị, dị ịrẹha ana vị ozweyi rị Ohoriba nị. (Ohora vị ana jẹẹ yị Anịsamarịya nịnị, dị Ohoriba ọnị jẹẹ yị Anijerusarẹmị nịnị nị.) Ẹnẹyịmavara kà ọnị ộ nyị wa, dị ẹnịnị ma ezi yị ọnị nị.

Ịdanịyẹrị 4:17

Anggẹẹrị nịnị ene tenyi ẹngụ dị ẹ sị eyi pe ẹtẹ ẹtẹẹtẹrẹ aanị, ẹ kà ịrẹyị ẹnẹnị nị. Agụvị avọọ avaba aza ẹ̀ yẹ́ ka Ohomorihi ene hu kere-kere ọ nyị ụkata tụ ịrẹsụ ịjọva avaba anẹhẹ nị. Ọza ene èe ze e eyi kẹnẹ ọ nyẹngụ sị yị nị, ọ̀ọ daka vị ọza ana hịmị hu kere-kere.

Ịdanịyẹrị 4:25

Ọ kà, a vaa dụ ohinọyị hụụnị ẹkụra dị ọnịrị uye ịnị avị nịnị kụkụ na rá. Ọ́ vaa rị avị anka ụnọ avọ, dị aa sụ̀ ịnị avị ịzị eguhi vee chiree ku ọ pooro dị ọ mẹ ịrayị ịhịmba. Ọ kà ịjị ọnọọ, ọ vaa dọ ka Ohomorihi ọ nyị ọda avaba anẹhẹ nị, ọnịrị ka ọza ene ze e eyi ọ nyẹngụ sị rị ohinọyị nị.

Ịdanịyẹrị 4:32

Ọ kà, a vaa dụ ọ hụụnị ẹkụra dị ọnịrị uye ịnị avị nịnị kụkụ na rá. Ọ vaa rị avị anka ụnọ avọọ mẹ ịrayị ịhịmba. Ịjị ọnọọ ọ vaa yẹ́ ka Ohomorihi ene hu kere-kere ọ nyị ọda avaba anẹhẹ nị ọnịrị ka ọza enee ze e eyi ọ́ nyẹngụ sị rị ohinọyị nị.

Ịdanịyẹrị 5:21

Ọ kà â dụ ọ hụụnị ẹkụra, dị ọ kụkụ aa mẹ̀ ebira uye ịnị avị nị. Ọnịrị ịkẹrịkẹtẹ ene hi ịnị avị ẹ vana rá dị aa rị avị anka ụnọ avọọ nị. Ịnị avị ọ vanaa sụ̀ dị eguhi ee chiree kụ ọ nị, ẹ yị hyakụ re aha tẹ̀. Avọọ ọ mẹ yà pooro ne tu ịjị ọ sị dọ ka Ohomorihi ọ nyị ịjọva avaba ẹhẹ nị, ọnịrị ka ọza enee ze e eyi ọ sịị̄ rị ohinọyị nị.

Ihoseya 1:2

Ịnị ụmẹ ọnọọ, Ẹnẹyịmavara nyima aa tụ Ihoseya hi Anisirẹrị nị. Ọ́ kà Ihoseya ọ̀ na nyị ọsẹrẹka, dị ọ ma ezi ẹngụ ọza ẹnẹsa yọ. Ộ kà ọ vavọọ mẹ, dị ọ sị zụ Anisirẹrị nịnị mẹmẹ para ọnị hu naa hẹkẹ ori.

Ihoseya 13:6

Ama ịjị ẹ sị ịsa rị, dị ịnẹ sị wa ha, dị e yee wu, dị ayị anị hi wa nị.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ihoseya 2:16

Ẹnẹyịmavara kà ụmẹ aa vẹ, ọnị Isirẹrị vaa hị́ ọnị adarehi, dị ẹ yị kụkụ hị́ ọnị ọga anka ọ mẹẹ̄ hị́ Ịbaarị.

Ihoseya 5:13

Ịjị e re ụkụ ọnịrị ụnava ẹnịnị, dị ẹ nọ Asiriya ne tu ohinọyị ọbanyị ama ẹ yị va zụ gụ wa ụvọ a vị dị ọ mẹ ụkụ ẹnịnị yị wa.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.