Ihoseya 2:23 - IWE ỌNỊNỊ

²³ Ẹnẹyịmavara kà ọnị vaa sị Isirẹrị jẹẹ, di o zee yọ. Ọnị vee sì ịrẹyị aza ọnị ọnị e yi vịdị si, dị aza ọnị ọnị ka ẹ yị vị aza anị kụkụ vị aza anị, dị ẹ yaa hị́ ọnị Ohomorihi ẹnịnị.

Ihoseya 2:23 ပူးပေါင်းရင်းမြစ်များ

Ahẹ Ụgama 118:28

Ẹwa vi Ohomorihi amị nị, mị vaa kụ́ wụ avọ, mị ka ẹwa vị Ohomorihi amị nị, maa sị ụbanyịị wụ.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 68:31

A vaa tụ́ odeyi hụrẹ Ijipiti vẹ, Anisudani vaa kụ̀rà ụvọ tụ́ ẹba dị ẹ yaa mẹ̀ aduwaa hi Ohomorihi.

Ahẹ Ụgama 72:16

Ohomorihi ọ̀ navọ ịsa ịnị aarẹ ọ̀ mẹ gwẹẹtẹ ịnị ẹtẹ ọnọọ. Aarẹ ana a dà hi ịnị avaba ataba ẹ mẹ̀ ịsa ẹtẹẹtẹrẹ. Ịsa ịnị ẹnịnị ẹ̀ mẹ anka ẹtẹ Ịrẹbanọnị mẹ̀ẹ mẹ̀ ịsa avọọ. Aza ẹ̀ rụrụ hi ịnị ẹkụra anka avị mẹ̀ chị hi ịnị aarẹ avọọ.

Ahẹ Isoromọnị 2:16

Ọza oni mi sì aanị vị aamị, dị ẹmịrị vị aanị nị. Ịnị akakana ododo ọyịza-ọyịza ọọ̄ kụ ịsụpa anịị rị nị.

Ayịsaya 44:5

Aza vaa kà a ikonyi-ikonya ka, “Aza Ẹnẹyịmavara mị vị nị”. Ẹ vaa vẹ dị ẹ va vahura Anisirẹrị nịnị, ọzịnya-ọzịnyara ẹnịnị vaa chẹrẹ ịrẹha Ẹnẹyịmavaraa tụ ịnị ọchụvọ anị, dị ẹyaa hị́ ẹngụ ẹnịnị aza Ohomorihi.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 30:22

Ẹnẹyịmavara kà ẹnịnị vaa vị aza anị, dị ọnị vị Ohomorihi ẹnịnị.

Ijeremaya 31:27

Ẹnẹyịmavara kà, ọnị ka ụmẹ aa vẹ ọnị ọnị vaa mẹ ka ẹtẹ Isirẹrị ọnịrị Ijuda ẹ vị ohihi yị aza ọnịrị ịsụpa.

Ijeremaya 32:38

Ọ kà, ẹnịnị vaa vị aza anị, dị ọnị vị Ohomorihi ẹnịnị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ezikẹẹrị 36:29

Ọnị vaa dọ wụ nịnị ha hụụnị avaba ịsa enee du wu nịnị ẹngụ. Ọnị vaa mẹ ọda ka akụ ọ̀ mẹ va gwẹtẹ, agụvị asị ụngwẹ kụkụ vana kụ̀ wụ nịnị.

Ihoseya 1:6

Dị Igoma rẹ varẹma zyẹẹ dị ọ ma ozi ọnẹẹ nị. Dị Ẹnẹyịmavara kà yị Ihoseya ka ịrẹha ozi ọnọọ ọ rị Iro-ruhama ọnị iruvo anị ọ vị “Ẹ yị nyị ayamva”. Ẹnẹyịmavara kà ọnị ọ yị kụkụ vaa vayị Isirẹrị dị ọnị ọ hyakụ vaa vagu wa.

Ihoseya 8:2

Ẹnịnị mẹ vavọọ wụ̀ ịrẹyị ọnọọ, di e na owu na za Ẹnẹyịmavara. Dị ẹ ka ọ navọ ọ gụ ẹnị ụvọ agụvị ka ọnị ọ vị Ohomorihi ẹnịnị nị.

Ịzakaraya 10:9

Ẹ mẹ daka gara hi ẹhẹ zịịzị aanị, ọ daka noze, ẹ vaa tamayị anị. Ẹnịrị ezi ẹnịnị vaa ha dị ẹ varẹma vabẹ ve eehi.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ịzakaraya 14:16

Aza ana ha ịnị avaba anẹkụra ana gẹ ịrẹkụ tụ́ Ijerusarẹmị vaa sị ịrayị na hẹkẹ Ohinọyị, Ẹnẹyịmavara Ochẹtẹẹngụ, dị ẹ rị eche ajẹngụ.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Aniroomi 3:29

Ohomorihi Aniju kẹnẹ Óhomorihi wâ vị nị? Aanị ka ẹ yị vị ọnị ọ rẹ vị Ohomorihi Anigiriki nịnị? Ọnị ọnyọọnya ọ vị Ohomorihi ẹnịnị nị,

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?