Ihoseya 2:3 - IWE ỌNỊNỊ

³ Ẹnẹyịmavara kà ẹ yị va ahụ vẹ ịrẹma, dị ọnị tu ọ ahwaahụ anka ịhị a maa avọọ. Dị ọnị naavọ tụ ịzị ẹ yị nyị enyi, dị onyi wụ ọ.

Ihoseya 2:3 ပူးပေါင်းရင်းမြစ်များ

Ọyịkụra 17:3

Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?”

Ayịsaya 33:9

Ẹtẹ ọnọọ kụkụ vi osusu tịtẹ kẹnẹ, ẹ yị kụkụ nyị ọza ịnị anị. Avaba ọchị ene hi ini iriku Ịrẹbanọnị ẹ kụ́ wọrọ. Ini ozi Ịsarọnị ana vịdị maanị zoza ọ kụkụ sị vara ọpaapara. Ọchị ene hi ịnị ataba Ịbasanị ọnịrị Ịkamẹrị ẹ kụ́ wọrọ avị.

Ayịsaya 47:3

Aza vee re ahwaahụ awụ. Ẹnịnị vee re a mẹ̀ và wụ nẹtẹ, dị ụhị nyị wụ. Ẹ nyị ọza ana va zụụ za mịị jẹẹ ka à sị mị họ̀ oponu.

Ayịsaya 64:10

Avaba ẹkụra awụ ẹ sị vara ụnọmị. Ijerusarẹmị ọ raa tụ́ osusu.

Ijeremaya 12:10

Ọ kà, oseratẹmẹ ọrụrụ-ọrụrụ ẹ sị ụbazị ịvayịnị anị du ha. Ẹ raa sị ahụ chaka aarẹ anị. Ẹ sị ẹtẹ anị ọkụmị-ọkụmị vara ụnọmị ọyịwụ.

Ijeremaya 13:22

Waa naa họ̀ nịnị ka sị ẹ vẹ dị ịrẹyị ẹnẹnị maanị ee tù u nịnị? Yẹ ka, agụvị ebira odivi ẹnẹmẹhị ọnị wa mẹ nịnị yọ nị. Ọnị ọ mẹ ka à hụ̀ ịta hụrẹ ẹwụ nịnị uruvo, dị a si ụkata-ụkata sị ụya rị ụ nịnị nị.

Ijeremaya 13:26

Ẹnẹyịmavara ọnị ụvọta vaa tụ wụ nịnị ahwaahụ, dị ọ mẹ̀ ụhị nyị wụ nịnị.

Ijeremaya 14:3

Aza ẹbanyị ẹnịnị ẹẹ tụ ezida ẹnịnị ka ẹ̀ na dà enyi vẹ, ệ nọ ịnị ịkangga, ẹnịnị e yi re enyi dà. Ụnọkọ osusu ẹ́ sị vavẹ nị. Ụhị aa nyị wa, ó si hí wa irenu, dị ẹ kụkụ aa sị eyi tẹ̀ nị.

Ijeremaya 17:6

Ẹngụ aza ẹnẹẹ vana sị mẹẹ anka avị ana chị tụ ịnị ẹtẹ ọpaapara avọọ. Vị ọ́ sị mẹ anka avị ana yà ịnị ụnọmị avọọ nị. Ẹ́ yị nyị ịsị ọyịza ọnị oo ree sị ụvọọ za.

Ijeremaya 2:31

Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Ijeremaya 2:6

Ẹnẹyịmavara kà ọnị ọ kụ ụ nịnị hụrị ẹtẹ Ijipiti dị ọnị kụ ụ nịnị zị oze ịnị ẹtẹ ọpaapara nị: Ụnọmị ọnọọ vị ẹtẹ aarẹ-aarẹ ọnị orihi ẹ yị ma hụra zụ ịnị anị, ẹtẹ ọyị wụ ene divi ẹtẹẹtẹrẹ ọ vị nị. Ọza ẹ́ yị ma ra ịnị anị, ẹ́ yị nyị ọza anaa dọ ka ọnị ọ zị avọọ jịnẹ. Ama ayị anị o ve hi ụ nịnị.

Ijeremaya 22:6

Ọ kà, irehi ohinọyị Ijuda oo zoza anka ẹtẹ Anigiriyadi ọnịrị ataba Ịrẹbanọnị avọọ eyi anị; ama ọnị vaa hụ́ azaa hụụ ịzọọ, dị ọza ẹ yị ma vana rá ịnị anị.

Ijeremaya 4:26

Ẹnẹyịmavara maa kụ ayị, ẹtẹ ana vịdị maanị zoza, ọ kụkụ sị vara ụnọmị; avaba ẹkụra anị ẹ sị jị eburu.

Ijeremaya 51:43

Ẹkụra-ẹkụra ene hi Ịbabịrọnị kuku e chire ọza angwa. Ẹ́ kụkụ sị mẹẹ anka ẹtẹ aarẹ-aarẹ ẹnẹ ẹ yị nyị enyi vụrụ-vụrụ avọọ. Ẹ́ yị nyị ọza ana ra ịzọọ, ẹ́ yị hyakụ nyị ọza anaa zị avọọ paraahu.

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Ezikẹẹrị 16:22

Ẹnẹyịmavara kà, avaba ụmẹ ọnị ụ sị aa sẹ̀ ịrẹka, dị waa mẹ ịsị eenyisi zị, wẹ́ yị daba tamayị ịjị ọnị vị ozweyi, ọnị wáá tụ ahwaahụụ zịị?

Ezikẹẹrị 19:13

Booro aanị, ịnị ẹtẹ ana wụ, dị ẹ̀ yị nyị enyi ịnị ụnọmị, e kuku chire e tụ nị.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Ihoseya 2:10

Ẹnẹyịmavara kà ọnị vaa tụ́ wa ahwaahụ eyi aza ana vị onyeehi anị nị. Ộ kà a yị nyị ọza ana vaa zụụ dọ ọ ha.

Ẹtore 17:16

Uye ovivi ọnịrị ọpanyị ẹẹwụ ị́rẹsụ ọnị u re avọọ, vaa nyị ịhyẹrẹ ọsẹrẹka ọnọọ. Ẹ vaa dọ ọ avaba ịsị ọ nyị, dị ẹ tụ́ ọọ ahwaahụ. Ẹ vaa rị ụpẹngụ anị, dị ẹ rị ọọ ịra.

Ọdọvịdị 15:18

Ịjọnọọ enyi vị ana nyayịnẹ a ku Ịsamịsịnị ẹtẹẹtẹrẹ, Ô sị ọngwẹ tụ ẹba hị́ Ẹnẹyịmavara, dị ọ ka, “Ẹwụ waa sị ozi ahụ nyị ẹbẹẹba ọbanyị ọnọnị. Ụ wáá va navọ ka onyi ọ wụ̀ mị, dị ma ngụ aza ẹnẹ ẹ yị yẹ ẹwụ Ohomorihi ụvọ nị?”