Ihoseya 2:5 - IWE ỌNỊNỊ

⁵ Ọnyị ẹnịnị vị ọsẹrẹka ana sị ụhị wara rị. Ịnị ịrẹkọyịsẹ ọ ya dọ ịrẹẹ ẹnẹẹ nị. Ọ kà ọnị aa dụ onyeehi zịị agụvị dị ọnị ọ rị, dị ọnị o hu, dị ọnị nyị achị ọnịrị angwẹ orivi ne beri eche nị.

Ihoseya 2:5 ပူးပေါင်းရင်းမြစ်များ

Ayịsaya 1:21

Anẹkụra ana maanị nyị ayị ọnya ịjọnọọ wáá yị? Ẹnị ẹ kụkụ maanị aa dụ ori zị anka ọnẹẹ ana navọ ọva anị, dị aa sẹ̀ ịrẹka zị avọọ nịị? Ịyẹyẹ anẹkụra ọnọnị vị ana vịdị aa mẹ ịzẹyịza, ama booro aanị, avaba ẹnịnị kụkụ vị ọwọọza.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 13:22

Waa naa họ̀ nịnị ka sị ẹ vẹ dị ịrẹyị ẹnẹnị maanị ee tù u nịnị? Yẹ ka, agụvị ebira odivi ẹnẹmẹhị ọnị wa mẹ nịnị yọ nị. Ọnị ọ mẹ ka à hụ̀ ịta hụrẹ ẹwụ nịnị uruvo, dị a si ụkata-ụkata sị ụya rị ụ nịnị nị.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

Ijeremaya 6:8

Ọ kà, ẹwụ nịnị Anijerusarẹmị ọ̀ jẹẹ, dị ẹngụkata ẹnẹnị ọ̀ kà wụ nịnị ọ̀nọ̀, ka ẹyị vị avọọ ọnị va hụrẹ ẹwụ nịnị ụvọ. Ọnị vaa jị ẹkụra awụ nịnị eburu dị ẹ yị kụkụ nyị aza vụrụ-vụrụ.

Ezikẹẹrị 16:35

Avọọ, ẹwụ Ijerusarẹmị, ọsẹrẹka odivi ọnọnị, wụ́ ịrẹyị ọnị Ẹnẹyịmavara aa ka.

Ezikẹẹrị 16:39

Ọnị vaa sị wụ́ chire aza ẹnẹẹ ụvụ, dị ẹnịnị wú avaba ịzị ụ yaa sẹ̀ ịrẹka, di waa mẹ ori nịnịị ha. Ẹnịnị vaa dọ wụ ịta awụ nịnị ọnịrị ẹnya ọvị awụ nịnị, dị ẹẹ tụ́ wụ nịnị ahwaahụ saka-saka.

Ezikẹẹrị 16:4

Ụmẹ ana a sị ma wụ nịnị, ọza ẹ̀ yị jị ụvị awụ nị; ọza ẹ̀ yị hụ wụ enyi, ọza ẹ̀ yị dà ịsa sisi wu ẹngụ, dị à hyakụ va sị ịta pàrà wu ẹngụ bẹẹ.

Ihoseya 1:2

Ịnị ụmẹ ọnọọ, Ẹnẹyịmavara nyima aa tụ Ihoseya hi Anisirẹrị nị. Ọ́ kà Ihoseya ọ̀ na nyị ọsẹrẹka, dị ọ ma ezi ẹngụ ọza ẹnẹsa yọ. Ộ kà ọ vavọọ mẹ, dị ọ sị zụ Anisirẹrị nịnị mẹmẹ para ọnị hu naa hẹkẹ ori.

Ihoseya 2:2

Dị Ẹnẹyịmavara kà Isirẹrị ọ yị kụkụ vị ose anị, dị ọnị ọ yị rẹ kụkụ vị ọva anị nị. Ộ kà ẹnịnị ẹ da ịpẹ yị ọnyị ẹnịnị ka asị ọ rẹ kụkụ sẹ̀ ịrẹka. Dị ọ hụrẹ ụvọ onyeehi ẹnẹẹ ọnị ọ za ku ayị.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.

Ihoseya 3:1

Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.

Ihoseya 4:5

Ọọdụ hi ịrahụ vị ọnị ẹnịrị ọnịsẹ ẹnịnị aa tụ́ ahụ vanga, ộ kà ọnị vu Isirẹrị ọnyị ẹnịnị ẹtẹ.

Ihoseya 8:9

Anka ịkẹrịkẹtẹ ọnị ọnịnya anaa ngụ zịịzị avọọ, Anisirẹrị nịnị ê ne si tù Anasiriya nịnị. Ẹnịnị ẹ̀ na raà sị ẹngụ ẹnịnị tụ wa ahụ.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Emọsị 8:13

Ịnị ụmẹ ọnọọ, dị ozwọọmụha ọnịrị ozwoorihi naga-naga ẹnịnị aa jị họ̀ ịrẹyị Ẹnẹyịmavara dị ọ ha wa.

Ọdọvịdị 16:23

Ẹkụhị ọnya, dị ohirẹsụ Anihwirisiti nịnị wara ẹngụ gụ ka ẹnị a na a sị ịsọvọ ọbanyị gụ ori ẹnịnị ana aa hị́ Ịdagọnị, dị ẹnịnị aa jẹ ka ori ẹnịnị ọ ra sị Ịsamịsịnị ana vị ọnịvị ẹnịnị chire ẹnị ụvọọ nị.